Filipi 4:13 - Uwumbɔr aagbaŋ

¹³ Kristo aah tii mi mpɔɔn mu na, m ga ŋmaa ŋa tiwan mɔmɔk.

UWONBƆR A GBƆNPƆŊ LIKƆƆNL

¹³ N li fir tun niwann biɛn Masiya kaah seim ngbananpɔɔn man nin bu.

Filipi 4:13 ပူးပေါင်းရင်းမြစ်များ

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 45:24

Bi ga len ke min baanja pu le unii ga ŋmaa kan linyaŋ ni mpɔɔn; le bimɔk gee m pu liŋuul na ga ji inimɔɔn.

Matiu 14:29

Le Yesu bui u, “Li chuun choo.” Le Piita nyan buŋɔb ni, ki chuun nnyun paab ki cha Yesu chee.

Jɔnn 15:7

Ni yaa kpaan m chee, ki yaa joo maaliin nisui ni kan, mee Uwumbɔr naah ban pu na man, le u ga ŋa kina tii nimi.

Efesusi 3:16

Waah kpa mpɔɔn sakpen pu na, le m mee u ke u tii nimi mpɔɔn nisui ni, Waafuur Nyaan pu,

Efesusi 6:10

Nnaabitiib, gbelngbeln yaan le ye ke Tidindaan aah kpa mpɔɔn sakpen pu na, ni li kpa mpɔɔn mu u tii nimi na.

Kolosiya 1:11

Ti mee u tii nimi ke waah kpa mpɔɔn sakpen pu na, u tii ni mu mpɔɔn, aan ni li kpa limɔr falaa ponn ni n‑yoonn mɔmɔk, ki li kpa mpopiin,

1 Timoti 1:12

M dooni Tidindaan Yesu Kristo u tii mi mpɔɔn ke m tun lituln ngbaan na la. U len ke m ye mbamɔndaan, ki lee mi ke m tun waatuln.