Filipi 3:13 - Uwumbɔr aagbaŋ

¹³ Nnaabitiib, maa len ke m fuu waah ban pu na. Nnimbil man tiwan nibaa le pu. M suln tiwan ni bi mpuwɔb na, ki pɔɔni mbaa ke m pii tiwan ni bi nnimbiin ni na.

UWONBƆR A GBƆNPƆŊ LIKƆƆNL

¹³ N nabum, maa tiɛr ke n baan tɔɔl a nɔɔ la ŋub ni. Amaa maah ŋa man ye nan le: N tam nan pii tun jon nin bu le ki gbaar ban nan la be n nintogilin bu,

Filipi 3:13 ပူးပေါင်းရင်းမြစ်များ

Ilahn 27:4

M mee Uwumbɔr tiwan nibaa la; tiwan nibaa baanja le m ban, ke m li bi Uwumbɔr Aadichal ni n‑yoonn mɔmɔk ki mee u, u mɔk mi waasan, aan waaŋann li ye iwaan aawan m chee.

Ilahn 45:10

Ubɔr aabɔndinn, li pel maah len pu na, suln saanib, ni aado yaab bɔr.

Tibɔnyaan ti Luk ŋmee ti na 10:42

Tiwan nibaa baanja le aa lann. Mari aah lee ni na le ŋan. Ubaa aan nyan waah lee ni na u chee.”

Tibɔnyaan ti Luk ŋmee ti na 9:62

Le Yesu bui u, “Unii yaa joo unaaja ko kisaak ki lik puwɔb kan, waa ŋeer Uwumbɔr aanaan ni aatuln.”

2 Korenti 5:16

Taan ki lik unii ubaa paacham ke dulnyaa ni aanib aah lik pu na. N‑yoonn mubaa ti nan lik Kristo kina la. Ti mu aa ki lik u kina.

Filipi 2:12

Nima pu na, nnaabitiib bi m gee bi na, maah kaa bi ni chee na, m ban ke ni kii maamɔb ki jer naah nan kii maamɔb buyoonn m nan bi ni chee pu na. Naah ŋmar pu na, ni li tun Uwumbɔr aatuln ke binib bi ŋmar na aah ba ga tun pu na, ki li san Uwumbɔr n‑yoonn mɔmɔk;

Filipi 3:12

Maa len ke m fuu Yesu aah ban pu na, kaa len ke m ye unii u ŋan ti doo na. M pɔɔni mbaa ke m li bi Yesu Kristo aah ban ke m li bi pu na; ba pu? u gaa mi ki ŋa mi waanii la.

Filipi 3:8

Ni ye mbamɔn la, m yii tiwan mɔmɔk ke naa ye nibaa, ke m li nyi Yesu Kristo u ye Ndindaan na. Maah nyi u pu na, nima le jer tiwan mɔmɔk. U pu le m di tiwan mɔmɔk lii, ke ni ye timoor la, ke m gaa uma,

Hiibru Yaab 6:1

Nima na, ti taa li beenin len Kristo aamɔkm mu diin na baanja aabɔr n‑yoonn mɔmɔk. Cha ti bae waamɔkm mu gur na mɔmɔk, aan ki chikr waasan ni. Naa ki ban ke ti li beenin tuk nimi n‑yoonn mɔmɔk ke, “Kpeln nimi aabimbin man, ki di cha ŋitukpok, ki tii Uwumbɔr naadii man.”

2 Piita 3:8

Maanigeekaab, ni taa suln ke liwinbaal naahn ŋibin lichur le Tidindaan chee. Ŋibin lichur mu naahn liwinbaal le u chee.