Filipi 1:23 - Uwumbɔr aagbaŋ

²³ nkun ni limɔfal mɔmɔk ŋan la. M ban ke m nya dulnyaa ni, ki ti li bi Kristo chee; ba pu? nima le ga li ŋan sakpen ki jer naah ŋan pu dulnyaa wee ni na.

UWONBƆR A GBƆNPƆŊ LIKƆƆNL

²³ N be niwann nilee nmɔn a sisiigin le: N sufu ban ke n nya dulinya nan yaan ki tan li be Masiya ban, ni ma ŋan takpem;

Filipi 1:23 ပူးပေါင်းရင်းမြစ်များ

2 Samuel 24:14

Le David bui ke, “M bi limukl aayoonn ni le na. Tɔ, maa gee ke unibɔn daa ntafal. Uwumbɔr le ye unimbaasaln daan, cha uma le daa timi aatafal.”

Ilahn 17:15

Le mma ga kan si, ba pu? maa tun taani ubaa; le m yaa finn ngeen pu kan, saah bi m chee pu na ga tii mi mpopiin.

Ilahn 49:15

Le Uwumbɔr ga gaa mi lii, u ga nyan mi nkun aapɔɔn ni.

Tibɔnyaan ti Luk ŋmee ti na 12:50

M ga ji falaa ki ti nyaŋ. Nsui aan doon see m jin falaa ngbaan ki ti doo.

Tibɔnyaan ti Luk ŋmee ti na 23:43

Le Yesu bui u, “M tuk si mbamɔn la, din aa ga li bi m chee Paradais ni.”

Tibɔnyaan ti Luk ŋmee ti na 8:38

Le uja u tiyayaar nyan u ni na gaŋ Yesu ke u cha u dii u. Le Yesu aa kii, ki bui u,

Jɔnn 12:26

Unii yaa ban ke u tun lituln tii mi kan, udaan li dii mi. Maah bi nin chee na, maatutunn mu ga li bi nima. Unii yaa tun lituln tii mi kan, Nte Uwumbɔr ga nyuŋ udaan.”

Jɔnn 13:1

Ni nan ye kitaak ki ga nan ji aan ki woln Lakr‑jer aajim daal na. Le Yesu nyi ke ni ŋeer u nya dulnyaa wee ni, ki buen Ute Uwumbɔr chee. N‑yoonn mɔmɔk u nan gee waanib bi bi dulnyaa ni na. U gee bi mbamɔm ki ti saa ndoon.

Jɔnn 14:3

M yaa buen ti toor nkookoo yaan ki kiir nimi kan, m ga gir ni, ki nan yoor nimi buen mbaa chee, ni ti li bi maah ga li bi nin chee na.

Jɔnn 17:24

“Nte Uwumbɔr, saah tii mi binib bi na, m ban bi mu li bi maah bi nin chee na, ki kan saah nyuŋ mi pu na; saah kaa nan kee naan dulnyaa buyoonn na, aa nan gee mi.

Lituln 7:59

Le bi mae Stiifen ŋitakpal u ti kpo. Baah bi mae u ŋitakpal na, le u mee Tidindaan ke, “Tidindaan Yesu, gaa maawiin,”

2 Korenti 5:8

Le ti kpa lipobil. Ti yaa di tiwon timina lii, ki kun Tidindaan do paacham kan, ni ga li mɔ timi.

2 Korenti 6:12

Naa ye ke timi le aa gee nimi. Ni ye ke nimi le aa gee timi.

Filipi 1:24

M mu yaa kaa kpo kan, ni mu ŋan; ba pu? m ga li ŋmaa beenin ter nimi.

1 Tesalonika 2:1

Tinaabitiib, nimi nibaa nyi ke taah nan dan ni chee na, naa ye fam. Ni nyi ke taah nan bi Filipi aatiŋ ni na,

1 Tesalonika 2:13

Ti dooni Uwumbɔr ni pu n‑yoonn mɔmɔk la; ba pu? taah nan tuk nimi Uwumbɔr aabɔr na, ni nan gaa tibɔr ngbaan, ki bee ke naa ye binib aabɔr, ni ye Uwumbɔr aabɔr la. Mbamɔn, ni ye Uwumbɔr aabɔr la, ki kpelni nimi bi gaa u ki kii na aabimbin.

1 Tesalonika 4:17

Njan, Yesu aanib bi kpo na le ga fikr nkun ni, le Uwumbɔr nin kpaan yoor bi ni waanib bi mu ga li bi n‑yoonn ngbaan na, le bi ti tooh Tidindaan ntaalangbam ni, paacham. Kina le ti ga li bi Tidindaan chee n‑yoonn mu kaa kpa ndoon na.

2 Timoti 4:6

Mma kan, m bi ke kitork na la; bi ban ke bi ku mi Yesu aabɔr pu la. Ni gur siib, maan ki li bi dulnyaa wee ni.

Tibɔkpiirkaan 14:13

Le m ŋun nneel len paacham ke, “Ŋmee ke: Bitekpiib bi nan dii Tidindaan na, waanyoor bi bi pu dandana wee ki joo cha.” Le Uwumbɔr Aafuur Nyaan kii ke, “Ni ye mbamɔn; ba pu? bi nan tun litunyaan linimaln. Baah kpo na, le bi fuur. Baah tun pu na mu dii bi.”