Filipi 1:20 - Uwumbɔr aagbaŋ

²⁰ Nnimbil man ke binib nyuŋ Kristo m pu. M yaa kpo u pu, bee m yaa kaa kpo u pu kan, m ban ke m li kpa lipobil dandana wee, ke maah kpa n‑yoonn mɔmɔk pu na, ki li len ki taa li san binib inimɔɔn.

UWONBƆR A GBƆNPƆŊ LIKƆƆNL

²⁰ N nunman nin n tama ye le ke, n laa ji ifa, amaa wee ki li jɔɔ lipoobil daandaan nan nin iyoo biɛn, hali ni ye n kpo le bee n fo ke ni, n che Masiya a yinl nkan ndom n gbanann nin.

Filipi 1:20 ပူးပေါင်းရင်းမြစ်များ

Ilahn 119:116

Saah nan puu pu na, tii mi mpɔɔn, aan m li kpa limɔfal; taa cha maamakl bee fam.

Ilahn 119:80

Cha m li joo saakaal, saah ban pu na, ki nya nlirm aanimɔɔn ni.

Ilahn 25:2

Maawumbɔr, sin le m gaa ki kii. Taa cha m ji inimɔɔn; taa cha maadim nyaŋ mi.

Ilahn 62:5

Uwumbɔr baanja pu le m nyii ki bi; m kpa u pu limakl.

Ŋiyataŋak 10:28

Bininyaam aamakl joo ni bi mpopiin la, le bibiindam ma aan kan nibaa.

Ŋiyataŋak 23:18

Aa yaa ŋani kina kan, aa kpa limɔfal li fɔk ki ŋan na.

Aisaya 45:17

Le Uwumbɔr gaa Israel yaab ma lii, le Israel yaab aanyaŋ aan li kpa ndoon; Israel aanib aan ji inimɔɔn daalbaadaal.’”

Aisaya 50:7

Tidindaan Uwumbɔr aah ter mi pu na, baasiibil aan ŋa mi nibaa. M gor mbaa ki kii ke m gaa ŋi, m nyi ke maan ji inimɔɔn,

Aisaya 54:4

Taa san ijawaan man; naan ki ji inimɔɔn; ubaa aan ki lik seen nimi. Aa ga suln saah kaa nan si chob pu na aabɔr, ki suln buyoonn aa nan gur ka ke ukpopii na mu.

Jɔnn 21:19

U nan bui Piita kina ke u mɔk u, uma Piita aah ga kpo ki nyuŋ Uwumbɔr pu na. Waah len kina na, le u bui u, “Li dii mi.”

Lituln 20:24

Tɔ, m yaa kpo, bee m yaa bi kan, ntafal aa bi ni ni. Tidindaan Yesu tii mi lituln, ke m tuk binib tibɔnyaan ngbaan, ke Uwumbɔr gee bi. Ntafal bi lituln ngbaan ponn ni, ke m tun li ti doo.

Lituln 21:13

Le Pɔɔl baa bi, “Ni ŋani ba kina, ki wii, ki bii nsui? Bi yaa ga ti buu mi Jerusalem ni, bee bi yaa ga ti ku mi nima Tidindaan Yesu pu kan, m ga buen. Maan di cha.”

Lituln 4:31

Baah mee Uwumbɔr doo na, le baah bi kidiik ki ponn ni na deŋ. Le Uwumbɔr Aafuur Nyaan gbiin bi mɔmɔk. Le bi kan lipobil, le ki tuk binib Uwumbɔr aabɔr.

Rom Yaab 12:1

Nima pu na, nnaabitiib, Uwumbɔr aanimbaasaln pu le m gaŋ nimi, ni di nimi aawon tii Uwumbɔr, ki ŋa kitork ki fu, ki bi chain, ki ga piir usui na. Nimina le ye naah ga li dooni u mbamɔm pu na.

Rom Yaab 5:5

Limakl ngbaan aan jinn timi inimɔɔn. Ba pu? Uwumbɔr aah tii timi Waafuur Nyaan na, Nfuur Nyaan ngbaan le cha ti bee tisui ni waah gee timi sakpen pu na.

Rom Yaab 6:13

Ni taa di nimi aawon tii titunwanbir, ki taa tun lituln li kaa ŋan na. Ni di nibaa tii Uwumbɔr, ke binib bi fikr nkun ni na, ki di nimi aawon tii Uwumbɔr, ke ni tun lituln li ŋan na ki tii u.

Rom Yaab 6:19

M di binibɔm aabimbin ŋaŋ Uwumbɔr aabɔr ke ni bee maah len pu na aatataa mbamɔm la. Ni nan joo nimi aawon tun tijɔŋ aatuln, ni titunwanbir aabɔŋ mɔmɔk la. Dandana wee, ni di nimi aawon tun lituln li ŋan na man, aan ki ŋa binib bi bi chain na.

Rom Yaab 8:19

Tiwan ni Uwumbɔr naan ni na mɔmɔk aanimbil man ke ni kan bundaln Uwumbɔr ga nyan waabim mpaan pu na.

Rom Yaab 9:33

bi gbeer lifaakuul li Uwumbɔr Aagbaŋ len laabɔr na ke, “U di lifaakuul bil Sionn aatiŋ ni. Binib ga gbeer li ki lir. Le unii umɔk gaa u ki kii na aan ji inimɔɔn.”

1 Korenti 15:31

Nnaabitiib, idaa mɔmɔk m chuun nkun ni la. M kpa kipupuk ni pu Tidindaan Yesu Kristo aasan ni, nima le cha m len kina.

1 Korenti 6:20

Uwumbɔr daa nimi le ki pan. Naa yeh nibaa, Uwumbɔr le yeh nimi. Nima pu na, ni di nimi aawon tun lituln li ga nyuŋ Uwumbɔr na.

1 Korenti 7:34

le waalandak yakr mfum mulee. Upii u kaa kpa chal na, bee usapɔɔn u kaa nyi uja na, utafal bi Tidindaan aabɔr ni la; u ban ke uwon ni waawiin li bi chain. Upii u kpa chal na, utafal bi dulnyaa wee ni aabɔr ni la, u dakl waah ga ŋa pu ki piir uchal aasui na la.

2 Korenti 10:8

Tidindaan tii mi tininkpir ke m ter nimi ni dii u mbamɔm, waa tii mi tininkpir ngbaan ke m bii nimi. M yaa puk kipupuk ki jer maah ba ga puk pu na kan, maan ji inimɔɔn.

2 Korenti 3:12

Taah kpa limakl tibɔnyaan tee pu na, nima le ti kpa lipobil ki len.

2 Korenti 4:10

N‑yoonn mɔmɔk binib dii timi ke bi ti ku timi, ke baah nan dii Yesu bi ti ku u pu na. Baah kaa ku timi na, nima le mɔk ke Yesu aamɔfal aapɔɔn bi ti ni.

2 Korenti 5:15

U nan kpo binib mɔmɔk pu, ke binib bi laa bi na taa ki ŋani baageehn, bi li ŋani waageehn; ba pu? u nan kpo bi pu ki fikr nkun ni.

2 Korenti 7:14

M nan pak nimi u chee, le naa jinn mi inimɔɔn. Taah tuk nimi tibɔr ti na mɔmɔk, ti len mbamɔn la. Kina le taah nan pak nimi Taitus chee pu na, ti len mbamɔn.

2 Korenti 7:4

M kpa lipobil sakpen le ki len nimi. M kpa kipupuk sakpen ni pu. Nsui sɔŋ mbamɔm la. Timi aafalaa mɔmɔk ponn ni, m kpa mpopiin ni pu ki ti nyaŋ.

Filipi 1:14

Maah bi kiyondiik ni na, nima le pɔɔk nnaabitiib aataakpab Tidindaan aasan ni, ki tii bi lipobil ke bi tuk binib Yesu aabɔr ki taa san ijawaan.

Filipi 2:17

Ni yaa gaa Yesu ki kii ki tun waatuln mbamɔm kan, m kpa mpopiin ni pu. Bi yaa po ku mi kan, m kpa mpopiin.

Kolosiya 1:24

Tɔ, maah jin falaa u ni pu na, nima le m kpa mpopiin. Kristo nan tuk mi maah ga ji falaa waanib pu pu na, le maah ji falaa tiwon tee ni na, falaa ngbaan u gur na le m ji. Waanib bi m ji falaa bi pu na le ye waawon.

1 Tesalonika 5:23

Uwumbɔr u tii timi nsuudoon na, ŋa nimi aabimbin mɔmɔk chain, ki li joo nimi aawiin, ni nisui, ni nimi aawon mbamɔm, ni taa li kpa taani ubaa bundaln Tidindaan Yesu Kristo ga gir ni na.

1 Piita 4:16

Tɔ, unii yaa jin falaa Yesu Kristo aasan pu kan, u taa cha inimɔɔn li joo u. U li pak Uwumbɔr waah ye Yesu Kristo yoo na pu.

1 Jɔnn 2:28

Maabim, ni li kpaan Yesu chee n‑yoonn mɔmɔk, aan ti li kpa lipobil ki taa san inimɔɔn u chee bundaln u ga gir ni na.