Esta 9:3 - Uwumbɔr aagbaŋ

³ Ibamɔn, nnaan ngbaan aapepel mɔmɔk aaninkpiib, ni biyidam, ni nnaan aanib, ni ŋaaninkpiib mɔmɔk nan kpee Juu yaab pu la; ba pu? bi mɔmɔk nan san Modekai ijawaan la.

Esta 9:3 ပူးပေါင်းရင်းမြစ်များ

Esra 2:2

Binib bi nan ye baasalolm na le nan ye Serubabel, ni Josua, ni Nehemia, ni Seraya, ni Reelaya, ni Modekai, ni Bilsann, ni Mispar, ni Bigfai, ni Rehum, ni Baana.

Esra 8:36

Bi nan ki nyan ubɔrkpaan ngbaan aah nan tii bi kigbaŋ ki na ki di tii Yufrates Aamɔɔl aawilir aapepel aayidaan ni waaninkpiib, le bi nan tii bi nterm, ni Uwumbɔr Aadichal ni aadoon aaterm.

Esta 3:12

Kina pu na, njan aaŋmal aawiin kipiik ni itaa daal le Hamann nan yin ubɔr aagbaŋmeeb le ki cha bi ŋmee tibɔr ti u ban na, nnaan ngbaan aaliin mɔmɔk ni, ni iliin ngbaan aaŋmeen ni, ke u tii bitinjoob mɔmɔk, ni biyidam mɔmɔk, ni nnaan aaninkpiib mɔmɔk. U nan ŋmee ti Ubɔrkpaan Sekes aayimbil pu la, ki di waabɔmbik nyii tibɔr ngbaan pu.

Esta 8:17

Ntim mɔmɔk ni, ni ŋipepel mɔmɔk ni, nin chee bi nan karn ubɔr aakaal ngbaan na, Juu yaab nan kpa lifuur aawiin ki ji njim ki kpa mpopiin. Ibamɔn, binib bi kaa ye Juu yaab na pam nan kpaln Juu aanib; ba pu? bi nan gur san bi ijawaan la.

Esta 8:5

“Ni yaa ga li mɔ si mpɔɔndaan, aan aa yaa lik faar mi ki dak ke ni ŋan aa chee kan, m gaŋ si ke aa siin nkaal ke Hamann aah nan siin ikaal i na taa tun lituln; ikaal i Hamedata aajapɔɔn u aayaaja ye Agag na nan siin ke bi kuln Juu yaab, nnaan mue ni na.

Esta 8:9

Nimina nan ŋa ŋmataa, u bi yin u ke Sifann na aawiin moninko ni itaa daal la. Modekai nan yin ubɔr aagbaŋmeeb ki cha bi ŋmee tigbann tii Juu yaab, ni biyidam, ni nnaan aaninkpiib bimɔk bi nnaan aapepel nkub ni moninko ni ŋilole, ki nyan India aatingbaln, ki ti saa Kus aatingbaln ni na mɔmɔk. Tigbann na nan buen lipepel mɔmɔk, ni laaliin, ni laaŋmeen ni, ni Juu yaab, ni baaliin, ni baaŋmeen ni.

Daniel 3:2

Le ubɔr cha bi yin ni waanaan ni aaninkpiib mɔmɔk ke bi kuun dan: bi yin bisalolm, ni biyidam, ni butɔb aajab aaninkpiib, ni bi bilni ŋimombil na, ni bibɔjirb, ni bininkpiib bimɔk bi ŋipepel mɔmɔk ni na, ke bi mɔmɔk dan nan kan waah ga di tiwanaankaan ngbaan mɔk binib pu na.