Esta 9:2 - Uwumbɔr aagbaŋ

² Juu yaab aakookoo yaan, nnaan ngbaan ni, bi nan gor bibaa ke bi tak unii umɔk nan pɔɔni ubaa ke u tii bi titotonn na. Ŋipepel mɔmɔk aanib nan san bi ijawaan la, le ubaa aa nan ŋman bi.

Esta 9:2 ပူးပေါင်းရင်းမြစ်များ

Mpiin 35:5

Nee aapuwɔb le Jakob ni udo yaab nan piin ki nyan cha, le ijawaan sakpiin chuu binib bi aatim nan bi gbɔk nima chee na, le baa kaa bi paan bi pu.

Esta 8:11

Tigbann ngbaan nan mɔk ke ubɔr tii Juu yaab nsan ntim mɔmɔk ni ke bi gor bibaa pu ki li kii bibaa. Bijab yaa nyan ni linibol limɔk ni ki ban bi tak bi ni bipuutiib ni baabim na kan, bi fii sil ki kiir bi, ki ku doo bi; bi ku bi mɔmɔk, ubaa taa gur, ki yoor baawangol.

Esta 8:17

Ntim mɔmɔk ni, ni ŋipepel mɔmɔk ni, nin chee bi nan karn ubɔr aakaal ngbaan na, Juu yaab nan kpa lifuur aawiin ki ji njim ki kpa mpopiin. Ibamɔn, binib bi kaa ye Juu yaab na pam nan kpaln Juu aanib; ba pu? bi nan gur san bi ijawaan la.

Ilahn 71:13

Cha binib bi tak mi na lir ki kuln pel pel. Cha binib bi pɔɔni bibaa ke bi tii mi iween na ji inimɔɔn.

Ilahn 71:24

M ga li len binib chee saah kpa tiŋann sakpen pu na, ki ti saa nwiin aah ga lir pu na; ba pu? binib bi pɔɔn bibaa ke bi tii mi titotonn na lir, le ki jin inimɔɔn.

Nnyam 23:27

“M ga cha binib bi kpak nimi na san mi ijawaan. M ga cha naah ga to binib bi butɔb na aalan ŋmal, le bi fenn ki san cha nimi.

Aisaya 8:9

Nimi ŋitimbol mɔmɔk, kuun tɔb chee ijawaan pu man. Nimi bi bi dandar kitiŋ kee pu na, li pel man. Gor man nibaa ki kiir kijaak. Mbamɔn, gor man, ki tee li san ijawaan man.

Ikaal 2:30

“Le ubɔr Sihonn nan yii, ke ti taa dii waatiŋ ni jer. Nidindaan Uwumbɔr nan cha usui pɔɔk, le u yii Uwumbɔr aamɔb, le Uwumbɔr cha ti nyaŋ u, ki gaa baatiŋ ki ti laa koo ki ponn ni na.

Josua 11:20

Uwumbɔr le nan cha binib ngbaan aasui fii ke bi to Israel yaab butɔb, aan u ŋmaa kuln bi mɔmɔk; linimbaasaln aa nan bi, le bi ku bi mɔmɔk. Kina le Uwumbɔr nan bui Moses ke u ŋa.

Josua 2:9

le ki ti bui bi ke, “M bee ke Uwumbɔr le di kitiŋ kee tii nimi. Unii umɔk bi kitiŋ kee ni na aapobil yuk ni pu la.