Esta 9:17 - Uwumbɔr aagbaŋ

¹⁷ Bi nan tun kina Adar aaŋmal aawiin kipiik ni itaa daal la. Naah woln na, iwiin kipiik ni inaa daal na, ŋipepel ŋi bi igbaan na aanib aa nan ki ku binib, bi nan jin njim le ki mɔɔni.

Esta 9:17 ပူးပေါင်းရင်းမြစ်များ

Esta 3:12

Kina pu na, njan aaŋmal aawiin kipiik ni itaa daal le Hamann nan yin ubɔr aagbaŋmeeb le ki cha bi ŋmee tibɔr ti u ban na, nnaan ngbaan aaliin mɔmɔk ni, ni iliin ngbaan aaŋmeen ni, ke u tii bitinjoob mɔmɔk, ni biyidam mɔmɔk, ni nnaan aaninkpiib mɔmɔk. U nan ŋmee ti Ubɔrkpaan Sekes aayimbil pu la, ki di waabɔmbik nyii tibɔr ngbaan pu.

Esta 8:9

Nimina nan ŋa ŋmataa, u bi yin u ke Sifann na aawiin moninko ni itaa daal la. Modekai nan yin ubɔr aagbaŋmeeb ki cha bi ŋmee tigbann tii Juu yaab, ni biyidam, ni nnaan aaninkpiib bimɔk bi nnaan aapepel nkub ni moninko ni ŋilole, ki nyan India aatingbaln, ki ti saa Kus aatingbaln ni na mɔmɔk. Tigbann na nan buen lipepel mɔmɔk, ni laaliin, ni laaŋmeen ni, ni Juu yaab, ni baaliin, ni baaŋmeen ni.

Esta 9:1

Adar aaŋmal aawiin kipiik ni itaa daal nan fuu ni, nwiin mundaal nkaal na aatuln ga piin na, nwiin mundaal Juu yaab aadim nan ban bi kuln bi na. Le Juu yaab labr fenn lir bi pu ki nyaŋ bi.

Esta 9:18

Juu yaab bima bi Susa ni na ma, nan jin njim ni lifuur aawiin, iwiin kipiik ni iŋmu daal la; ba pu? iwiin kipiik ni itaa daal, ni iwiin kipiik ni inaa daal le bima nan ku baadim, ki di cha kipiik ni iŋmu daal kaa ki ku.

Esta 9:21

ki bui bi ke bi li nyi ki di Adar aaŋmal aawiin kipiik ni inaa, ni iwiin kipiik ni iŋmu daal libiln mɔmɔk ni, ŋa lifuur aawiin;