Esta 9:1 - Uwumbɔr aagbaŋ

¹ Adar aaŋmal aawiin kipiik ni itaa daal nan fuu ni, nwiin mundaal nkaal na aatuln ga piin na, nwiin mundaal Juu yaab aadim nan ban bi kuln bi na. Le Juu yaab labr fenn lir bi pu ki nyaŋ bi.

Esta 9:1 ပူးပေါင်းရင်းမြစ်များ

2 Samuel 22:41

Aa cha maadim san m chee la; m ku door binib bi kaa gee mi na.

Esta 3:13

Bitaasam le nan di tigbann ngbaan buen nnaan ngbaan aapepel mɔmɔk ni. Ti nan mɔk ke nwiin mubaa daal, Adar aaŋmal aawiin kipiik ni itaa daal kan, bi ku Juu yaab mɔmɔk, binachipɔm ni bi por na, ni bipiib ni bibilb mɔmɔk. Bi kɔr bi mɔmɔk ki taa san bi kinimbaak, ki gaa baawangol mɔmɔk.

Esta 3:7

Njan aaŋmal, u bi yin u ke Nisann na ni, Ubɔrkpaan Sekes aabin kipiik ni ŋilee waanaan ni, le Hamann nan cha bi too inaan, bi yin inaan ngbaan ke “Purim”, aan u bee nwiin ni uŋmal u ni u ga ku Juu yaab na. Ŋmapiik ni ilee, bi yin u ke Adar na aawiin kipiik ni itaa daal le nan ti jin.

Esta 8:12

Nkaal ngbaan aatuln nan ga piin Pesia Aanaan ni nwiin mundaal Hamann nan siin ke bi ku doo Juu yaab na, ŋmapiik ni ilee, u bi yin u ke Adar na aawiin kipiik ni itaa daal la.

Esta 8:6

Tibɔbir timina yaa nan pii maanib, aan bi ku bi mɔmɔk doo kan, m ga ŋa mbaa kinye?”

Esta 9:17

Bi nan tun kina Adar aaŋmal aawiin kipiik ni itaa daal la. Naah woln na, iwiin kipiik ni inaa daal na, ŋipepel ŋi bi igbaan na aanib aa nan ki ku binib, bi nan jin njim le ki mɔɔni.

Ilahn 18:40

Aa cha maadim san m chee la; le m ku door binib bi kaa gee mi na.

Ilahn 30:11

Aa kpeln maasuubiin ŋa mpopiin aawaal; aa chuu nyan maasuubiin m chee, ki di mpopiin gob mi.

Lituln 12:11

Le Piita aanimbil woln. Le u len ke, “M bee ke ni sil ŋa kina. Tidindaan tun ni waatuun ke u nan nyan mi Ubɔr Herod aaŋaal ni, ki nyan mi Juu yaab aah ban bi ŋa mi pu na ni.”

Ikaal 32:36

Uwumbɔr yaa kan ke waanib aa ki kpa mpɔɔn kpala kan, u ga gaa bi lii. U ga san binib bi tun tii u na kinimbaak, u ga ter bi buyoonn baa ti ki kan nterm na.

Tibɔkpiirkaan 11:18

Ŋinibol aanib nan gee liŋuul, le saaŋuul mu fii, le ni ŋeer aa ji bitekpiib tibɔr, ki ŋeer aa di ipiin tii saabɔnabtiib bi ye saatutum na, ni saanib bi mɔmɔk pak si na, bi ye biwaatiib na, ni bi ye bisakpem na, ki ŋeer aa kuln binib bi ku dulnyaa aanib na.”