Esta 8:3 - Uwumbɔr aagbaŋ

³ Le Esta nan lir gbaan ubɔr aanimbiin ni, ki wii, ki len u chee tibɔr, ki nan gaŋ u ke u lik ki taa cha Hamann u ye Agag aayaabil na aalandawanbiik ki u nan siin ke bi ku Juu yaab mɔmɔk na tun lituln.

Esta 8:3 ပူးပေါင်းရင်းမြစ်များ

2 Bibɔrb 4:27

le waah ti fuu Elaisa chee na, u gbaan unimbiin ni le ki bub chuu utaal. Le Gehasi nan ban u tur u foor nima, le Elaisa bui u ke, “Di cha u. Saa waa ke usui bii sakpen aa? Uwumbɔr mu aa tuk mi ti ponn ni tibaa.”

Esta 3:1

Tiwan nee mɔmɔk aah ŋa ki jer na, le Ubɔrkpaan Sekes nan tii uja u bi yin u ke Hamann na tininkpir ti paa ubɔr pu na. Hamann aate le nan ye Hamedata, le uyaaja ye Agag.

Esta 7:4

Bi di m ni maanib kooh ke bi ku timi. Ni yaa kaa ba ye linikul, ki yaa ba ye tinaagbiir kan, m ba ga li ŋmin kaan muk si; tɔ, ni ye le ke bi ku doo ti mɔmɔk.”

Esta 8:2

Le ubɔr chuu ŋmaar waabɔmbik ki ye waamɔkl na, aan u nan chuu gaa Hamann chee na, di tii Modekai. Esta nan cha Modekai le lik Hamann aawangol li ubɔr nan di tii u na.

Esta 8:4

Ubɔr nan di waasalmaa aajaangbeek na di mɔk u, le u fii sil ki bui ke,

Aisaya 38:2

Le Hesekia fenn unimbil toŋ lidigbimal ki mee Uwumbɔr ke;

Hosea 12:4

u ni Uwumbɔr aatuun nan mɔn le u nyaŋ mu. U nan wii ki mee ban tinyoor. Le Uwumbɔr dan tiyaaja Jakob chee Betel aatiŋ ni, ki nan len u chee tibɔr.

Hiibru Yaab 5:7

Buyoonn Yesu nan ye unibɔn na, u nan wii tinyunyunn mpɔɔn pu, ki gaŋ Uwumbɔr u ga ŋmaa nyan u nkun ni na. Waah san Uwumbɔr na, le u ŋun waameel.

1 Samuel 25:24

David aanimbiin ni, ki bui u ke, “Maaninkpel, m gaŋ si, pel m chee. Cha tibɔbir ngbaan li ye min yaan.