Esta 8:17 - Uwumbɔr aagbaŋ

¹⁷ Ntim mɔmɔk ni, ni ŋipepel mɔmɔk ni, nin chee bi nan karn ubɔr aakaal ngbaan na, Juu yaab nan kpa lifuur aawiin ki ji njim ki kpa mpopiin. Ibamɔn, binib bi kaa ye Juu yaab na pam nan kpaln Juu aanib; ba pu? bi nan gur san bi ijawaan la.

Esta 8:17 ပူးပေါင်းရင်းမြစ်များ

Mpiin 35:5

Nee aapuwɔb le Jakob ni udo yaab nan piin ki nyan cha, le ijawaan sakpiin chuu binib bi aatim nan bi gbɔk nima chee na, le baa kaa bi paan bi pu.

Nehemia 8:10

Kina pu na, li chaa kun man ki ti ŋa njim ki ji. Yakr man nimi aajikaar ni ndaan ki tii binib bi kaa kpa na. Din aawiin ye chain aawiin le ki tii Uwumbɔr, nima pu na, cha nisui li piin man. Mpopiin mu Uwumbɔr tii na ga tii nimi mpɔɔn.”

Esta 9:17

Bi nan tun kina Adar aaŋmal aawiin kipiik ni itaa daal la. Naah woln na, iwiin kipiik ni inaa daal na, ŋipepel ŋi bi igbaan na aanib aa nan ki ku binib, bi nan jin njim le ki mɔɔni.

Esta 9:19

Nimina pu le Juu yaab bi koo itingbaan ni na ji njim, ki tii tɔb ipiin, ki kpa mpopiin, Adar aaŋmal aawiin kipiik ni inaa daal.

Esta 9:2

Juu yaab aakookoo yaan, nnaan ngbaan ni, bi nan gor bibaa ke bi tak unii umɔk nan pɔɔni ubaa ke u tii bi titotonn na. Ŋipepel mɔmɔk aanib nan san bi ijawaan la, le ubaa aa nan ŋman bi.

Esta 9:22

ba pu? iwiin ngbaan daal le Juu yaab nan nyaŋ baadim; uŋmal ngbaan le nan ye uŋmal u mpombiin ni itaakpayɔl kpaln mpopiin ni mmɔɔn na. U nan bui bi ke iwiin ngbaan daal kan, bi li ji njim ki tii tɔb tijikaar aapiin, ki tii binib bi ye bigiim na mu.

Esta 9:27

le Juu yaab nan cha ni ŋa baakaal, ni biyaabitiib aakaal, ni unii umɔk kpaln Juu aanii na aakaal ke n‑yoonn ngbaan yaa nan fuu ni libiln mɔk ni kan, iwiin ilee ngbaan ga li ye lifuur ni njim aawiin ke Modekai aah nan mɔk bi pu na la.

Esta 9:3

Ibamɔn, nnaan ngbaan aapepel mɔmɔk aaninkpiib, ni biyidam, ni nnaan aanib, ni ŋaaninkpiib mɔmɔk nan kpee Juu yaab pu la; ba pu? bi mɔmɔk nan san Modekai ijawaan la.

Ilahn 105:38

Ijipt yaab nan san bi ijawaan la; le baah nan nyan baatiŋ ni na, Ijipt yaab aasui nan piir.

Ilahn 18:43

Aa gaa mi binib bi yii maamɔb na chee lii, ki ŋa mi ŋitimbol aayidaan, maah kaa nan nyi binib bi na le gur ye maatutum.

Nnyam 15:16

le ijawaan lir bi pu. Uwumbɔr, binib ngbaan kan saapɔɔn, le ijawaan chuu bi, le bi si lik, kaa ŋmaa ŋa nibaa, le saanib bi aa nyan bi tinaagbiir ni na chuun jer.

Ikaal 11:25

Nidindaan Uwumbɔr aah nan puu pu na, u ga cha linibol limɔk ni fuu laatiŋ ni na aanib li san nimi ijawaan. Ubaa aa bi ki ga ŋmaa kiir nimi kpala.

Ikaal 2:25

Din wee ki joo cha, m ga cha ŋipepel mɔmɔk aanib san nimi ijawaan. Unii umɔk ŋun nimi aayimbil bɔr na kan, ijawaan ga chuu u, le uwon gbaa.’

Josua 2:11

Taah ŋun kina na, le ijawaan chuu timi, ti mɔmɔk aataakpab yɔl ni pu a. Nidindaan Uwumbɔr le ye paacham ni kitiŋ mɔmɔk Aawumbɔr.

Josua 2:9

le ki ti bui bi ke, “M bee ke Uwumbɔr le di kitiŋ kee tii nimi. Unii umɔk bi kitiŋ kee ni na aapobil yuk ni pu la.

1 Samuel 25:8

Baa saapihkpaab, le bi ga bui si mbamɔn. Ti dan njim daal la, le David bui ke aa gaa timi mbamɔm. Ti gaŋ si ke aa tii timi saanaagbiib, ni aajɔnyaan David, saah ga ŋman pu na.”