Esta 8:14 - Uwumbɔr aagbaŋ

¹⁴ Ubɔr nan cha bitandam di libɔrdichal ni aataan di san mala bi ti di tigbann ngbaan tii. Litiyil Susa ni aanib mɔmɔk mu nan ŋun nkaal ngbaan pu.

Esta 8:14 ပူးပေါင်းရင်းမြစ်များ

1 Bibɔrb 4:28

Nin chee bi ban njikaabim ni timokuun bi tii waatɔroku aataan, ni itaan iken na, uninkpel mɔk nan tii uyaan la.

2 Bibɔrb Aabɔr 30:6

Ubɔr ni waaninkpiib nan cha ituun nyan buen Juda ni Israel yaab aatim mɔmɔk ki joo nnyim aabɔr tee: “Israel aanib, ni ŋmar Asiria yaab aah gaa kitiŋ pu na ni. Tɔ, gir ni man Abraham, ni Aisak, ni Jakob Aadindaan Uwumbɔr chee, le u mu ga gir ni ni chee.

Nehemia 1:1

Ataksekes aah nan ye Pesia aabɔrkpaan ki ti saa ŋibin moninko pu na aaŋmal u bi yin u ke Kislef na ponn ni, le min, Nehemia, nan bi litiyil Susa ponn ni.

Esta 2:3

Aa ga ŋmaa ban bininkpiib saanaan aapepel mɔmɔk ni, ki cha bi li joo ni bisapɔm bi ŋan na saapiichiln ni, Susa litiyil ni do. Di bi ŋa Hegai, bijab bi bi kpaa bi na ponn ni ubaa, u lik saapiib na aaŋaal ni, ki cha bi toor bi ki tii bi kinyaan,

Esta 3:13

Bitaasam le nan di tigbann ngbaan buen nnaan ngbaan aapepel mɔmɔk ni. Ti nan mɔk ke nwiin mubaa daal, Adar aaŋmal aawiin kipiik ni itaa daal kan, bi ku Juu yaab mɔmɔk, binachipɔm ni bi por na, ni bipiib ni bibilb mɔmɔk. Bi kɔr bi mɔmɔk ki taa san bi kinimbaak, ki gaa baawangol mɔmɔk.

Esta 3:14

Tibɔr ngbaan nan ye unii mɔmɔk li nyi ti ŋipepel mɔmɔk ni, aan bi mɔmɔk gor ki li kii nwiin ngbaan daal.

Esta 3:15

Ubɔr nan cha bi moon tibɔr ngbaan litiyil Susa ni, le bitaasam mu di ti buen ŋipepel mɔmɔk ni. Le ubɔr ni Hamann nan kal ki nyu ndaan, le litiyil Susa ma ponn ni nan ŋa yɔl yɔl.

Esta 8:13

Ni nan ye ke bi moon mu ke mu ye nkaal la, ki cha unii mɔmɔk li nyi mu ŋipepel ngbaan mɔmɔk ni, aan Juu yaab li kii bibaa baadim chee nwiin ngbaan daal.

Esta 8:15

Tɔ, Modekai nan nyan libɔrchiln ngbaan ni, ki pee ŋibɔrbɔkul ŋi ŋmal nsiin ni mpem na, ni ŋikekenyaan ŋiken, ki chik salmaa aabɔryikpupuk ki ŋan sakpen na. Le Susa aatiŋ ni aasan mɔmɔk ni, binib faa mpopiin aafuuk;

Ulandaan 9:10

Aa yaa bi tun lituln limɔk na kan, di saapɔɔn mɔmɔk tun li, ba pu? lituln, ni ilandak, ni ichiin, ni Uwumbɔr do aalan aa bi kitekpiitiŋ ni. Nima chee mu le aa cha.

Daniel 8:2

Tidaŋ ngbaan ponn ni, m nan kan ke m si Susa, kitiŋ ki bi maa ligoln mann goln ki aan ki bi Elam aapepel ni na ni la. M nan si gbɔk Ulai Aamɔɔl la,

1 Samuel 21:8

Le David baa utotoor na Ahimelek ke, “Saa kpa kikpaatuŋ, bee kijaak aajuk kibaa do ki tii mi ii? Ubɔr aatun ngbaan aah bir sakpen pu na, m nan gee woween, le kaa ŋmaa yoor maajawan nibaa.”