Esta 7:9 - Uwumbɔr aagbaŋ

⁹ Le bi ponn ni ubaa, u bi yin u ke Habona na, bui ke, “Hamann ma kpaan kpaa ŋikpan ŋi fɔk sakpen na udo ke u leen Modekai u nan gaa si mpɔɔndaan aamɔfal lii na ŋi pu. Ŋaah fɔk pu na ye ŋitaa imonko itaa ni kipiik ni ŋiŋmu.” Le ubɔr bui ke, “Ti di Hamann leen ŋi pu man.”

Esta 7:9 ပူးပေါင်းရင်းမြစ်များ

2 Bibɔrb 9:32

Jehu nan waan lik paacham le ki teen ke, “Ŋma si nchaŋ ni?” Libɔrdichal ni aaninkpiib bilee bee bitaa nan baan takolu ni lik ni u,

Esta 1:10

Nwiin lolole daal, le ubɔr nan bi nyu ndaan ki kpa mpopiin, le ki tun ti yin ni waajab bi bi kpaa bi na ponn ni bilole, bi nan ye ubaa aanaagbiib na, Mehumann, ni Bista, ni Habona, ni Bigta ni Abagta, ni Setar, ni Kakas.

Esta 5:14

Le upuu ni ujɔtiib na mɔmɔk len ke, “Ba ŋa saa cha bi di ŋikpan kpaa tiwan ni fɔk sakpen na, ki ga pii ŋitaa imonko itaa ni kipiik ni ŋiŋmu na? Fen kichakpiik ni kan, aa bui ubɔr aan u cha bi leen Modekai iŋmin ni pu, le aa nin buen fen aajim ngbaan ni, ki li kpa mpopiin.” Hamann nan dakl ke baalandak ngbaan ŋan, le u cha bi kpaa tiwan ngbaan.

Esta 6:14

Baah laa bi len kina na, le libɔrchiln ni aajab bi bi kpaa bi na koo ni mala ki nan yoor Hamann buen Esta aajim na ponn ni.

Esta 6:2

Baah nan karn ti na aabɔr tibaa nan ye Modekai aah nan ŋun baah nan kpokl ke bi ku ubɔr pu na, nkpokl mu Bigtana ni Teres, bijab bi nan kii ubɔr aadir na nan kpokl na.

Esta 8:7

Le Ubɔrkpaan Sekes bui Ubɔrpii Esta ni Modekai, u ye Juu aanii na ke, “Lik man, m cha bi leen Hamann iŋmin, waah nan kpokl ke bi ku Juu yaab pu na pu, ki di waawangol di tii Esta.

Esta 9:14

Ubɔr nan cha bi ŋa kina, le ki moon Susa ponn ni tibɔr ngbaan. Bi nan di Hamann aajapɔtiib kipiik ngbaan aanikpol leen ŋikpan pu, binib mɔmɔk aanimbil ni.

Esta 9:25

Le Esta nan buen ubɔr chee, le ubɔr siin nkaal mu bi ŋmee bil aan Hamann tee labr jin nkaal ngbaan aafalaa u u nan kpokl ke Juu yaab nan ji na; bi nan leen u ni ujapɔtiib ŋikpan pu.

Ilahn 141:10

Cha bibiindam gir lir bibaa aagaawɔb mam ponn ni, aan mma taa koo titotonn tibaa ni.

Ilahn 35:8

Le mbiin ga pii bi n‑yoonn mu baa nyi mubɔr na; bibaa aagaawɔb le ga chur bi, le bi lir ki kuln.

Ilahn 73:19

Libuul ngbaan ni le bi kuln, baah ga ti doo pu na ga li kpa ijawaan.

Daniel 6:24

Le ubɔr bui ke bi chur binib bi mɔmɔk nan galn Daniel na, ki nan di bi mɔmɔk, ni bipuutiib, ni baabim mee ŋa mbuu ngbaan ni. Waahr aan bi ti lir mbuu ngbaan aataab na, ichinn ngbaan nan bib chur bi ki nyii kool baakpab.

Daniel 6:7

Timi bimɔk lik saanaan na, biyidam, ni butɔb aajab aaninkpiib, ni bi chuun manni bininkpiib bee na, ki di kpee bininkpiib bi gur na kii ke mpɔɔndaan siin nkaal aan ki cha mu li pɔɔ. Siin nkaal ke iwiin piitaa i choo na ponn ni, ubaa taa ki mee liwaal, bee Uwumbɔr ubaa, bee unibɔn ubaa chee tiwan see sin mpɔɔndaan baanja. Unii umɔk yii, ki bii nkaal ngbaan na kan, bi di u mee ŋa ichinn aabuu mu ni ichinn gbii na.

1 Samuel 17:51

Le u san buen u chee, ki ti sil jɔn u pu, le ki chuu fuur Goliaf aajaak aajuk kaajufuuk ni, ki gii nyan uyil ki ku u. Filistia yaab aah kan ke baaja u kaar na kpo na, le bi san.