Esta 7:3 - Uwumbɔr aagbaŋ

³ Le Ubɔrpii Esta kii u ke, “Mpɔɔndaan, ni yaa ga li mɔ si aan aa tii mi maah mee pu na kan, maah ban tiwan ni na le ye m ni maanib aamɔfal.

Esta 7:3 ပူးပေါင်းရင်းမြစ်များ

1 Bibɔrb 20:31

Waaninkpiib nan buen u chee le ki ti bui u ke, “Ti ŋun ke Israel yaab aabɔrb san kinimbaak. Tii timi nsan aan ti ti gbab tiwan ni saak kuub na tichaŋ ni, ki di iŋmin fin tisil, ki buen Israel yaab aabɔr chee ki ti gaŋ u saamɔfal pu.”

2 Bibɔrb 1:13

Ubɔr ngbaan nan ki di uninkpel uken ni bijab piiŋmu tun. U nan jon ligongoln ngbaan le ki gbaan utaŋaayil pu Elaija aanimbiin ni, le ki gaŋ u ke, “Uwumbɔr aanii, san m ni maajab kinimbaak. Taa ku timi.

Esta 4:8

U nan tii Hatak kigbaŋ ki bi nan tii Susa ni yaab ke bi ku doo Juu yaab mɔmɔk na. Modekai nan bui u ke u di ki ti tii Esta ki moo tuk u mbimbin ngbaan aah bi pu na, ki bui u ke u buen ubɔr chee ki ti gaŋ u waanib pu, ke ubɔr san bi kinimbaak.

Esta 5:8

“Mpɔɔndaan, aa yaa san kinimbaak ki ga tii mi maah ban pu na kan, m ga li gee ke aa ni Hamann fe ki li ye maacham fen ki nan ki ji njim muken. N‑yoonn ngbaan le m ga bui si maah ban tiwan ni na.”

Esta 7:7

Le ubɔr di liŋuul nyii fii, ki nyan kidiik ngbaan ni, ki nyan lipaal ki ti koo libɔrchiln ni. Hamann nan bee ke ubɔr ban u daa utafal tibɔr ngbaan pu la, le ki gaar puwɔb ke u gaŋ Ubɔrpii Esta aan u gaa waamɔfal lii.

Esta 8:5

“Ni yaa ga li mɔ si mpɔɔndaan, aan aa yaa lik faar mi ki dak ke ni ŋan aa chee kan, m gaŋ si ke aa siin nkaal ke Hamann aah nan siin ikaal i na taa tun lituln; ikaal i Hamedata aajapɔɔn u aayaaja ye Agag na nan siin ke bi kuln Juu yaab, nnaan mue ni na.

Job Aagbaŋ 2:4

Le kinimbɔŋ gar u ke, “Unii ga ŋmaa di waawan mɔmɔk pa waamɔfal pu.

Jeremia 38:26

Bui bi ke aa bi gaŋni mi ke m taa di si giin kiyondiik ni aan aa ti kpo nima la.”