Esta 6:3 - Uwumbɔr aagbaŋ

³ Le ubɔr baa ke, “Kinye aan bi nan nyuŋ ki pan Modekai tibɔr tee pu?” Waanaagbiib nan gar u ke, “Baa tii u nibaa.”

Esta 6:3 ပူးပေါင်းရင်းမြစ်များ

Mpiin 40:23

Tɔ, uja u nan tun ndaan aatuln na aa nan ki dakl Josef aabɔr kpala, u nan suln waabɔr a.

1 Bibɔrb Aabɔr 11:6

David nan bui ke, “Uja u loln nsan ki ku Jebus aanii na kan, uma le ga li ye butɔb aajab aaninkpel.” Joab, u aana nan ye Seruya na, le nan loln nsan le ki kpaln baaninkpel.

Esta 6:2

Baah nan karn ti na aabɔr tibaa nan ye Modekai aah nan ŋun baah nan kpokl ke bi ku ubɔr pu na, nkpokl mu Bigtana ni Teres, bijab bi nan kii ubɔr aadir na nan kpokl na.

Esta 6:4

Le ubɔr ki baa ke, “Maaninkpiib ponn ni ubaa bi do oo?” N‑yoonn ngbaan Hamann nan koo ni lichiln ni, u nan dan ke u nan bui ubɔr aan u cha bi leen Modekai iŋmin tiwan ni u cha bi kpaa siin na pu.

Ulandaan 9:15

Ujagiin ubaa nan koo ki ponn ni, le ki mu nan tee kpa nlan sakpen ki gaa kitiŋ ngbaan lii. Tɔ, ubaa mu aa nan teer ujagiin ngbaan bɔr.

Daniel 5:16

Tɔ, m ŋun ke aa ŋmaa kani tiwan ni bɔr na aatataa ki kpiir len. Aa yaa ga ŋmaa karn ŋŋmeen mue ki tuk mi mu aatataa kan, bi ga peen si libɔrbɔkul li ŋmal mmam, ni nsiin na, ki gbin si salmaa aaleen mu kpa kipak na aaneen ni, ki li ye nnaan mue ni aaninkpel tatar u paa m pu na.”

Daniel 5:29

Libuul ngbaan ni le Belsasar bui waatutum ke bi di libɔrbɔkul li ŋmal mmam ni nsiin na peen Daniel, ki di salmaa aaleen mu kpa kipak na gbin uneen ni; le ki di u ŋa waanaan ni aaninkpel tatar u paa u pu na.

Daniel 5:7

Le u teen ke ubaa yin ni bibɔɔb, ni binib bimɔk joo inyɔk tun lituln na ke bi dan. Baah koo ni na, le ubɔr bui bi ke, “Unii u ŋmaa karn ŋŋmeen mue ki tuk mi mu aatataa na kan, bi ga peen u ŋibɔrbɔkul ŋi ŋmal mmam ni nsiin na, ki gbin u salmaa aaleen mu kpa kipak na uneen ni, aan u li ye unii tatar u aaninkpir paa m pu, nnaan mue ni na.”