Esta 5:9 - Uwumbɔr aagbaŋ

⁹ Hamann aah nyan njim ngbaan ni na, le ni nan mɔ u, le ulan doon suuna. Le u kan Modekai mbisamɔb, le Modekai aa gar ke u fii gbaan ki pak u, le ni chuu Hamann liŋuul pam.

Esta 5:9 ပူးပေါင်းရင်းမြစ်များ

1 Bibɔrb 21:4

Ahab nan di nsuubiin le gir kun, le waaŋuul fii Nabof aah tuk u pu na pu. U nan ti doon waawandookaan pu, le ki di unimbil kpaa lidigbimal, kaan ji tijiir.

1 Bibɔrb 21:6

Le u gar u ke, “Ni ye Nabof aah tuk mi tibɔr ti na pu. M bui u ke u cha m daa waasubil aasui aasaak, u yaa ti ki gee kan, m ki tii u kitiŋ kiken kima ngbaan pu, le u yii ke waan tii mi.”

Esta 2:19

N‑yoonn mue na, Modekai nan ye ubɔr aanaan ni aaninkpel ubaa la.

Esta 3:2

Waaninkpir ngbaan pu, ubɔr ngbaan nan siin nkaal ke waaninkpiib bimɔk tun waatuln na li gbaani ki pak u. Bi mɔmɔk nan ŋani kina, see Modekai baanja le nan yii, kaa ŋani kina.

Esta 3:5

Hamann aah bee ke Modekai aan gbaan ki pak u na, liŋuul nan chuu u pam;

Esta 5:13

Tɔ, Juu aanii Modekai yaa beenin ka libɔrchiln aabisamɔb kan, nimina mɔmɔk aa kpa mi tinyoor tibaa.”

Job Aagbaŋ 20:5

ubiindaan ubaa aa nan kani mpopiin ki cha dik dik.

Job Aagbaŋ 31:31

Binib bi mɔmɔk tun maatuln na nyi ke m gaal bicham n‑yoonn mɔmɔk la.

Ilahn 15:4

Binib bi Uwumbɔr yii bi na, kina aanii lik bi fam la, le ki tee nyuŋni binib bi keei Uwumbɔr aamɔb na. U yaa puu ke u ga ŋa pu na kan, kina le u ŋani, kaa dakl lik naah ga bii waatuln pu na.

Ilahn 27:3

Hali bijab lichur yaa gob mi kan, maan li san ijawaan; hali bidim yaa tak mi kan, m ga li beenin mak Uwumbɔr pu la.

Daniel 3:13

Ubɔr aah ŋun kina na, le waaŋuul fii ki ti nyaŋ, le u bui ke bi li joo ni bijab bitaa ngbaan unimbiin ni.

Matiu 10:28

Ni taa san binib ijawaan man. Bi ga ŋmaa ku nimi aawon baanja la. Baan ŋmaa ku nimi aawiin. Ni li san Uwumbɔr u ga ŋmaa bii tiwon ni nwiin mɔmɔk mmii mu kaan junn na ponn ni na.

Matiu 2:16

Le Herod bee ke bilankpalb ngbaan ŋmann u la. Le u gee liŋuul sakpen, ki cha waajab ku mbijabim bi mɔmɔk ye ŋibin ŋilee aabim, ni bi mu kaa fuu kina na, ki bi Betlehem, ni Betlehem aatingbaan ni na. U nan baa bilankpalb ngbaan ke bi kan liŋmabil ngbaan bayoonn. Nima le cha u bee Yesu aabin aah saa pu na.

Tibɔnyaan ti Luk ŋmee ti na 6:25

Nimi bi ji babr dandana na, tibɔbir ga li bi ni pu. Nkon ga nan chuu nimi. Nimi bi laa dandana na, tibɔbir ga li bi ni pu. Ni ga nan li kpa mpombiin ki li wii.

Jɔnn 16:20

M tuk nimi mbamɔn la, nimi le ga li kaani ki wii; dulnyaa aanib ma ga li kpa mpopiin. Ni ga li kpa mpombiin; nimi aapombiin ngbaan mu ga nan kpaln mpopiin.

Lituln 7:54

Stiifen aah len kina na, le liŋuul chuu binib ngbaan, le bi ŋmɔ ŋinyin.

Jemisi 4:9

Ni li kpa mpombiin nimi aatunwanbir pu, ki li wii. Cha nimi aalaar kpaln iwiil. Cha nimi aapopiin kpaln mpombiin.