Esta 5:1 - Uwumbɔr aagbaŋ

¹ Baah lul bumɔb ki ti saa iwiin itaa daal na, le Esta di nnaan aawanpeenkaan peen ki buen ti sil ubɔr aah bi lichiln li na aabisamɔb, ki lik libɔrjal aadiik ni. Ubɔr nan bi ki ponn ni, ki ka libɔrjal pu, ki lik ni mbisamɔb wɔb.

Esta 5:1 ပူးပေါင်းရင်းမြစ်များ

Esta 1:11

U nan bui bi ke bi ti li joo ni Ubɔrpii Fasti, aan u li chik nnaan aayikpupuk. Ubɔrpii ngbaan nan ye upii u ŋan na la, le ubɔr ngbaan nan ban u di waanyaan di puk kipupuk waaninkpiib ni bimɔk nan dan njim ngbaan ni na chee.

Esta 2:5

Susa ponn ni, Juu aanii ubaa nan bi, bi yin u ke Modekai aan ute ye Jair; u nan nyan ni Benjaminn aamaal ponn ni, le ki ye Simei u nan ye Kis aajapɔɔn na aayaabil.

Esta 4:11

“Uja, bee upii yaa koo ponn ni aachiln ni ki kan ubɔr aan ubɔr ubaa aa yin udaan kan, udaan ngbaan aamɔfal junn le na. Nkaal ngbaan le na, unii mɔmɔk, ki nyan ubɔr aasusurb ni, ki ti saa binib bimɔk bi nnaan mue aapepel mɔmɔk ni na nyi kina. Tiwan ni ga ŋmaa cha unii ŋmar na le ye ke ubɔr yaa di waasalmaa aajaangbeek mɔk udaan kan, u ga ŋmar. Ni mu saa uŋmal ubaa le na le ubɔr nan tun yin mi.”

Esta 4:16

“Li cha ki ti kuun Juu yaab bimɔk bi Susa ni do na, ki cha ni mɔmɔk lul bumɔb man ki mee limeel tii mi. Ni taa nyu ki taa ji nwiin pu ni kinyeek ki ti saa iwiin itaa. M ni maanaagbiisapɔm mu ga ŋa kina. Nima aapuwɔb na, m ga buen ubɔr chee, hali ni yaa ye likoobil kan, m ga buen. M yaa ŋa kina, aan ni ye mi nkun kan, m kpo.”

Esta 4:17

N‑yoonn ngbaan le Modekai siir ki ti ŋa Esta aah nan bui u ke u ŋa pu na mɔmɔk.

Esta 6:4

Le ubɔr ki baa ke, “Maaninkpiib ponn ni ubaa bi do oo?” N‑yoonn ngbaan Hamann nan koo ni lichiln ni, u nan dan ke u nan bui ubɔr aan u cha bi leen Modekai iŋmin tiwan ni u cha bi kpaa siin na pu.

Esta 8:15

Tɔ, Modekai nan nyan libɔrchiln ngbaan ni, ki pee ŋibɔrbɔkul ŋi ŋmal nsiin ni mpem na, ni ŋikekenyaan ŋiken, ki chik salmaa aabɔryikpupuk ki ŋan sakpen na. Le Susa aatiŋ ni aasan mɔmɔk ni, binib faa mpopiin aafuuk;

Matiu 10:16

“M ga tun nimi, ni ti moon Uwumbɔr aabɔr. Ni ga li bi ke ipiih i bi ŋisapol aakaasisik ni na la. Ni li kpa nlan ke iwaa aah kpa nlan pu na, ki li bi suuna ke ŋinanjel aah bi pu na.

Matiu 11:8

Ni nan buen ni ti kan ba? Uja u pee tiwanyaan na aa? Aayii. Binib bi pee tiwanyaan na bi bibɔrb aadichal ni la.

Matiu 27:64

Nima pu na, cha bijab li kii waakaakul, ki ti saa iwiin itaa daal, waadidiliib taa dan nan kur u, ki bui binib ke u fikr nkun ni la. Bi yaa ŋa kina kan, kookoo aanyamɔn mue ga jer njan yoo.”

Tibɔnyaan ti Luk ŋmee ti na 22:30

Le ni ga ji tijikaar ki nyu nnyun m chee maanaan ni, ki kal ŋibɔrjal pu, ki ji Israel yaab aanibol kipiik ni ŋilee tibɔr.”

Tibɔkpiirkaan 3:21

Unii umɔk nyaŋ na, m ga cha u kal m chee maabɔrjal pu, ke m mu aah nan nyaŋ pu ki kal Nte Uwumbɔr chee waabɔrjal pu pu na.