Esta 4:5 - Uwumbɔr aagbaŋ

⁵ Le Esta yin ni ubɔr aah di uja u bi kpaa u tii u na, bi yin u ke Hatak na, le ki bui u ke u buen Modekai chee ki ti baa lik ke ba ŋa u.

Esta 4:5 ပူးပေါင်းရင်းမြစ်များ

Esta 1:10

Nwiin lolole daal, le ubɔr nan bi nyu ndaan ki kpa mpopiin, le ki tun ti yin ni waajab bi bi kpaa bi na ponn ni bilole, bi nan ye ubaa aanaagbiib na, Mehumann, ni Bista, ni Habona, ni Bigta ni Abagta, ni Setar, ni Kakas.

Esta 1:12

Binaagbiib ngbaan aah nan ti bui Ubɔrpii Fasti ke ubɔrkpaan yin u na, u nan yii kaa dan. Le ni chuu ubɔrkpaan ngbaan liŋuul pam.

Esta 4:10

le Esta nan di inaŋ yee giin Modekai chee ke:

Esta 4:4

Esta aanaagbiisapɔm ni bijab bi bi kpaa bi na aah bui u Modekai aah ŋani pu na, ni nan bii usui pam. U nan ban tiwanpeenkaan tun tii Modekai ke u chuu peer tiwanpeenkaan ni saak kuub na ki di waah di ni tii u na peen; le Modekai yii, kaa gaa ni.

Esta 4:6

Hatak nan nyan buen Modekai chee kitiŋ ni, libɔrdichal aabisamɔb chee.

Esta 4:9

Tɔ, Hatak nan ŋa kina,

Rom Yaab 12:15

Ni li kpa mpopiin binib bi kpa mpopiin na chee, ki li wii binib bi wii na chee.

1 Korenti 12:26

Tiwon nibaa chee yaa ji falaa kan, ni mɔmɔk ga kpaan ji falaa kina. Nibaa chee mu yaa kan nnyuŋ kan, ni mɔmɔk ga li kpa mpopiin.

Filipi 2:4

Ubaa taa li ban uma ubaa aanyoor baanja. Aa li ban ke ni mɔmɔk kan tinyoor.

Hiibru Yaab 4:15

Utotoorninkpel ngbaan ga ŋmaa san timi kinimbaak timi aafalaa ponn ni. U kan ntɔŋ aabɔŋ aabɔŋ ke taah kan ntɔŋ mɔmɔk pu na. Uma le aa tun titunwanbir tibaa.