Esta 4:3 - Uwumbɔr aagbaŋ

³ Nnaan ngbaan aapepel mɔmɔk ni, nin chee tibɔr ngbaan nan fuu na, nan ye ikpowiil le Juu yaab ni. Bi nan lul bumɔb, ki wii ikpowiil ki pee tiwanpeenkaan ni saak kuub na ki dɔ nfatan ni.

Esta 4:3 ပူးပေါင်းရင်းမြစ်များ

Esta 1:1

Ubɔrkpaan Sekes nan ka waanaan aajal pu Susa aatiŋ ki ye Pesia aatiyil na, le ki lik ŋipepel nkub ni moninko ni ŋilole, ki nyan India aatingbaln ni ki ti saa Kus aatingbaln.

Esta 3:12

Kina pu na, njan aaŋmal aawiin kipiik ni itaa daal le Hamann nan yin ubɔr aagbaŋmeeb le ki cha bi ŋmee tibɔr ti u ban na, nnaan ngbaan aaliin mɔmɔk ni, ni iliin ngbaan aaŋmeen ni, ke u tii bitinjoob mɔmɔk, ni biyidam mɔmɔk, ni nnaan aaninkpiib mɔmɔk. U nan ŋmee ti Ubɔrkpaan Sekes aayimbil pu la, ki di waabɔmbik nyii tibɔr ngbaan pu.

Esta 4:16

“Li cha ki ti kuun Juu yaab bimɔk bi Susa ni do na, ki cha ni mɔmɔk lul bumɔb man ki mee limeel tii mi. Ni taa nyu ki taa ji nwiin pu ni kinyeek ki ti saa iwiin itaa. M ni maanaagbiisapɔm mu ga ŋa kina. Nima aapuwɔb na, m ga buen ubɔr chee, hali ni yaa ye likoobil kan, m ga buen. M yaa ŋa kina, aan ni ye mi nkun kan, m kpo.”

Esta 4:2

ki ti fuu libɔrdichal aabisamɔb. Waa nan koo; ba pu? ni nan ye nkaal ke unii u pee tiwanpeenkaan ni saak kuub na taa koo libɔrchiln ni.

Esta 4:4

Esta aanaagbiisapɔm ni bijab bi bi kpaa bi na aah bui u Modekai aah ŋani pu na, ni nan bii usui pam. U nan ban tiwanpeenkaan tun tii Modekai ke u chuu peer tiwanpeenkaan ni saak kuub na ki di waah di ni tii u na peen; le Modekai yii, kaa gaa ni.

Esta 9:31

ki mɔk bi ni biyaabitiib baah ga li nyi Purim aawiin ilee na pu na, ke baah ŋani bumɔb aalulm ni baapombiin aayoonn pu na. Modekai ni ubɔrpii Esta mɔmɔk le nan siin kina.

Job Aagbaŋ 2:8

Job nan buen le ki ti kal litapuln pu, le ki pii lisanjaln ke u li joo kɔr waabuun ngbaan ni.

Aisaya 22:12

Nidindaan Uwumbɔr Mpɔɔnsakpiindaan, nan bi yin nimi ke ni nan wii, ki wii ikpowiil, ki kuu niyil, ki peen tiwan ni saak kuub na aawanpeenkaan.

Aisaya 22:4

Di cha mi man aan m wii maanib bimɔk kpo na pu. Taa sɔŋni nsui man.

Aisaya 58:5

Ni yaa lul bumɔb kan, le ni muk nibaa, le ki tiin niyil ke kimook ki yɔl na, ki di tiwan ni saak kuub na aakekeln yar, ki di nfatan yɔk yɔk ŋi pu, ki doon paan. Nimina le ni yin bumɔb aalulm aa? Ni dak ke nima ngbaan ga piir nsui ii?

Esekiel 27:30

Bi mɔmɔk wii aa pu ni mpombiin la, ki joo titan gbaa biyil, ki dɔ bilni nfatan ni.

Daniel 9:3

Le m nan mee ki gaŋ Tidindaan Uwumbɔr linimaln, ki lulni bumɔb, ki peeni tiwan ni saak kuub na, ki kaa nfatan ni tibɔr ngbaan pu.

Jona 3:6

Ninefa aabɔr aah ŋun tibɔr ngbaan na, le u fii libɔrjal pu, ki chuu peer waanaan aawanpeenkaan, le ki di tiwanpeenkaan ni saak kuub na peen, le ki kal nfatan ponn ni.

Matiu 13:42

ki di ti ŋa mmii sakpiin ni. Bi ga wii ki ŋmɔ ŋinyin nima chee.

Matiu 22:13

Le ubɔrkpaan ngbaan bui waatutum ke bi chuu u, ki buu uŋaal ni utaa, ki nyan u, ki ti di mee lii lipaal mbɔmbɔɔn ni. U ga wii ki ŋmɔ ŋinyin nima chee.

Matiu 25:30

Chuu ututunn u kaa kpa tinyoor ngbaan na, ki nyan u ki ti di u lii lipaal, mbɔmbɔɔn ni. U ga wii ki ŋmɔ ŋinyin nima chee.’”

Josua 7:6

Josua ni Israel yaab aaninkpiib aasui nan bii, le bi dar kar baawanpeenkaan, le ki doon kitiŋ Uwumbɔr Aakaal Aadakaa aanimbiin ni, ki ti saa kijook wɔb, le ki faa titan puŋ biyil, ki mɔk ke bisui bii a.

1 Samuel 11:4

Ntuuntiib ngbaan aah nan ti fuu Gibea, nin chee Sɔɔl koo na, aan binib ngbaan ŋun tibɔr ngbaan na, le bi piin ki bi wii mpombiin pu.