Esta 4:16 - Uwumbɔr aagbaŋ

¹⁶ “Li cha ki ti kuun Juu yaab bimɔk bi Susa ni do na, ki cha ni mɔmɔk lul bumɔb man ki mee limeel tii mi. Ni taa nyu ki taa ji nwiin pu ni kinyeek ki ti saa iwiin itaa. M ni maanaagbiisapɔm mu ga ŋa kina. Nima aapuwɔb na, m ga buen ubɔr chee, hali ni yaa ye likoobil kan, m ga buen. M yaa ŋa kina, aan ni ye mi nkun kan, m kpo.”

Esta 4:16 ပူးပေါင်းရင်းမြစ်များ

Mpiin 18:19

M lee u ke u di maakaal mɔk waabim, ni uyaabitiib, aan bi kii tii mi ki li ŋani ni ŋan na mbamɔm. Bi yaa kii kina kan, m ga ŋa tinyoor ŋa bi pu ke maah nan puu pu tii Abraham na.”

Mpiin 43:14

Uwumbɔr Mpɔɔnsakpiindaan cheen nimi, ki cha uja ngbaan ti san nimi kinimbaak, ki giin Benjaminn ni nikpel uken na mu tii ni nimi. Min kan, ni yaa ye ke m ga kɔŋ maabim le kan, see ni ŋa kina.”

2 Samuel 10:12

Li kpa lipobil. Cha ti li pɔɔ ki jan tii timi aanib ni Uwumbɔr aatim pu. Cha Uwumbɔr aageehn ŋa.”

2 Bibɔrb 7:4

Taan ŋmaa ki koo kitiŋ ponn ni, ba pu? nkon le ga ti ku timi nima; le ti yaa ti ki ka do mu kan, ti ga ki kpo. Kina pu na, cha ti buen Siria yaab aakakaa chee; kookoo aawan ni bi ga ŋa timi na le ye ke bi ku timi, nibaa mu kan, bi ga di cha timi.”

2 Bibɔrb Aabɔr 20:3

Ijawaan nan chuu Jehosafat, le u mee Uwumbɔr ki ban nterm, le ki bui ke waatiŋ mɔmɔk aanib lul bumɔb.

Esra 8:21

Ahafa Aanyunsan ngbaan chee le m nan siin ke ti mɔmɔk lul bumɔb ki sunn tibaa taab, timi Aawumbɔr chee, ki mee u aan u cheen timi lisachuln ngbaan ni, ki li kii timi, ni timi aabim, ni timi aawan mɔmɔk.

Esta 4:15

Esta nan giin kii Modekai ke,

Esta 4:17

N‑yoonn ngbaan le Modekai siir ki ti ŋa Esta aah nan bui u ke u ŋa pu na mɔmɔk.

Esta 4:3

Nnaan ngbaan aapepel mɔmɔk ni, nin chee tibɔr ngbaan nan fuu na, nan ye ikpowiil le Juu yaab ni. Bi nan lul bumɔb, ki wii ikpowiil ki pee tiwanpeenkaan ni saak kuub na ki dɔ nfatan ni.

Esta 5:1

Baah lul bumɔb ki ti saa iwiin itaa daal na, le Esta di nnaan aawanpeenkaan peen ki buen ti sil ubɔr aah bi lichiln li na aabisamɔb, ki lik libɔrjal aadiik ni. Ubɔr nan bi ki ponn ni, ki ka libɔrjal pu, ki lik ni mbisamɔb wɔb.

Esta 9:31

ki mɔk bi ni biyaabitiib baah ga li nyi Purim aawiin ilee na pu na, ke baah ŋani bumɔb aalulm ni baapombiin aayoonn pu na. Modekai ni ubɔrpii Esta mɔmɔk le nan siin kina.

Aisaya 22:12

Nidindaan Uwumbɔr Mpɔɔnsakpiindaan, nan bi yin nimi ke ni nan wii, ki wii ikpowiil, ki kuu niyil, ki peen tiwan ni saak kuub na aawanpeenkaan.

Jeremia 36:9

Jehoyakim aah nan ye Juda aabɔr pu na aabiŋmuŋmur aaŋmawae ni, le binib ngbaan nan bi lulni bumɔb ke Uwumbɔr san bi kinimbaak. Binib bi mɔmɔk koo Jerusalem ni na, ni bi mɔmɔk nyan ni Juda aatim ni na, le nan lul bumɔb ngbaan.

Daniel 2:18

U nan bui bi ke bi mee Uwumbɔr u bi paacham na aan u san bi kinimbaak, ki mee u ke u kpiir tidaŋ ngbaan aatataa, aan bi taa ku bi ni Babiloŋ aasusurb biken na.

Matiu 12:40

kina le min Unibɔn Aabo mu ga li bi kitiŋ ponn ni iwiin itaa ni tinyer titaa. Lijinjiir aatuln limina baanja le ni ga kan.

Tibɔnyaan ti Luk ŋmee ti na 9:24

Unii umɔk kaan ŋmaa kpo m pu na kan, waamɔfal ga bee yɔli la. Unii umɔk ga ŋmaa kpo m pu na kan, u ga kan limɔfal li kaa kpa ndoon na.

Jɔnn 19:22

Le Pailat bui bi, “Maah ŋmee pu na, ni ŋmee a.”

Lituln 10:7

Le Uwumbɔr aatuun ngbaan ki gir buen. Waah buen na, le Konelius yin waatutum ponn ni bilee, ni butɔb aaja u ye uninyaan ki bi u chee idaa mɔmɔk ki tun lituln tii u na.

Lituln 20:24

Tɔ, m yaa kpo, bee m yaa bi kan, ntafal aa bi ni ni. Tidindaan Yesu tii mi lituln, ke m tuk binib tibɔnyaan ngbaan, ke Uwumbɔr gee bi. Ntafal bi lituln ngbaan ponn ni, ke m tun li ti doo.

Lituln 21:13

Le Pɔɔl baa bi, “Ni ŋani ba kina, ki wii, ki bii nsui? Bi yaa ga ti buu mi Jerusalem ni, bee bi yaa ga ti ku mi nima Tidindaan Yesu pu kan, m ga buen. Maan di cha.”

Lituln 27:33

Kichakpinaanyeek ni le Pɔɔl gaŋ bi mɔmɔk ke bi pɔɔk bibaa ki ji tijikaar, ki bui bi, “Iwiin kipiik ni inaa le na, nimi aalandak muk nimi, le ni lul bumɔb.

Lituln 9:9

Waa nan waa ki ti saa iwiin itaa, kaa ki ji, kaa ki nyu mu.

Rom Yaab 16:4

M pu le bi mɔmɔk ba ga kpo. Nima le m dooni bi. Naa ye mi baanja le dooni bi. Yesu aanib bi kaa ye Juu yaab na mɔmɔk mu dooni bi.

Filipi 2:30

ba pu? Kristo aatuln pu, waa nan daa nkun. Waah nan ban u ter mi, naah kaa nan ŋmaa ter mi pu na pu, le u nan kan linimaln.

Josua 24:15

Ni yaa kaa gee ke ni li dooni u kan, din wee, ni nyan naah ga dii u na; ni ga li dooni ŋiwaa ŋi niyaajatiib nan dooni ŋi Mesopotamia aatiŋ ni na aa? bee ni ga li dooni Amor yaab, bi ni bi baatiŋ ponn ni na le aawaa? M ni maamaal ma kan, ti ga li dii Uwumbɔr la.”

1 Samuel 19:5

U nan di waamɔfal ŋa uŋaal ni, le ki ti ku Goliaf, le Uwumbɔr tii Israel yaab mɔmɔk linyaŋ sakpeln. Saah nan kan kina na, ni nan mɔ si la. Ba tee ki ŋa, aa ki ban aa tun titunwanbir unii u kaa kpa taani ubaa na pu, ki ku David, tibɔr ti kaa kpa tataa na pu?”