Esta 3:8 - Uwumbɔr aagbaŋ

⁸ Le Hamann nan bui ubɔr ke, “Linibol libaa bi ki yaa ki bi saanaan aapepel mɔmɔk ponn ni. Baah joo ikaal i na ni biken aakaal aa kpaa. Ki ki kpee na, baa kii saanaan aakaal; kina pu na, saan li gee ke kina aanib li bi.

Esta 3:8 ပူးပေါင်းရင်းမြစ်များ

Esra 4:6

Ubɔrkpaan Sekes aah nan laa jin nnaan buyoonn na, le binib bi nan koo Jerusalem aatiŋ, ni Juda aatim muken ni na aadim ŋmee tibɔr ti kaa ŋan na bi pu.

Nehemia 1:8

Teer saah nan bui Moses pu na ke: ‘Nimi Israel yaab yaa kaa kii tii mi kan, m ga cha ni yaa ki koo ŋinibol yayan ponn ni.

Esta 3:9

Mpɔɔndaan, ni yaa ga mɔɔr si kan, siin nkaal ke bi ku bi mɔmɔk. Aa yaa ŋa kina kan, m puu ke m ga ŋmaa tii nnaan aaninkpiib tikunabr aakur aamombil ŋi aanyunyuun ga pii ŋichur ikui itaa ni imonko ilee na, bi li joo tun nnaan mue aatuln.”

Esta 4:1

Modekai aah ŋun tibɔr ti mɔmɔk ŋa na, le u daa kar waawanpeenkaan mpombiin pu, le ki di tiwanpeenkaan ni saak kuub na peen, ki di nfatan puŋ uyil, ki bɔ dii kitiŋ ni, ki wii ikpowiil mpombiin pu,

Jeremia 33:24

“Saa kan binib aah bi len ke m yii ŋidichal ŋilee, ŋi ye Israel ni Juda aanib bi min mbaa nan lee bi na aa? Kina pu le bi lik maanib fam, kaa ki kahn bi sakni ŋitimbol ni.

Jeremia 50:17

Uwumbɔr ki len ke, “Israel aanib bi ke ipiih i ichinn jenn yaa i na la. Njan na, Asiria aabɔrkpaan le nan puen tak bi, le Babiloŋ Aabɔr Nebukadnesar nan nyir baakpab.

Esekiel 11:16

“Tɔ, di maah len pu na tuk aado yaab binaagbiib biken. Min le cha bi ti bi ŋitimbol ŋi daa na ni, le ki cha bi yaa ki bi ntim muken ni. N‑yoonn mumina m ga li bi bi chee baah buen ntim mu ni na.

Esekiel 6:8

“M ga cha bi nya linikul ngbaan ni ki yaa koo ŋitimbol ŋiken ni,

Daniel 3:8

N‑yoonn mumina le Babiloŋ aanib bibaa nan kan nsan ke bi bii Juu yaab ngbaan.

Daniel 6:13

Le bi bui ubɔr ke, “Unaagbiija Daniel, u nyan ni Juda aatiŋ ni na aa pak mpɔɔndaan, kaa dii saah siin nkaal mu na. U mee Uwumbɔr nfum mutaa nwiin mubaa n‑yoonn mɔmɔk la.”

Daniel 6:14

Ubɔr aah ŋun kina na, usui nan bii pam, le u pɔɔk ubaa ke u kan nsan ki gaa Daniel lii. U nan bi pɔɔni ubaa ki ban kina aasan le nwiin ti lir.

Liifai Yaab 26:33

M ga cha nimi aadim to nimi butɔb ki jenn yaa nimi koon ntiyayam ni. Nimi aatim ga bii doo, le ubaa aan ki li bi nimi aatiŋ ni.

Sekaria 7:14

M nan ŋar bi ŋŋaan ke kitaabuŋ na ke bi ti li koo ntiyayam ni. Kitinyaan kimina nan kpaln nkuun, le ubaa aa ki bi ki pu.”

Nkahm 23:9

Maah si ŋitakpal fɔfɔŋ ŋee pu na, m waa bi; maah si ŋigongon ŋee pu na, m waa bi. Bi ye linibol li kaa di libaa ŋmal biken ponn ni na la. Bi nyi ke bi kan tinyoor jer ŋinibol ŋiken.

Jɔnn 7:35

Juu yaab nan baa tɔb ke, “Uja ngbaan ga buen la chee, aan taan kan u? U ga buen Juu yaab aah yaa nin chee Griik yaab aatingbaan ni na, ki ti tuk Griik yaab Uwumbɔr aabɔr aa?

Lituln 24:5

Ti nyi ke Pɔɔl muk binib sakpen. U muk Juu yaab bi bi dulnyaa wee mɔmɔk ni na, ki cha bi ŋmɔ tijar. Binib bibaa bi, ki dii Yesu u ye Nasaref aatiŋ aanii na aasan. Pɔɔl ye bi ponn ni aaninkpel ubaa la.

Lituln 28:22

Ti nyi ke bi len ntim mɔmɔk ponn ni ke saah dii nsan mu na aa ŋan. Nima pu na, ti ban ti ŋun tibɔr ti bi aamɔb ni na.”

Ikaal 30:3

Nidindaan Uwumbɔr ga san nimi kinimbaak. U ga ki nyan ni nimi ŋinibol ngbaan aatim mu ni u nan cha ni yaa buen na, ki giin ni nimi, nimi aatiŋ ni, ki tii nimi liwangol.

Ikaal 32:26

M nan len ke m ga kuln bi, aan nima kan, ubaa aan ki teer bibɔr.

Ikaal 4:27

Uwumbɔr ga cha ni yaa buen ŋinibol yayan aatim ni, le nimi siib kina le ga ti gur ki ŋmar.

Jemisi 1:1

Min Jems, u ye Uwumbɔr ni Tidindaan Yesu Kristo aatutunn na, m dooni Uwumbɔr aanib bi yaa ki bi itingbaan mɔmɔk ni na.

1 Piita 1:1

Min Piita u ye Yesu Kristo aakpambal na le ŋmee kigbaŋ kee m tii Uwumbɔr aanib bi ye biwɔwɔm dulnyaa wee ni, ki yaa ki bi Pontus aatiŋ ni, ni Galasia aatiŋ ni, ni Kapadosia aatiŋ ni, ni Asia aatiŋ ni, ni Bitinia aatiŋ ni na.