Esta 3:13 - Uwumbɔr aagbaŋ

¹³ Bitaasam le nan di tigbann ngbaan buen nnaan ngbaan aapepel mɔmɔk ni. Ti nan mɔk ke nwiin mubaa daal, Adar aaŋmal aawiin kipiik ni itaa daal kan, bi ku Juu yaab mɔmɔk, binachipɔm ni bi por na, ni bipiib ni bibilb mɔmɔk. Bi kɔr bi mɔmɔk ki taa san bi kinimbaak, ki gaa baawangol mɔmɔk.

Esta 3:13 ပူးပေါင်းရင်းမြစ်များ

2 Bibɔrb Aabɔr 30:6

Ubɔr ni waaninkpiib nan cha ituun nyan buen Juda ni Israel yaab aatim mɔmɔk ki joo nnyim aabɔr tee: “Israel aanib, ni ŋmar Asiria yaab aah gaa kitiŋ pu na ni. Tɔ, gir ni man Abraham, ni Aisak, ni Jakob Aadindaan Uwumbɔr chee, le u mu ga gir ni ni chee.

Esta 7:4

Bi di m ni maanib kooh ke bi ku timi. Ni yaa kaa ba ye linikul, ki yaa ba ye tinaagbiir kan, m ba ga li ŋmin kaan muk si; tɔ, ni ye le ke bi ku doo ti mɔmɔk.”

Esta 8:5

“Ni yaa ga li mɔ si mpɔɔndaan, aan aa yaa lik faar mi ki dak ke ni ŋan aa chee kan, m gaŋ si ke aa siin nkaal ke Hamann aah nan siin ikaal i na taa tun lituln; ikaal i Hamedata aajapɔɔn u aayaaja ye Agag na nan siin ke bi kuln Juu yaab, nnaan mue ni na.

Esta 9:1

Adar aaŋmal aawiin kipiik ni itaa daal nan fuu ni, nwiin mundaal nkaal na aatuln ga piin na, nwiin mundaal Juu yaab aadim nan ban bi kuln bi na. Le Juu yaab labr fenn lir bi pu ki nyaŋ bi.

Esta 9:5

Kina pu na, Juu yaab nan ga ŋmaa ŋa baadim baah ban pu na. Bi nan di kijaak aajum le ki di tak bi, ki ku bi.

Job Aagbaŋ 9:25

Maawiin san jer la, le i ponn ni mubaa kina aa ŋan.

Aisaya 10:6

M tun Asiria yaab ke bi ti tak litimbol li kaa dii mi Uwumbɔr aasan na, binib bi cha maaŋuul fii bi pu na. M tun bi ke bi ti jenn ki gaa, ki su baawan, ki taa binib pu ki ŋmal titan ni, kitiŋ ponn ni.”

Jeremia 51:31

Ituun, ituun le san ti tuk Babiloŋ aabɔr ke bijab diir ŋipepel mɔmɔk le ki koo ni waatiŋ ponn ni.

Rom Yaab 3:15

Bi yaa ban bi ku binib kan, naa pɔɔ.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.

1 Samuel 15:3

Buen ti tak Amalek yaab ki doo baah kpa tiwan ni mɔmɔk na. Taa di cha nibaa; ku baajab mɔmɔk, ni bipiib, ni bibilb, ni mbipɔm, ni inaa, ni ipiih, ni laakumii tiib, ni ibon.”

1 Samuel 22:19

Sɔɔl nan ki cha bi ku bitotoorb aatiŋ Nob aanib mɔmɔk: bi nan ku bijab ni bipiib, ni bibilb ni mbipɔm, ni inaa, ni ibon, ni ipiih mɔmɔk.