Esta 3:12 - Uwumbɔr aagbaŋ

¹² Kina pu na, njan aaŋmal aawiin kipiik ni itaa daal le Hamann nan yin ubɔr aagbaŋmeeb le ki cha bi ŋmee tibɔr ti u ban na, nnaan ngbaan aaliin mɔmɔk ni, ni iliin ngbaan aaŋmeen ni, ke u tii bitinjoob mɔmɔk, ni biyidam mɔmɔk, ni nnaan aaninkpiib mɔmɔk. U nan ŋmee ti Ubɔrkpaan Sekes aayimbil pu la, ki di waabɔmbik nyii tibɔr ngbaan pu.

Esta 3:12 ပူးပေါင်းရင်းမြစ်များ

1 Bibɔrb 21:8

Le upii ngbaan buen ki ti ŋmee tigbann, le ki di Ahab aayimbil paan ti pu, ki di waapɔɔn mu nyii ti pu, le ki cha ti buen bininkpiib, ni binikpaam bi bi Jesreel aatiŋ ni na chee.

Esra 8:36

Bi nan ki nyan ubɔrkpaan ngbaan aah nan tii bi kigbaŋ ki na ki di tii Yufrates Aamɔɔl aawilir aapepel aayidaan ni waaninkpiib, le bi nan tii bi nterm, ni Uwumbɔr Aadichal ni aadoon aaterm.

Esta 1:22

U nan tun ŋipepel nkub ni moninko ni ŋilole ngbaan ni, lipepel mɔk ni laaliin, ni laaŋmeen ni, ki len ke uja mɔmɔk li ye waadichal ni aayidaan, aan waah len pu na ŋa kina.

Esta 3:11

Le ubɔr bui u ke, “Binib ngbaan ni baamombil ye siyaan la; ŋa bi saah gee pu na.”

Esta 8:2

Le ubɔr chuu ŋmaar waabɔmbik ki ye waamɔkl na, aan u nan chuu gaa Hamann chee na, di tii Modekai. Esta nan cha Modekai le lik Hamann aawangol li ubɔr nan di tii u na.

Esta 9:27

le Juu yaab nan cha ni ŋa baakaal, ni biyaabitiib aakaal, ni unii umɔk kpaln Juu aanii na aakaal ke n‑yoonn ngbaan yaa nan fuu ni libiln mɔk ni kan, iwiin ilee ngbaan ga li ye lifuur ni njim aawiin ke Modekai aah nan mɔk bi pu na la.

Daniel 3:10

Mpɔɔndaan siin nkaal ke buyoonn tiwangbaakaan ti piin na kan, binib mɔmɔk gbaan ki doon salmaa aawanaankaan na;

Daniel 6:12

le bi mɔmɔk buen ubɔr chee ke bi ti galn Daniel. Bi nan len ke, “Mpɔɔndaan, aa di saanaŋ nyii nkaal mu pu ke iwiin piitaa i choo na, unii umɔk mee liwaal libaa, bee Uwumbɔr ubaa, bee unibɔn ubaa chee tiwan, kaa ye sin chee na kan, bi di udaan mee ŋa ichinn aabuu mu ponn ni ichinn gbii na.” Le ubɔr kii ke, “Een, nkaal mu pɔɔ ki ye Media ni Pesia yaab aakaal, kaan ŋmaa kpeln na.”

Daniel 6:15

Le bijab ngbaan ki gir buen u chee ki ti bui u ke, “Mpɔɔndaan nyi ke Media ni Pesia yaab aakaal mu ubɔr di waanaŋ nyii mu pu na aan ki ŋmaa kpeln daalbaadaal.”

Daniel 6:25

Le Ubɔrkpaan Darius ŋmee kigbaŋ tii ŋitimbol mɔmɔk, ni ŋinibol mɔmɔk, ni iliin mɔmɔk aanib kitiŋ kee pu ke: “M dooni ni mɔmɔk.

Daniel 6:8

Kina pu na, cha mpɔɔndaan siin nkaal ngbaan ki di saanaŋ nyii mu pu, ki cha mu aatuln piin. Mu li ye Media yaab, ni Pesia yaab aakaal mu kaan ki kpeln na.”