Esta 2:9 - Uwumbɔr aagbaŋ

⁹ Hegai nan gee Esta, le waanyaan nan chuu Hegai. Kina pu na, u nan piin waanyaan aabimbin aatuln mala, le ki tii u tijikaar ti ŋan na. U nan tii u kidiik ki ŋan jer ti mɔmɔk na lipiichiln ngbaan ni, ki tii u bisapɔm bi bi nyan ni bi libɔrchiln ni na ponn ni bilole, ke bi li tun tii u.

Esta 2:9 ပူးပေါင်းရင်းမြစ်များ

Mpiin 39:21

Tɔ, Uwumbɔr mu nan bi Josef chee ki ŋa u pu tinyoor; nima pu na, unaagbiijool u nan joo bi na nan gee Josef aabɔr pam,

Mpiin 39:4

Potifa aanimbil nan gbiin waatuln, le u di u ŋa ubaa aanaagbiija, nima pu na, u nan di waachiln, ni tiwan mɔmɔk, le ki di ŋa Josef aaŋaal ni.

1 Bibɔrb 8:50

Di cha pinn bi baatunwanbir, ni baah yii saamɔb pu na mɔmɔk, ki cha baadim li joo bi tiŋann.

Esra 7:6

Esra nan ye ugbanbae la, le ki nyi Israel yaab Aadindaan Uwumbɔr aakaal i u nan di tii Moses na mbamɔm. Esra Aadindaan Uwumbɔr aah nan bi u chee pu na, ubɔrkpaan ngbaan nan tii u tiwan ni mɔmɔk u ban na la. Ataksekes aanaan yoonn aabilolole ni, le Esra, ni Israel yaab bibaa, ni bitotoorb, ni Liifai yaab, ni Uwumbɔr Aadichal ni aawangbaab ni bilahngaab, ni bikikiib, ni bitutum, nan nyan Babiloŋ ki cha Jerusalem.

Nehemia 2:8

M nan ki bui u ke u tii mi kigbaŋ m ti tii Asaf u kii ubɔr aachook na kigbaŋ ki ga cha u tii mi idɔ m ti toor kidifɔfɔk ki kii Uwumbɔr Aadichal na aajaaleŋ tiib, ni ligoln li mann goln kitiŋ ngbaan na aabisamɔi, ni mbaa aadichal li ponn ni m ga li koo na. Uwumbɔr aaŋaal aah nan paa m pu na, ubɔrkpaan ngbaan nan tii mi maah ban pu na mɔmɔk.

Esta 2:12

Kinyaan aabimbin aajoom ngbaan nan yunn ki ti saa libiln libaa la; bi nan joo mir aakpan ŋmir bisapɔm ngbaan ki ti saa iŋmal iloob, le ki di nkpan mu nu mɔ na mu ki ŋmir bi ki ti saa iŋmal iloob. Nee aapuwɔb, le bi ga di usapɔɔn ubaabaa di koon Ubɔrkpaan Sekes chee.

Esta 2:3

Aa ga ŋmaa ban bininkpiib saanaan aapepel mɔmɔk ni, ki cha bi li joo ni bisapɔm bi ŋan na saapiichiln ni, Susa litiyil ni do. Di bi ŋa Hegai, bijab bi bi kpaa bi na ponn ni ubaa, u lik saapiib na aaŋaal ni, ki cha bi toor bi ki tii bi kinyaan,

Esta 5:2

Ubɔr aah kan Ubɔrpii Esta si lipaal na, le u nan lik ki faar u, le ki yoor salmaa aajaangbeek na mɔk ni u. Le Esta buen ti di uŋaal mee ki.

Ilahn 106:46

U nan cha binib bimɔk muk bi na san bi kinimbaak.

Ŋiyataŋak 16:7

Uwumbɔr aasui yaa piin aa pu kan, saadim ga kpaln aajɔtiib la.

Daniel 1:9

le Uwumbɔr nan cha Aspenas san Daniel kinimbaak.

Lituln 7:10

ki ter u, ki nyan u waafalaa mɔmɔk ponn ni. N‑yoonn ngbaan Faro nan ye Ijipt aatiŋ aabɔr. Le Uwumbɔr tii Josef nlan, ki cha Faro gee waabɔr. Le Faro di u ŋa kitiŋ ngbaan aayidaan, ni waachiln aayidaan.