Esta 2:23 - Uwumbɔr aagbaŋ

²³ Bi nan fiir lik, ki kan ke tibɔr ngbaan nan gbii, kina pu na, bi nan leen bijab bilee ngbaan iŋmin ki ku bi. Ubɔr nan cha bi ŋmee tibɔr ngbaan mɔmɔk ŋa waanaan aagbann ponn ni.

Esta 2:23 ပူးပေါင်းရင်းမြစ်များ

Mpiin 40:19

Iwiin itaa daal kan, ubɔr ga nyan si kiyondiik ni ki ti chuu gii aayil. Le u ga di saawon di leen idɔ pu, le inyoon ga dan nan ji saawon ngbaan.”

Mpiin 40:22

le ki cha bi ku biboroboroŋam aaninkpel na. Josef aah nan len pu na, ni nan ŋa kina la.

Esra 4:15

kina pu na, ti bui ke aa cha bi lik aayaajatiib aah nan ŋmee tigbann ti bil na ponn ni. Aa yaa ŋa kina kan, aa ga kan ke kitiŋ ngbaan aa si ubaa aapuwɔb kpala, ki nyan n‑yaajayoonn na, ki tii bibɔrb ni ŋipepel aayidam tibɔr n‑yoonn mɔmɔk la. Kaanib pɔɔ njoom pam. Kina pu le bi nan kuln kitiŋ ngbaan.

Esta 10:2

Waah nan tun iwaan aatuln li na, ni Modekai aah nan ti kan waaninkpir ti paa ubɔr pu na mɔmɔk bi Pesia ni Media aabɔrb aagbann ponn ni la.

Esta 5:14

Le upuu ni ujɔtiib na mɔmɔk len ke, “Ba ŋa saa cha bi di ŋikpan kpaa tiwan ni fɔk sakpen na, ki ga pii ŋitaa imonko itaa ni kipiik ni ŋiŋmu na? Fen kichakpiik ni kan, aa bui ubɔr aan u cha bi leen Modekai iŋmin ni pu, le aa nin buen fen aajim ngbaan ni, ki li kpa mpopiin.” Hamann nan dakl ke baalandak ngbaan ŋan, le u cha bi kpaa tiwan ngbaan.

Esta 6:1

Kinyeek ngbaan ubɔr aa nan ŋmaa geen; le u cha waatutunn yoor ni nnaan aagbann ki nan karn ti tii u.

Esta 7:10

Kina pu na, bi nan leen Hamann iŋmin, ŋikpan ŋi pu u nan kpaa ke u leen Modekai na. Le ubɔr aaŋuul nin sɔŋ.

Malakai 3:16

Le binib bi san Uwumbɔr na len tɔb chee tibɔr, le Uwumbɔr pel, le ki ŋun baah len pu na. Bi ŋmee kigbaŋ ni binib bi san Uwumbɔr ki pak u na aayimbil bilni, unimbiin ni.

Josua 8:29

U nan di Ai yaab aabɔr ngbaan di leen busub pu, le ki cha uwon lee nima ki ti saa kijook wɔb. Nwiin aah cha mu ti lir buyoonn na, le Josua cha bi leer u lii, ki di waawon mee bil kitiŋ ngbaan aabisamɔb. Bi nan kuun ŋitakpal biin u pu, le ŋi beenin dɔ nima chee ki nan saa din.