Esta 2:18 - Uwumbɔr aagbaŋ

¹⁸ Le ubɔr nan ŋa njim sakpem ke u nyuŋ Esta, le ki yin waaninkpiib mɔmɔk. U nan tii waanaan mɔmɔk aanib nwiin mubaa ke ubaa taa tun lituln, le ki tii ipiin pam.

Esta 2:18 ပူးပေါင်းရင်းမြစ်များ

Mpiin 29:22

Le Labann nan siin nwiin mu daal bi ga kpaan tɔb chee na, le ki chɔi binib ke bi dan, le ki ŋa njim.

Nehemia 8:11

Liifai yaab ngbaan nan pɔɔn bibaa ki chuun sɔŋni binib ngbaan aasui, ki tuk bi ke nwiin mundaal bi chain na, bi taa cha bisui bii.

Esta 1:7

Bi nan nyu ndaan salmaa aayikur ni la, le ti mɔmɔk bi tibaabaa kaa kpaan; le ubɔrkpaan ngbaan di mbɔrdaan chann tichann.

Esta 9:22

ba pu? iwiin ngbaan daal le Juu yaab nan nyaŋ baadim; uŋmal ngbaan le nan ye uŋmal u mpombiin ni itaakpayɔl kpaln mpopiin ni mmɔɔn na. U nan bui bi ke iwiin ngbaan daal kan, bi li ji njim ki tii tɔb tijikaar aapiin, ki tii binib bi ye bigiim na mu.

Solomonn Aalahn 3:11

Sionn aapiib, dan nan lik man ubɔr Solomonn. U chik kibɔryikpupuk ki una nan di chiŋ uyil pu waabɔndinn daal, nwiin mu nan ye waapopiin ni mmɔɔn daal na la.

Solomonn Aalahn 5:1

Maabɔngeehn ni maabɔndinn, m koo maasaak ponn ni la. M bi nyani maatulalee aakpiin ni mir la; m bi ji maasiinyun ni nsiikpan la; m bi nyu maasubil aadaan ni nnaabiin la. Bɔtiib, li ji ki nyu man ki ti saa buyoonn mbɔngeehm ga gbii nimi na.

Matiu 22:2

“Uwumbɔr aanaan naahn ubɔrkpaan u ŋa ubɔndinn aajikaar ki tii ujapɔɔn,

Tibɔnyaan ti Mak ŋmee ti na 6:21

Le Ubɔr Herod aamaal aawiin daal nan fuu. Le u ŋa tijikaar pam, ki yin bininyuum, ni waajab aaninkpiib, ni Galilee aatiŋ aaninkpiib ke bi dan nan ji.

Tibɔnyaan ti Luk ŋmee ti na 14:8

“Unii ubaa yaa yin si ke aa dan nan ji u chee tijikaar kan, taa kal bininyuum aakakaa chee. Nibaakan, unii u jer si na ga fuu ni.

Tibɔkpiirkaan 11:10

Baakun pu le dulnyaa aanib ga li kpa mpopiin sakpen, ki waa liwaal, ki tii tɔb ipiin; ba pu? Uwumbɔr aabɔnabr bilee bi ŋa bi falaa na kpo a.

Tibɔkpiirkaan 19:9

Le Uwumbɔr aatuun ngbaan bui mi ke, “Ŋmee ke: Binib bi Uwumbɔr yin bi ke bi dan ki nan ji Upihbo ngbaan aabɔndinn aajikaar na, Uwumbɔr aanyoor bi bi pu.” Le Uwumbɔr aatuun ngbaan ki len ke, “Uwumbɔr aabɔr ti ye tibamɔnn na le na.”

1 Samuel 25:8

Baa saapihkpaab, le bi ga bui si mbamɔn. Ti dan njim daal la, le David bui ke aa gaa timi mbamɔm. Ti gaŋ si ke aa tii timi saanaagbiib, ni aajɔnyaan David, saah ga ŋman pu na.”