Esta 2:17 - Uwumbɔr aagbaŋ

¹⁷ Ubɔrkpaan nan gee u ki jer bisapɔm biken na mɔmɔk; le u nan kan ubɔr chee ngeehm ki jer biken na. U nan di kibɔryikpupuk chiŋ u ki ŋa u ubɔrpii, Fasti aajal pu.

Esta 2:17 ပူးပေါင်းရင်းမြစ်များ

Esta 1:11

U nan bui bi ke bi ti li joo ni Ubɔrpii Fasti, aan u li chik nnaan aayikpupuk. Ubɔrpii ngbaan nan ye upii u ŋan na la, le ubɔr ngbaan nan ban u di waanyaan di puk kipupuk waaninkpiib ni bimɔk nan dan njim ngbaan ni na chee.

Esta 2:16

Tɔ, Sekes aanaan aabiln lolole ni, ŋmapiik ni, uŋmal u bi yin u ke Tebef na, le Esta nan koo Ubɔrkpaan Sekes chee libɔrchiln ni.

Esta 4:14

Aa yaa ka ŋmin n‑yoonn mumina aaboln ni kan, nterm ga nyan ni paacham ki dan Juu yaab chee, aan bi ŋmar, le aa ma ga kpo, le aate aadichal ber. Ŋma ti ki nyi, nibaakan ni nan ye n‑yoonn mumina pu le bi di si ŋa ubɔrpii.”

Ŋiyataŋak 21:1

Uwumbɔr aah mɔk ubɔr aalandak ke i tun pu na, ni waah mɔk nkpen mu aah ga dii pu na aa pɔɔ u chee kpala.

Esekiel 17:24

Isui i mɔmɔk bi kitiŋ ngbaan pu na ga bee ke min le ye Uwumbɔr. Min le ga gaa geei isui i fɔk na, ki cha i kaa fɔk na muun ki li fɔk. Min le ga kuur isusoon ki cha isukuun fikr ki bunn. Min Uwumbɔr le len kina. M ga ŋa maah bui ke m ga ŋa pu na.”

1 Samuel 2:8

U nyan ni bigiim titan ponn ni, ki nyan ni binib bi kaa kpa na baanimbaak ponn ni. U ŋani bi mbɔrbim aajɔtiib, ki joo bi kaani binikpaam aakakaa chee. Uwumbɔr le naan kitiŋ kee aatinyikl, le ki pɔɔ, litinyikl lee pu le u naan dulnyaa.