Esta 10:3 - Uwumbɔr aagbaŋ

³ Ubɔr Sekes baanja le nan kpa tininkpir ki jer Juu aanii Modekai. Juu yaab mɔmɔk nan pak Modekai ki gee u sakpen. U nan tun ki ban waanib aabimbinyaan ni biyaabitiib aamɔfal la.

Esta 10:3 ပူးပေါင်းရင်းမြစ်များ

Mpiin 41:40

M ga di sin le ŋa maatiŋ kee aaninkpel, le maanib mɔmɔk ga kii saah len pu na mɔmɔk. Sin le ga li paa m pu kitiŋ kee ni.

Mpiin 45:10

Aa dan ki nan li bi Gosenn aapepel wɔb, ki li mal mi. M ga ŋmaa lik aa ni saabim, ni aayaabitiib, ni saapiih, ni iŋoob, ni inaa, ni saah kpa tiwan nimɔk na.

Mpiin 45:11

Aa yaa bi Gosenn aatiŋ ngbaan ni kan, m ga li lik si. Nkon aabin gur ŋiŋmu la, le maa ban ke aa ni saamaal, ni tiwakor kpo nkon.”

2 Bibɔrb Aabɔr 28:7

Israel aaja ubaa nan bi, bi yin u ke Sikri le u nan ku Ubɔr Ahas aajapɔɔn u bi yin u ke Maaseya na, ni libɔrdichal ni aayidaan, u bi yin u ke Asrikam na, ki kpee Elkana, u nan paa ubɔr pu na.

Nehemia 2:10

Le Sanbalat, u nyan ni Bef Horonn na, ni Tobia, u ye uninkpel ubaa ki bi Amonn aapepel na, ŋun ke unii ubaa dan u nan ter Israel aanib, le baaŋuul fii sakpen.

Esta 2:5

Susa ponn ni, Juu aanii ubaa nan bi, bi yin u ke Modekai aan ute ye Jair; u nan nyan ni Benjaminn aamaal ponn ni, le ki ye Simei u nan ye Kis aajapɔɔn na aayaabil.

Esta 3:2

Waaninkpir ngbaan pu, ubɔr ngbaan nan siin nkaal ke waaninkpiib bimɔk tun waatuln na li gbaani ki pak u. Bi mɔmɔk nan ŋani kina, see Modekai baanja le nan yii, kaa ŋani kina.

Daniel 5:16

Tɔ, m ŋun ke aa ŋmaa kani tiwan ni bɔr na aatataa ki kpiir len. Aa yaa ga ŋmaa karn ŋŋmeen mue ki tuk mi mu aatataa kan, bi ga peen si libɔrbɔkul li ŋmal mmam, ni nsiin na, ki gbin si salmaa aaleen mu kpa kipak na aaneen ni, ki li ye nnaan mue ni aaninkpel tatar u paa m pu na.”

Daniel 5:29

Libuul ngbaan ni le Belsasar bui waatutum ke bi di libɔrbɔkul li ŋmal mmam ni nsiin na peen Daniel, ki di salmaa aaleen mu kpa kipak na gbin uneen ni; le ki di u ŋa waanaan ni aaninkpel tatar u paa u pu na.

Daniel 6:3

Naa nan yunn le Daniel nan mɔk ke u ye unii u nyi waatuln ki jer uŋeen aatɔtiib bilee na, ni biyidam na mu la. Waah nan nyi tiwan ki ti nyaŋ sakpen pu na, ubɔr nan ŋa nlandak ke u di u ŋa waanaan ngbaan mɔmɔk aayidaan.

Rom Yaab 10:1

Nnaabitiib, m mee Uwumbɔr tii maanib Israel yaab ke bi ŋmar. M ban kina le nsui mɔmɔk.

Rom Yaab 14:18

Unii u dii Kristo ki bi kina na, u ga piir Uwumbɔr aasui. Binib mu ga pak u.

1 Samuel 18:16

David aah nan moo kpae pu na, Israel ni Juda aanib mɔmɔk nan gee u la.

1 Samuel 23:17

ki len ke, “Taa san ijawaan. Nte Sɔɔl aan ŋmaa ŋa si nibaa. U nyi gbingbin ke sin le ga ŋa Israel aabɔr, le m li paa aa pu.”