Esta 1:6 - Uwumbɔr aagbaŋ

⁶ Bi nan di tikokonn aakekenbɔn ni ŋipiin le di toor lichiln ngbaan ni, ki di ŋitan ŋi ye mbɔm ni mmam na di gbin tikunabr aabuen pu ki di chuu ŋitakpanyaan aagon. Bi nan di ncheen ni ŋitakpanyaan aabɔŋ aabɔŋ le di nak lichiln ngbaan ni, ki di ŋiyikukul aajal ŋi fɔk aan bi di salmaa ni tikunabr ŋa ŋi na di siin.

Esta 1:6 ပူးပေါင်းရင်းမြစ်များ

Esta 7:8

N‑yoonn mu u lir gbaan Esta aajal li fɔk na pu ke u gaŋ u na, le ubɔr ki nyan ni lichiln ni ki koo ni kidiik ngbaan ni. Waah kan Hamann nima chee na, le u kaan lii ke, “Uja wee ban ke u chuu ubɔrpii nnimbil ni, mbaa aabɔrdichal ni, ki doon u chee la aa?” Ubɔr ti len kina door na, le waakikiib di likekeln biin Hamann aanimbil wɔb.

Esta 8:15

Tɔ, Modekai nan nyan libɔrchiln ngbaan ni, ki pee ŋibɔrbɔkul ŋi ŋmal nsiin ni mpem na, ni ŋikekenyaan ŋiken, ki chik salmaa aabɔryikpupuk ki ŋan sakpen na. Le Susa aatiŋ ni aasan mɔmɔk ni, binib faa mpopiin aafuuk;

Nnyam 26:1

“Ni ŋa Libool li bi chain na, nin chee m ga li bi na. Ni di iŋmibɔn, ni iman, ki di luu ŋitanyaan aakeken kipiik ki di gaa Libool ngbaan. Ni gbaŋ ŋi ki naan tiwan ni kpa ifeen na mann gonn ŋikeken ngbaan.

Esekiel 23:41

Bi ga kal ŋiyikukul aajanyaan ŋi fɔk na pu, le ki di teebul u aapaacham gbii tiwanyaan, ni tulalee aayon, ni olif aakpan ni mɔmɔk m tii bi na siin binimbiin ni.

Amos 2:8

Bijab doo kitork aabimbin mɔmɔk ponn ni, tiwanpeenkaan ni bi gaa bigiim chee ki joo teeni baah jin ŋipɔln ŋi pu na la. Maadichal ni, bi nyu ndaan mu bi gaa baapɔlndam chee na la.

Amos 3:12

Uwumbɔr ki len ke, “Samaria aanib bi ka ŋibɔrjal pu na ga nan gur siib ke Uchinn yaa chuu upiih ki ŋman kan, unaakpaal ga ti kan waah ŋman gur itaayakr bee litafal libaa pu na la. Kina le Samaria aanib siib ga ŋmar, le lijal ni tiwandookaan aageln baanja ga li gur baawangol ponn ni.”

Amos 6:4

Nimi bi dɔ nimi aawandookaan ni diin ki ŋan na pu, ki ji n‑yaan ni nkpan na, naa ga nan li ŋan tii nimi kpala.

1 Samuel 28:23

Le Sɔɔl nan yii ki bui ke waan ji nibaa. Le waaninkpiib mu gaŋ u, le u ti nin kii, le ki fii kitiŋ ki kal lijal pu.