Esta 1:3 - Uwumbɔr aagbaŋ

³ Waah nan jin nnaan ki nan saa libiln tatar ni na, u nan ŋa njim sakpem tii waaninkpiib bi lik waanaan na. Pesia ni Media aatɔb aajab nan bi nima, ki kpee biyidam ni bininyuum bi bi ŋipepel nkub ni moninko ni ŋilole na mu.

Esta 1:3 ပူးပေါင်းရင်းမြစ်များ

Mpiin 40:20

Le ni saa iwiin itaa daal, ni mu nan tuur baah nan ma ubɔrkpaan nwiin mundaal na la; le u cha bi ŋa tijikaar, le ki yin bininkpiib bimɔk paa u pu na, bi nan ji njim ngbaan; liyaadaal ngbaan le u nan cha bi nyan ni waanaagbiib bilee na kiyondiik ni, ki di bi dan u ni waaninkpiib ngbaan chee.

1 Bibɔrb 3:15

Le Solomonn nan finn, ki bee ke Uwumbɔr len u chee tibɔr tidaŋ ni. Le u buen Jerusalem aatiŋ ni, ki ti sil Uwumbɔr Aakaal Aadakaa aanimbiin ni, ki toor kitork ki bi joo seer mmii ni na, ni kimɔbaan aatork, tii Uwumbɔr. Nee aapuwɔb le u ŋa njim tii waaninkpiib mɔmɔk.

Esra 1:2

“Pesia aanaan aabɔr Sairus le siin nkaal mue. Uwumbɔr u ye Paacham Aadindaan na le ŋa mi dulnyaa wee mɔmɔk aajojoor, le ki tii mi lituln ke m maa lidichal Jerusalem aatiŋ ki bi Juda aatiŋ ni na tii u.

Esta 1:14

Bijab bi nan ŋmaa sur u n‑yoonn mɔmɔk na, le nan ye Kasena, ni Setar, ni Admata, ni Tasis, ni Meres, ni Masena ni Memukann; Pesia ni Media aaninkpiib bilole bi joo tininkpir ti nyuun nnaan ngbaan ni na le na.

Esta 1:4

Njim ngbaan nan yunn ki ti saa iŋmal iloob, le u nan joo libɔrchiln ni aawangol, ni laanyaan, ni laapɔɔn mɔmɔk ki mɔk binib ngbaan.

Esta 2:18

Le ubɔr nan ŋa njim sakpem ke u nyuŋ Esta, le ki yin waaninkpiib mɔmɔk. U nan tii waanaan mɔmɔk aanib nwiin mubaa ke ubaa taa tun lituln, le ki tii ipiin pam.

Esta 3:7

Njan aaŋmal, u bi yin u ke Nisann na ni, Ubɔrkpaan Sekes aabin kipiik ni ŋilee waanaan ni, le Hamann nan cha bi too inaan, bi yin inaan ngbaan ke “Purim”, aan u bee nwiin ni uŋmal u ni u ga ku Juu yaab na. Ŋmapiik ni ilee, bi yin u ke Adar na aawiin kipiik ni itaa daal le nan ti jin.

Aisaya 21:2

M kan libiil aabɔr tibɔkpiirkaan ni, libiil ni ŋŋmannim aabɔr. Elam aajab, ti tak bi man. Media aajab, buen ti gob man ntim ngbaan. Uwumbɔr ga kuln Babiloŋ yaab aah tii nimi falaa u na.

Jeremia 51:11

Uwumbɔr aah ban u kuln Babiloŋ aatiŋ na, le u ti saa Media aabɔrb. Waah ga leŋ lipɔln Waadichal pu pu na le na. Bijab bi bi tak ki na aayidam teen ke, “Luun nimi aapiin man. Gor nimi aajaak aapen man.

Daniel 5:1

Kinyeek kibaa le Ubɔrkpaan Belsasar nan yin ni waaninyuum lichur ke bi nan ji u chee njim sakpem, le bi nan kpaan ki nyun ndaan.

Daniel 5:28

n‑yakr, u chuu yakr saanaan ki di tii Media ni Pesia yaab.”

Daniel 6:1

Le Darius nan siin ke u ga nyan biyidam nkub ni moninko aan bi li joo waanaan ni aatun.

Daniel 8:20

“Saah kan upihja u kpa iyiin ilee na ye Media ni Pesia aanaan la.

Tibɔnyaan ti Mak ŋmee ti na 6:21

Le Ubɔr Herod aamaal aawiin daal nan fuu. Le u ŋa tijikaar pam, ki yin bininyuum, ni waajab aaninkpiib, ni Galilee aatiŋ aaninkpiib ke bi dan nan ji.