Esta 1:19 - Uwumbɔr aagbaŋ

¹⁹ Mpɔɔndaan, ni yaa ga piir aasui kan, cha ni nyan aamɔb ni ke Fasti taa ki cha aanimbil kan u. Cha bi ŋmee kina ŋa Pesia ni Media aakaal ponn ni, aan ubaa taa ki kpeln ni. Tɔ, aa di Ubɔrpii aajal mu ki di tii upii u ŋeer li na.

Esta 1:19 ပူးပေါင်းရင်းမြစ်များ

1 Bibɔrb 3:28

Israel aanib aah ŋun Solomonn aah nan siin pu na, le bisui nan gbiin kipak u pu, ba pu? bi nan bee ke Uwumbɔr tii u nlan ke u li joo ji tibɔr ibamɔn ni.

Esta 1:18

Tɔ, Pesia ni Media aanaan ni aaninkpiib aapuutiib yaa ŋun tibɔr timina kan, bi ga piin ki bi tuk bichatiib, nwiin aa kee lir. Bipiib mɔmɔk aan ki li pak bichatiib, le nimina ga cha bichatiib aaŋuul fii bipuutiib pu.

Esta 1:21

Ubɔrkpaan ngbaan ni waaninkpiib nan kii nsurm ngbaan; le ubɔrkpaan ngbaan nan ŋa Memukann aah nan len pu na.

Esta 2:1

Nee aapuwɔb, ubɔr aaŋuul aah sɔŋ na, u nan beenin dak Fasti aah ŋa u pu na, ni u mu aah siin nkaal mu u pu na.

Esta 3:9

Mpɔɔndaan, ni yaa ga mɔɔr si kan, siin nkaal ke bi ku bi mɔmɔk. Aa yaa ŋa kina kan, m puu ke m ga ŋmaa tii nnaan aaninkpiib tikunabr aakur aamombil ŋi aanyunyuun ga pii ŋichur ikui itaa ni imonko ilee na, bi li joo tun nnaan mue aatuln.”

Esta 8:5

“Ni yaa ga li mɔ si mpɔɔndaan, aan aa yaa lik faar mi ki dak ke ni ŋan aa chee kan, m gaŋ si ke aa siin nkaal ke Hamann aah nan siin ikaal i na taa tun lituln; ikaal i Hamedata aajapɔɔn u aayaaja ye Agag na nan siin ke bi kuln Juu yaab, nnaan mue ni na.

Esta 8:8

Tɔ, nkaal yaa siin ubɔr aayimbil pu, aan bi di nnaan aamɔkl aabɔmbik nyii mu pu kan, ubaa aan ki ŋmaa kpeln mu. Naah ga ŋa pu na le ye ke: Ŋmee kigbaŋ tii Juu yaab mɔmɔk naah gee pu na; ni ga ŋmee ki maayimbil pu, ki di nnaan aabɔmbik nyii mu pu.”

Daniel 6:17

Le bi di litakpal ŋeeb mbuu ngbaan aamɔb, le ubɔr di uma ubaa aanaŋ ni waaninyuum aanaŋ nyii li pu, ke ubaa taa ŋmaa nyan Daniel.

1 Samuel 15:28

Le Samuel bui u ke, “Uwumbɔr daa gaa Israel aanaan aa chee, ki di tii unii u jer si na.