Esta 1:12 - Uwumbɔr aagbaŋ

¹² Binaagbiib ngbaan aah nan ti bui Ubɔrpii Fasti ke ubɔrkpaan yin u na, u nan yii kaa dan. Le ni chuu ubɔrkpaan ngbaan liŋuul pam.

Esta 1:12 ပူးပေါင်းရင်းမြစ်များ

Mpiin 3:16

Le Uwumbɔr bui upii ke, “Aa ga kan falaa pam timal ponn ni. Ni ki kpee na, aa ga li ban ke aachal li gee si, le u ga li ye saayidaan.”

Esta 1:11

U nan bui bi ke bi ti li joo ni Ubɔrpii Fasti, aan u li chik nnaan aayikpupuk. Ubɔrpii ngbaan nan ye upii u ŋan na la, le ubɔr ngbaan nan ban u di waanyaan di puk kipupuk waaninkpiib ni bimɔk nan dan njim ngbaan ni na chee.

Esta 1:13

Tibɔr timina aaboln yaa nan ti dan kan, see ubɔr baa waaninkpiib bi sur u na, le ki nin ŋa waah ban pu na, kina pu le u nan yin ni bisusurb ngbaan, bima le ga nan bee waah ga ŋa pu na.

Esta 7:7

Le ubɔr di liŋuul nyii fii, ki nyan kidiik ngbaan ni, ki nyan lipaal ki ti koo libɔrchiln ni. Hamann nan bee ke ubɔr ban u daa utafal tibɔr ngbaan pu la, le ki gaar puwɔb ke u gaŋ Ubɔrpii Esta aan u gaa waamɔfal lii.

Ilahn 74:1

Uwumbɔr, ba ŋa aa san cha mi kina? Aa gee aabaa aanib pu liŋuul li kaa kpa ndoon na la aa?

Ilahn 79:5

Uwumbɔr, saaŋuul ga li bi ti pu n‑yoonn mɔmɔk la aa? Saaŋuul ga li beenin gaal ke mmii na la aa?

Nnyam 32:19

N‑yoonn mu Moses fuu ni linampal ki kan unaajabo aawaal, aan binib ngbaan bi waa liwaal linimbiin ni na, le liŋuul chuu u. Le u di ŋitakpapapan na di lii lijool ngbaan aataab, le ŋi wii.

Nnyam 32:22

Aaronn nan giin bui u ke, “Uninkpel, taa gee liŋuul m pu; aa nyi binib ngbaan aanimbil aah man ke bi tun ni kaa ŋan na pu na.

Ŋiyataŋak 19:12

Ubɔr aaŋuul naahn uchinn aah ŋuuni pu na la, le u yaa san si kinimbaak kan, ni naahn unaalantaal.

Ŋiyataŋak 20:2

Li san ubɔr u aaŋuul fii na ijawaan, ke saah ga li san uchinn u bi ŋuuni na ijawaan pu na; aa yaa fiin waaŋuul kan, aa pɔ tee ku aabaa.

Daniel 2:12

Ubɔr aah ŋun kina na, le waaŋuul fii sakpen, le u siin ke bi ku waachiln ni aasusurb mɔmɔk Babiloŋ aatiŋ pu.

Daniel 3:13

Ubɔr aah ŋun kina na, le waaŋuul fii ki ti nyaŋ, le u bui ke bi li joo ni bijab bitaa ngbaan unimbiin ni.

Daniel 3:19

Sadrak, ni Mesak, ni Abednego aah len kina na, le Nebukadnesar aaŋuul fii, le unimbil wɔb ŋa gbilngbiln. Kina pu le u cha waajab moo ŋa idɔ kpee mmii sakpiin ngbaan ni aan mu moo ton ki ti saa nfum mulole mu aah ti ton pu na;

Nahum 1:6

Uwumbɔr aaŋuul yaa fii kan, ŋma ga ŋmar? Ŋma ga ŋmar waaŋuusakpeln ni? U cha waaŋuul puu nyan ni ke mmiigaal na la; ŋitakpal wur unimbiin ni ki kpaln titan la.

Efesusi 5:22

Bipiib, ni li keei nichatiib aamɔi, ke naah kii Tidindaan aamɔb pu na;

Efesusi 5:24

Bipiib, ni li keei nichatiib aamɔi tiwan mɔmɔk ponn ni, ke Kristo aanib aah kii waamɔb pu na.

Ikaal 29:20

Le Uwumbɔr aan di cha pinn udaan ngbaan. Waaŋuul ga fii u pu ke mmiigaal na, le tibɔbir ti mɔmɔk bi kigbaŋ kimina ni na ga lir udaan pu, le Uwumbɔr ga kuln u doo.

1 Piita 3:1

Bipiib, ni li keei nichatiib aamɔi. Ni yaa keei baamɔi, aan chatiib yaa bi, kaa kii Uwumbɔr aabɔr kan, nibaakan bi ga gaa u ki kii nimi aabimbinyaan pu. Hali ni yaa kaa len tibaa kan,