Esta 1:10 - Uwumbɔr aagbaŋ

¹⁰ Nwiin lolole daal, le ubɔr nan bi nyu ndaan ki kpa mpopiin, le ki tun ti yin ni waajab bi bi kpaa bi na ponn ni bilole, bi nan ye ubaa aanaagbiib na, Mehumann, ni Bista, ni Habona, ni Bigta ni Abagta, ni Setar, ni Kakas.

Esta 1:10 ပူးပေါင်းရင်းမြစ်များ

Mpiin 43:34

Unaagbiija nan yoor tijikaar Josef aateebul pu, le ki ti tii bi mɔmɔk, le u nan tii Benjaminn ma nfum muŋmu pu. Le bi ni Josef mɔmɔk nan kpaan ki jin ki nyun ti bab.

2 Samuel 13:28

Le u sak waatutum ke, “Li lik Amnonn man, le u yaa ti nyun ndaan gbii, aan m tii nimi nsan kan, ni ku u. Ni taa san ijawaan. Ni ga li ye maabɔr la. Ni chuu nibaa ki taa joo beeni.”

Esta 1:9

Nimina aah bi ŋani na, le Ubɔrpii Fasti mu nan bi kibɔrnaakook ni ki ŋani kina aajim aaboln tii bipiib mu.

Esta 3:15

Ubɔr nan cha bi moon tibɔr ngbaan litiyil Susa ni, le bitaasam mu di ti buen ŋipepel mɔmɔk ni. Le ubɔr ni Hamann nan kal ki nyu ndaan, le litiyil Susa ma ponn ni nan ŋa yɔl yɔl.

Esta 7:9

Le bi ponn ni ubaa, u bi yin u ke Habona na, bui ke, “Hamann ma kpaan kpaa ŋikpan ŋi fɔk sakpen na udo ke u leen Modekai u nan gaa si mpɔɔndaan aamɔfal lii na ŋi pu. Ŋaah fɔk pu na ye ŋitaa imonko itaa ni kipiik ni ŋiŋmu.” Le ubɔr bui ke, “Ti di Hamann leen ŋi pu man.”

Ŋiyataŋak 20:1

Lidanyul sakpen ŋani unii ujɔr ni kifuukdaan la. Lidanyul ye igbaan la.

Ŋiyataŋak 31:4

Lemuel, li pel. Naa ŋan ke bibɔrkpaam li nyu ndaan, bee bi li neen ndaan sakpen.

Ulandaan 10:19

Njim tii si mpopiin le ndaan cha aa kpa nsuupiin, aa mu aan ŋmaa kan nimina kaa nya ŋimombil.

Bibɔjirb 19:6

Kina pu na, bijab bilee ngbaan nan kpaan kal ki jin tijikaar ki nyun tiwanyukaan mu. Upiibo ngbaan aate nan ki bui u ke, “Ŋaanii ki doon do aan ki kan nibaa man.”

Ruf Aagbaŋ 3:7

Boas aah nan jin ki nyun doo na, le usui piir. Le u buen lidikpukl libaa pu ki ti doon ke u geen. Ruf nan loon suuna, ki ti fiir waakekeln le ki doon gbaŋ u, utaa chee.