Esra 9:8 - Uwumbɔr aagbaŋ

⁸ Tidindaan Uwumbɔr, le aa san timi kinimbaak, ki cha ti ponn ni siib nyan tinaagbiir ngbaan ponn ni, ki ti koo nsuudoon ni, kitiŋ ki bi chain na ponn ni. Aa nyan timi tinaagbiir ngbaan ni, le ki tii timi limɔfapɔln.

Esra 9:8 ပူးပေါင်းရင်းမြစ်များ

2 Bibɔrb 19:4

Asiria aatiŋ aabɔrkpaan tun ni waaninkpiib aaninkpel ke u nan seei Uwumbɔr u bi kaa kpa ndoon na. Cha Aadindaan Uwumbɔr ŋun ŋisiibil ŋimina ki daa binib bi seei ŋi na aatafal. Kina pu na, mee Uwumbɔr tii timi aanib bi ŋmar na.”

Esra 9:9

Ti nan ye binaagbiib la, le aa nyan timi tinaagbiir ngbaan ni. Aa cha Pesia aatiŋ aabɔrb san timi kinimbaak, ki tii timi nsan ke ti li bi limɔfal ni, ki ki gir maa Saadichal li nan ber na, ki cha ti kan nsuudoon, Jerusalem ni Juda aatim muken ni.

Nehemia 1:11

Li pel maameel, ni saanaagbiib bimɔk ban ke bi nyuŋ si na mu aameen. Tii mi maah ban pu na din wee ki cha ubɔrkpaan ngbaan san mi kinimbaak.” N‑yoonn ngbaan, min le nan ye ubɔrkpaan ngbaan aadaan aaninkpel.

Nehemia 9:31

Le saanimbaasaln aah ti nyaŋ sakpen pu na, saa nan yii bi, kaa ku doo bi. Aa sil ye unimbaasaln Aawumbɔr u kpa lineen sakpen na la.

Job Aagbaŋ 33:30

u gaal unii aamɔfal lir, le ki tii u limɔfal aamɔɔn.

Ilahn 13:3

Ndindaan Uwumbɔr, lik mi, ki gar mi. Giin maapɔɔn tii mi, taa cha m kpo.

Ilahn 13:4

Taa cha maadim bui ke, “Ti nyaŋ u a.” Taa cha maalirm piir bisui.

Ilahn 138:7

Buyoonn tibɔr ti mann goln mi ni kookoo na, le aa gaal mi lir. Aa kiir maadim bi aaŋuul fii na ki joo saapɔɔn gaal mi lir.

Ilahn 34:5

Baah muk binib bi na di bibaa tii u, le bisui piir; baan ji inimɔɔn kpala.

Ilahn 85:6

Ki tii timi mpɔɔn, aan timi saanib ga pak si.

Ŋiyataŋak 29:13

Ugiin ni unii u muk u na mɔmɔk kpaan tiwan nibaa nee la, Uwumbɔr le tii bi mɔmɔk ŋinimbil.

Ulandaan 12:11

Bilandam aamɔbon naahn bipihkpaab aah joo ŋidabil ŋi aamɔi ka aan bi joo kiir baapiih na la. Le ŋiyataŋak ŋi bi ŋmee ŋi bil na yunn, ke kipinbik ki bi kpaa ki mbamɔm na. Uwumbɔr u kpaa ti mɔmɔk na le di ŋi tii ni.

Aisaya 1:9

Uwumbɔr Mpɔɔnsakpiindaan yaa kaa ba gur binib siib kan, Jerusalem ba ga kuln ke Sodom aatiŋ ni Gomora aatiŋ aah nan kuln pu na la.

Aisaya 14:3

Uwumbɔr ga nyan Israel yaab baaween, ni baamuk ni, ni ŋitupɔɔl ŋi bi nan muk bi bi tun ŋi na.

Aisaya 56:5

saayimbil ga yunn Maadichal ni, ni maanib ni, ki jer saah ba ga li kpa mbijabim ni mpiibim pu na. Baan suln aabɔr kpala.”

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Aisaya 6:13

Hali unii ubaa baanja le yaa gur binib kipiik ponn ni kitiŋ ngbaan pu kan, u mu ga kpo; unibaan ngbaan ga gur li bi ke baah gaa gii likpaln ki cha lisikpiil pu na la.” Lisikpiil ngbaan mɔk Uwumbɔr aanib bi ga nan ki naahn linibol pɔln na la.

Jeremia 42:2

le ki nan bui mi, “Ŋaanii ki ŋa taah bui si pu na. Mee Tidindaan Uwumbɔr tii timi. Mee limeel tii timi bi mɔmɔk ŋmar na. N‑yoonn mubaa ti nan ye binib bi wiir na la, tɔ, dandana ma kan, sin aabaa waa ke timi siib kina le gur.

Jeremia 44:14

Juda aanib bi gur ki dan nan koo Ijipt ponn ni na ubaa aan san ŋmar ki kan limɔfal. Bi ponn ni ubaa aan ki gir ni Juda, nin chee bi ga ki li gee ke bi nan ki li koo na. Ubaa aan ki gir ni, see bikusam siib kina le ga gir ni.”

Esekiel 14:22

Unii ubaa yaa ŋmar ki gaa waabim lii kan, bi yaa dan aa chee kan, lik bi mbamɔm. Lik baah ye titunwanbirdam pu na aan ki bee ke ntafadaan mu m joo Jerusalem aatiŋ pu na ye chob la;

Hosea 6:2

U ga ki gaa timi iwiin ilee aakaasisik ni, le ti ga li bi unimbiin ni.

Habakuk 3:2

Uwumbɔr, m ŋun saah tun lituln li na pu, le ijawaan chuu mi sakpen. Tɔ, ŋa timi aayoonn mumina ŋitukpaan ŋi aa nan ŋani na. Hali saaŋuul ponn ni kan, san timi kinimbaak.

Sefania 3:12

M ga cha binib bi aabimbin ŋan aan bi sunn bibaa taab ki ga dan m chee ki nan ban nterm na le li bi nima.

Sekaria 10:4

Bi ponn ni le bijojoob, ni bisalolm, ni bijab aaninkpiib ga nyan ni, ki nan li joo maanib.

Sekaria 8:12

Bi ga bu baajikaar nsuudoon ni la. Baasubil aasui ga lu ŋisubil, le kitiŋ ga ŋa tijikaar, le utaal ga nu. Maatimbol aanib bi ga ŋmar na le m ga tii bi tinyoor timina mɔmɔk.

Sekaria 8:6

“Nimina ga li pɔɔ litimbol ngbaan aanib bi gur nima chee na chee, le mma chee kan, naa pɔɔ.

Rom Yaab 9:27

Tɔ, Uwumbɔr aabɔnabr Aisaya nan len Israel yaab aabɔr; u nan len ke Israel yaab wiir ke nnyusakpem aatambol aah wiir pu na, le bi ponn ni, binib siib baanja ga ŋmar;

Tibɔkpiirkaan 3:12

Unii umɔk nyaŋ na, m ga ŋa u jatɔlk Maawumbɔr Aadichal ni, le u ga li bi nima n‑yoonn mu kaa kpa ndoon na. M ga ŋmee Maawumbɔr aayimbil, ni waatiŋ ki ye Jerusalem pɔɔn ki ga nyan ni u chee paacham na aayimbil u pu. M ga ki ŋmee maayimbipɔln mu u pu.

1 Samuel 14:27

Jonatann ma aa nan ŋun ute aapuur ngbaan pu, le ki di waajaangbeek saa chɔb ŋisiigban ŋibaa ki di moor. Libuul ngbaan ni le uwon pɔɔk.

1 Samuel 14:29

Jonatann nan bui ke, “Ba aatusakpeln nte ŋa timi aanib na. Lik nwon aah pɔɔk tisiir ti m jin na pu pu na.