Esra 9:5 - Uwumbɔr aagbaŋ

⁵ Kijook aatork aayoonn aah nan fuu ni na, le m fii maah ka nin chee ki wii na, ki beenin pee maawankpir na, le ki gbaan, ki yoor ŋŋaal paacham, ki mee Ndindaan Uwumbɔr.

Esra 9:5 ပူးပေါင်းရင်းမြစ်များ

1 Bibɔrb 8:22

Binib ngbaan aanimbiin ni nima, le Solomonn nan buen ti sil kitork aabimbiln chee, ki yoor uŋaal paacham,

1 Bibɔrb 8:38

li pel baameel. Saanib Israel yaab ubaa aasui yaa bii, le u taln uŋaal limeel ponn ni, ki di toŋ ni Saadichal limina kan,

1 Bibɔrb 8:54

Solomonn aah mee Uwumbɔr ti doo na, le u fii sil kitork aabimbiln taab, waah ba gbaa nin chee ki joo uŋaal paacham na.

2 Bibɔrb Aabɔr 6:13

Solomonn nan di tikumann le maa libimbiln siin lichiln aakaasisik ni. Laafɔfɔk ni nwawaan nan ye ŋitaa ŋiniin la, le laah fɔk paacham pu na nan ye ŋitaa ŋiŋmu. U nan jon toŋ libimbiln ngbaan paab, le ki gbaan le binib mɔmɔk waa u, le ki yoor uŋaal di mɔk paacham.

Nehemia 1:4

Maah ŋun tibɔr ngbaan mɔmɔk na le m kal ki wii pam. Iwiin pam nan jer le m bi wii ikpowiil, kaa ji nibaa. M nan mee Uwumbɔr ke,

Ilahn 141:2

Gaa maameel ke tulalee aayon aatork na, ki gaa maaŋaal i m yoor paacham na ke kijook aatork na.

Ilahn 143:6

M yoor ŋŋaal paacham ki mee si; m neen si ke kitikuun aah neen nnyun pu na la.

Ilahn 95:6

Dan man, aan ti nan gbaan ki doon u; Cha ti gbaan man Uwumbɔr u naan timi na aanimbiin ni.

Nnyam 9:29

Moses nan bui u ke, “M yaa nyan kitiŋ kee ni kan, libuul ngbaan ni, le m ga yoor ŋŋaal paacham ki mee Uwumbɔr, le utaal aan ki teen, ŋitaatakpal mu aan ki lir, nima kan, aa ga bee ke Uwumbɔr le yeh dulnyaa wee mɔmɔk.

Nnyam 9:33

Moses nan siir ubɔr ngbaan chee, le ki nyan kitiŋ ngbaan ni, ki yoor uŋaal paacham, ki mee Uwumbɔr. Le utaal aa nan ki tar, kaa ki nu, le ŋitaatakpal mu aa ki lir.

Aisaya 1:15

“Ni yaa yoor niŋaal paacham ki mee min kan, maan lik nimi. Ni yaa po mee min pu na kan, maan ŋun nimi aameel ngbaan, ba pu? niŋaal mɔmɔk ye nsin ŋmeen la.

Daniel 10:2

N‑yoonn ngbaan le m nan bi mpombiin ni ki ti saa ŋikpaakoo ŋitaa.

Tibɔnyaan ti Luk ŋmee ti na 22:41

Le u siir cha bi, ki foor siib, le ki gbaan kitiŋ ki mee Uwumbɔr ke,

Lituln 21:5

Iwiin ilole ngbaan aah jer na, le ni ŋeer ti gir koo buŋɔb na ni. Taah gir cha ti ti koo buŋɔb ni na, le bi mɔmɔk, ni bipuutiib, ni baabim cheen timi, ki nyan ni kitiŋ ngbaan ni. Le ti mɔmɔk gbaan nnyusakpem na aagbaan, ki mee Uwumbɔr,

Efesusi 3:14

Nima pu le m gbaan Tite Uwumbɔr aanimbiin ni.