Esra 9:3 - Uwumbɔr aagbaŋ

³ Maah ŋun kina na, le m daa kar maawanpeenkaan, ni n‑yikpir, ni nlangban, mpombiin pu.

Esra 9:3 ပူးပေါင်းရင်းမြစ်များ

2 Samuel 1:11

Mpombiin pu le David daa kar waawanpeenkaan, le waajab mu ŋa kina.

2 Bibɔrb 18:37

Le Eliakim, ni Sebna, ni Joa daa kar kar baawanpeenkaan mpombiin pu, ki buen baabɔr Hesekia chee ki ti bui u Asiria aajab aaninkpel ngbaan aah len pu na.

Nehemia 1:4

Maah ŋun tibɔr ngbaan mɔmɔk na le m kal ki wii pam. Iwiin pam nan jer le m bi wii ikpowiil, kaa ji nibaa. M nan mee Uwumbɔr ke,

Nehemia 13:25

M nan galn bijab ngbaan, ki puun lii bi pu, ki gbaa bi, ki dar gui biyikpir; le ki cha bi puu Uwumbɔr aayimbil pu ke bi ni baabim ni biwɔwɔm aan ki mɔn tɔb.

Job Aagbaŋ 1:20

Le Job fii sil, ki daa kar waawanpeenkaan nsuugar pu. U nan kuu uyil, le ki lir lichichikr,

Ilahn 119:53

M yaa kan bibiindam bi bii saakaal kan, maaŋuul fiir la.

Ilahn 143:4

Kina pu na, m gor ke m di cha la, ntaakpab yɔl kookoo a.

Ilahn 66:3

Bui Uwumbɔr ke, “Saah ŋa tiwan ni na nyaŋ a. Saapɔɔn nyaŋ, le saadim san ijawaan ki gbaani aanimbiin ni.

Aisaya 15:2

Dibonn yaab jon ligongoln paab ki ti wii kiwaachuk ni. Moab yaab wii Nebo ni Medeba aatim aanib pu; bi kuu biyikpir ni bilangban mpombiin pu.

Jeremia 36:24

Ubɔr ni waaninkpiib bi nan ŋun kigbaŋ ngbaan aabɔr na ubaa aa nan kpa mpombiin, kaa san ijawaan aawan nibaa.

Jeremia 7:29

“Jerusalem aanib, li wii ikpowiil man; kuu niyikpir ki di mee man. Gaa nkpolahn ŋigongon paab man, ba pu? min Uwumbɔr aaŋuul fii, le m yii maanib.

Esekiel 3:15

M nan ti fuu Tel Abib aatiŋ ki bi Kebar Aamɔɔl chee aan binaagbiib na koo nima chee na, ki koo nima ti saa iwiin ilole, le maah ŋun ki kan pu na nyaŋ mi kookoo.

Esekiel 7:18

Bi ga peen tiwan ni saak kuub na, le biwon gbaa tɔtɔk. Biyil ga li ye ŋiyikun la, le bi mɔmɔk ga ji inimɔɔn.

Daniel 4:19

Daniel, u bi ki yin u ke Beltesasar na, aah ŋun kina na, ijawaan nan chuu u sakpen, le waa ki ŋmaa len tibaa. Le ubɔr bui u ke, “Beltesasar, taa cha ijawaan chuu si, tidaŋ ngbaan pu.” Le Beltesasar gar u ke, “Mpɔɔndaan, m ba ga li gee sakpen ke tidaŋ timina ni taatataa li ye saadim yaan ki taa li ye sin yaan.

Daniel 8:27

Tidaŋ ngbaan pu, le min Daniel aataakpab nan yɔl, le m nan buŋ ni ti yunn pam. Le m nan pɔɔk ki ki piin ki tun lituln li ubɔr nan di ŋa ŋŋaal ni na. Tidaŋ ngbaan nan gar mi pam, le maa bee taatataa.

Liifai Yaab 21:5

“Utotoor ubaa taa kuu uyikpir, bee u chee ulangbaln, bee u gii uwon nibaa chee ke u wii ikpowiil.

Maika 1:16

Juda aanib, kuu nimi aayikpir man ki li wii naah gee nimi aabim bi na pu. Kuu ŋiyikun ke nangba tiib na man, ba pu? bi ga di nimi aabim buen kitiyayaŋ ni ki cha nimi.

Josua 7:6

Josua ni Israel yaab aaninkpiib aasui nan bii, le bi dar kar baawanpeenkaan, le ki doon kitiŋ Uwumbɔr Aakaal Aadakaa aanimbiin ni, ki ti saa kijook wɔb, le ki faa titan puŋ biyil, ki mɔk ke bisui bii a.