Esra 9:2 - Uwumbɔr aagbaŋ

² Bi yoor biwɔwɔmpiib la, le bima Uwumbɔr aanib bi bi chain na kpaln tijɔŋ aanib. Biyidam ni bininkpiib na le nan ye biyikpaadam.

Esra 9:2 ပူးပေါင်းရင်းမြစ်များ

Mpiin 6:2

le ŋiniwɔk nan yoor baah gee bi na, ki di ŋa bipuutiib.

1 Bibɔrb 11:1

Solomonn nan gee biwɔwɔmpiib pam. U nan yoor Hef yaab aapiib, ni Moab, ni Amonn, ni Edom, ni Saidonn aapiib ki kpee Ijipt aabɔr aabisal na pu.

Esra 10:2

Le Elam aataŋaal ni aanii u bi yin u ke Jehiel na aajapɔɔn Sekania, bui Esra ke, “Ti nyan Uwumbɔr aapuwɔb, ki yoor biwɔwɔm aapiib, tɔ, nimina mɔmɔk mu na, Israel yaab beenin kpa limakl.

Esra 9:12

Bi nan bui timi ke ti yaa ban ke ti li kpa mpopiin kitiŋ ngbaan pu, aan ki nan kpaln tiyaabitiib aatiŋ kan, ti taa yoor baapiibim, ki taa ter bi aan bi kan tinyoor baatun ni.

Esra 9:14

Kina kan, ti ga ŋa kinye ki suln saakaal bɔr, ki ki gir yoor bibiindam ngbaan aapiibim? Ti yaa ŋa kina kan, saaŋuul ga fii ti pu sakpen, le aa ga kuln ti mɔmɔk aan ubaa taa ŋmar.

Nehemia 13:17

M nan galn Juu yaab aayidam le ki bui bi ke, “Lik man naah bi tun titunwanbir ti na. Ni bi koor Likpaakool daal aakoobil la.

Nehemia 13:28

Joyada aate le nan ye utotoorninkpel Eliasib, le Joyada aajapɔɔn ubaa nan tee yoor Sanbalat, u nyan Bef Horonn aatiŋ ponn ni na aabisal. Nima pu le m jenn nyan Joyada Jerusalem ponn ni.

Nnyam 19:6

ki tii min baanja, le ki ga li ye bitotoorb ki tun maatuln.”

Nnyam 22:31

“Naah ye maanib pu na, ni taa ji kiwakork ki aanann upeel chuu ki ŋman gur na; ni di tinann ngbaan aaboln tii ibɔ.

Nnyam 34:16

Nibaakan, nijapɔtiib mu ga yoor bibisatiib, le bibisatiib ngbaan ga fenn nijapɔtiib aasui, le bi ga yii mi ki dii binib ngbaan aawaa.

Aisaya 6:13

Hali unii ubaa baanja le yaa gur binib kipiik ponn ni kitiŋ ngbaan pu kan, u mu ga kpo; unibaan ngbaan ga gur li bi ke baah gaa gii likpaln ki cha lisikpiil pu na la.” Lisikpiil ngbaan mɔk Uwumbɔr aanib bi ga nan ki naahn linibol pɔln na la.

Liifai Yaab 21:15

Ni yaa kaa ye kina kan, waabim bi ba ga li ye chain aabim na aan li bi chain. Min le ye Uwumbɔr ki nyan u ke u li ye Utotoorninkpel.”

Malakai 2:11

Juda aanib bii tipuur ti bi nan puu tii Uwumbɔr na, ki tun titunwanbir kpaan Jerusalem aatiŋ ni, ni kitiŋ ngbaan mɔmɔk pu. Bi bii Uwumbɔr Aadichal li u gee na. Bijab yoor bipiib bi dooni ŋiwaa na.

Malakai 2:15

Uwumbɔr nan di aa ni aapuu aawon ni kifuurk kpaan ŋa kibaa la. Ba nan cha u ŋa kina? Ni nan ye le ke ni kan mbim mu ye Uwumbɔr aanib na. Kina pu na, li nyi man, ubaa taa bii u ni upuu aah puu tipuur ti tii tɔb na.

1 Korenti 7:14

Uja u kaa ye Yesu aanii na, Uwumbɔr ga ŋa u ke waanib ponn ni ubaa na, upuu u ye Yesu aanii na pu la. Upii u mu kaa ye Yesu aanii na, Uwumbɔr ga ŋa u ke waanib ponn ni ubaa na, uchal u ye Yesu aanii na pu la. Ni yaa kaa ba ye kina kan, baabim ba ga li bi ke binib bi kaa dii Uwumbɔr aasan na aabim la. Tɔ, naah ye kina na, Uwumbɔr gaal bi ke bi ye waabim.

2 Korenti 6:14

Ni taa kpaan binib bi kaa gaa Yesu ki kii na chee man. Binib bi ŋan na, ni binib bi kaa ŋan na ga ŋmaa kpaan tɔb chee ee? Nwiihn ni mbɔmbɔɔn ga li ŋmaa kpaan bi ii?

Ikaal 14:2

Nidindaan Uwumbɔr le yeh nimi, uma le nyan nimi binib bimɔk bi dulnyaa wee ponn ni na, ke ni li ye waanib.

Ikaal 7:6

Naah ye Nidindaan Uwumbɔr aanib pu na, ni ŋa kina. Nimi le u nyan dulnyaa aanib mɔmɔk ni, ke ni li ye uma ubaa aanib.

Josua 22:15

Le bi ti fuu Gilead aatiŋ ni, Rubenn ni Gad aanibol, ni Manase aanibol ligeln bi bi liwipuul wɔb na chee.

Josua 23:12

Ni yaa kaa si chob aan ki di nibaa kpaan ŋinibol ŋi gur na chee ki yoor bibisatiib kan,