Esra 9:12 - Uwumbɔr aagbaŋ

¹² Bi nan bui timi ke ti yaa ban ke ti li kpa mpopiin kitiŋ ngbaan pu, aan ki nan kpaln tiyaabitiib aatiŋ kan, ti taa yoor baapiibim, ki taa ter bi aan bi kan tinyoor baatun ni.

Esra 9:12 ပူးပေါင်းရင်းမြစ်များ

1 Bibɔrb Aabɔr 28:8

“Maanib, kina pu na, timi Aawumbɔr aanimbiin ni, ni waanib Israel yaab mɔmɔk aakuun mue ni, m bui nimi ke ni li joo Tidindaan Uwumbɔr aah siin timi pu na mbamɔm, aan kitinyaan kimina li beenin ye nimi yaan, aan ni mu nan di ki tii niyaabitiib ki ti saa n‑yoonn mu kaa kpa ndoon na.”

2 Bibɔrb Aabɔr 19:2

Hanani aajapɔɔn Jehu, u nan ye Uwumbɔr aabɔnabr na, nan buen ti tooh u nsan ni, ki baa u nsurm ni ke, “Aa dak ke ni ŋan ke aa ter bibiindam, ki kpee binib bi nan Uwumbɔr na pu uu? Saah tun pu na cha Uwumbɔr aaŋuul fii aa pu.

Esra 9:2

Bi yoor biwɔwɔmpiib la, le bima Uwumbɔr aanib bi bi chain na kpaln tijɔŋ aanib. Biyidam ni bininkpiib na le nan ye biyikpaadam.

Nnyam 23:32

Ni taa kpaan bi chee ki ŋa kimɔbaan, ki taa kpaan bi chee ki dii baawaa mu.

Ŋiyataŋak 13:22

Uninyaan ga li kpa liwangol li uyaabitiib ga nan kan na, le binib bi aabimbin ŋan na ga nan gaa titunwanbirdam aawangol.

Ŋiyataŋak 20:7

Mbim yaa kpa te u aabimbin ŋan aan u ŋani tiwan ni ŋan na kan, bi kpa liyinyaan.

Aisaya 1:19

Ni yaa kii maamɔb kan, ni ga kan tijikaar pam nimi aatiŋ pu.

Ikaal 23:6

Naah ye litimbol ki kpa limɔfal na, ni taa ter ŋitimbol ngbaan ke ŋi kan tinyoor.

Ikaal 23:7

“Ni taa lik seen Edom yaab, ba pu? bi ye nido yaab la. Ni taa lik seen Ijipt yaab mu, ba pu? ni nan koo baatiŋ ni.

Ikaal 7:3

Ni taa yoor bibisatiib, ki taa cha nijapɔtiib mu yoor bi ponn ni aapiibim.