Esra 9:11 - Uwumbɔr aagbaŋ

¹¹ ikaal i aa nan di tii saabɔnabr bi ye saatutum na, ke bi di tii timi na. Aa nan bui timi ke kitiŋ ki ti ban ti koo ki ponn ni na aa ŋan, ba pu? binib bi bi ki pu na di inimɔɔn ni tijɔŋ aatuln le gbiin kaapepel mɔmɔk.

Esra 9:11 ပူးပေါင်းရင်းမြစ်များ

2 Bibɔrb 21:16

Manase nan ku binib bi kaa tun taani ubaa na sakpen, le Jerusalem aatiŋ ponn ni nan ti gur ye nsin ŋmeen; u nan ŋa kina le ki di kpee waah nan di ŋiwaa mɔk Juda aanib ki cha bi tun Uwumbɔr titunwanbir pu na pu.

2 Bibɔrb Aabɔr 33:2

Uwumbɔr aanib aah nan tur koo ŋitimbol ŋi ponn ni aan u jenn nyan ŋaanib na, ŋitimbol ngbaan aabimbin yɔl yɔl na le Manase nan gaa, le ki tun Uwumbɔr titunwanbir.

Esra 6:21

Israel yaab bi mɔmɔk nan nyan ni tinaagbiir ni ki gir ni na, ni binib bi nan yii binib biken bi nan koo kitiŋ ngbaan pu na aawaa aasan, ki dan ke bi nan li dooni Israel yaab Aadindaan Uwumbɔr na mɔmɔk nan ŋman tiwakor ngbaan.

Esra 9:1

Nimina mɔmɔk aah ŋa doo na, le Israel yaab aayidam bibaa dan nan bui mi ke binib ngbaan, ni bitotoorb, ni Liifai yaab aa yakr binib bi koo gbɔk bi ki ye Amonn yaab, ni Moab yaab, ni Ijipt yaab, ni Kanaann yaab, ni Hef yaab, ni Peres yaab, ni Jebus yaab, ni Amor yaab na chee. Bi tun inimɔɔn, ni tijɔŋ aatun ŋi binib ngbaan tun na la.

Esra 9:10

“Uwumbɔr, ti ga ki len ke ba, tiwan ni mɔmɔk ŋa na pu? Ti ti ki gir yii ikaal ngbaan,

Jeremia 26:5

ki li ŋun ŋimɔbon ŋi maatutum, bi ye bibɔnabr aan m tuni bi ni chee n‑yoonn mɔmɔk na. Naa kee kii tii baah len pu na daalbaadaal.

2 Korenti 7:1

Maanigeekaab, Uwumbɔr aah puu tipuur tee ki tii timi na, cha ti di cha lituln li kaa ŋan na mɔmɔk, ni ilandak i kaa ŋan na mɔmɔk, ki li san u, ki li ye binib bi bi chain ki doo na.

Ikaal 12:31

Ni taa li dooni Nidindaan Uwumbɔr ke baah dooni baawaa pu na, ba pu? bi dooni baawaa ki ŋani tiwan ni kaa ŋan na aabɔŋ, le Uwumbɔr nan kina aabimbin. Hali bi joo baabim le kɔr toor kitork ki seer mmii ni, ŋibimbin paab tii ŋiwaa.

Ikaal 18:12

Nidindaan Uwumbɔr aa gee binib bi tun kina aatuln na aabɔr, nima pu le u bi nyani bi kitiŋ ki ni ban ni koo ki ponn ni na.