Esra 9:1 - Uwumbɔr aagbaŋ

¹ Nimina mɔmɔk aah ŋa doo na, le Israel yaab aayidam bibaa dan nan bui mi ke binib ngbaan, ni bitotoorb, ni Liifai yaab aa yakr binib bi koo gbɔk bi ki ye Amonn yaab, ni Moab yaab, ni Ijipt yaab, ni Kanaann yaab, ni Hef yaab, ni Peres yaab, ni Jebus yaab, ni Amor yaab na chee. Bi tun inimɔɔn, ni tijɔŋ aatun ŋi binib ngbaan tun na la.

Esra 9:1 ပူးပေါင်းရင်းမြစ်များ

Mpiin 15:16

Yaabitiib ŋiker ŋinaa pu le ga jer, nee aapuwɔb le saamaal ga ki gir ni kitiŋ kee pu; ba pu? maan jenn nyan Amor yaab kitiŋ kee pu, see baatunwanbir ti nyaŋ, le m nin daa bitafal.”

1 Bibɔrb 11:1

Solomonn nan gee biwɔwɔmpiib pam. U nan yoor Hef yaab aapiib, ni Moab, ni Amonn, ni Edom, ni Saidonn aapiib ki kpee Ijipt aabɔr aabisal na pu.

2 Bibɔrb Aabɔr 33:2

Uwumbɔr aanib aah nan tur koo ŋitimbol ŋi ponn ni aan u jenn nyan ŋaanib na, ŋitimbol ngbaan aabimbin yɔl yɔl na le Manase nan gaa, le ki tun Uwumbɔr titunwanbir.

2 Bibɔrb Aabɔr 8:7

Solomonn nan cha Kanaann yaab aayaabitiib bi Israel yaab aa nan ku bi buyoonn bi nan gaa baatiŋ na tun ntamaam mumina aatuln ke binaagbiib na. Bima le nan ye Hef yaab, ni Amor yaab, ni Peres yaab, ni Hif yaab, ni Jebus yaab. Biyaabitiib beenin ye binaagbiib le ki nan saa din.

Esra 10:2

Le Elam aataŋaal ni aanii u bi yin u ke Jehiel na aajapɔɔn Sekania, bui Esra ke, “Ti nyan Uwumbɔr aapuwɔb, ki yoor biwɔwɔm aapiib, tɔ, nimina mɔmɔk mu na, Israel yaab beenin kpa limakl.

Esra 10:8

Bi nan bui ke joo cha ni iwiin itaa daal na, unii umɔk yii kaa dan na, bi ga gaa waawangol mɔmɔk, le waan ki li kpa nsan ke u ye binib ngbaan ponn ni ubaa.

Nehemia 13:23

N‑yoonn ngbaan le m nan ki kan ke Juu yaab aajab pam nan yoor Asdod, ni Amonn, ni Moab aapiib.

Nehemia 4:3

Tobia nan si gbɔk u, le ki mu len ke, “Ba aagoln aan bi ga ŋmaa maa? Hali uŋɔk ga ŋmaa tur li lii kitiŋ.”

Nehemia 4:7

Sanbalat, ni Tobia, ni binib bi nyan ni Arabia, ni Amonn, ni Asdod aatim ni na aah ŋun ke ligoln ngbaan aamaam moo cha mɔb aan nimɔk nan war lir na bi ŋeeb na, le baaŋuul fii sakpen.

Ilahn 106:35

bi tee labr, le bi ni bima yoor tɔb aabim, le ki gaa binib ngbaan aabimbin,

Nnyam 13:5

Uwumbɔr nan puu tipuur tii niyaajatiib ke u ga di kitiŋ ki ye Kanaann yaab, ni Hef yaab, ni Amor yaab, ni Hif yaab, ni Jebus yaab aatiŋ na ki di tii nimi la. U yaa nyan nimi ki joo nimi ti fuu kitiŋ ngbaan ki kpa tiwakor aamoŋmɔpaan ni ŋisubil sakpen na ni na kan, ni pɔɔ nibaa ki li toor Lakr‑jer aajim ngbaan, njan aaŋmal libiln mɔk ni.

Nnyam 23:23

Maatuun le ga loln ni pu nsan ki di nimi buen kitiŋ ki ye Amor yaab, ni Hef yaab, ni Peris yaab, ni Kanaann yaab, ni Hif yaab, ni Jebus yaab aatiŋ na, le m ga kuln bi mɔmɔk.

Nnyam 33:16

Aa yaa kaa dii timi buen kan, ni ga ŋa kinye aan unii bee ke aasui piin m ni saanib pu? Saah bi ti chee pu na le ga cha ti ni biken aabimbin taa li kpaa dulnyaa wee ni.”

Aisaya 52:11

Nimi bimɔk joo Uwumbɔr Aadichal ni aawan na, nya Babiloŋ ni man. Taa cha tijɔŋ aawan nibaa meeh nimi; li bi chain ki nya man.

Jeremia 26:10

Juda aatiŋ aayidam aah ŋun tiwan ni ŋa na pu, le bi san nyan ni nnaan aadichal ni, ki dan Uwumbɔr Aadichal chee, le ki ti kal baakakaa chee, mbisamɔb mu bi yin mu ke Mbisamɔpɔɔn na chee.

Jeremia 26:16

Le biyidam ni binib ngbaan bui bitotoorb ni bibɔnabr ngbaan ke, “Uja wee len ti chee tibɔr Tidindaan Uwumbɔr aayimbil pu la; naa ŋan ke ni ku u.”

Liifai Yaab 18:3

Ni taa dii Ijipt yaab bi ni nan bi bi chee na aah ŋani pu na, bee Kanaann yaab bi aatiŋ pu m joo nimi cha na aah ŋani pu na.

Malakai 2:11

Juda aanib bii tipuur ti bi nan puu tii Uwumbɔr na, ki tun titunwanbir kpaan Jerusalem aatiŋ ni, ni kitiŋ ngbaan mɔmɔk pu. Bi bii Uwumbɔr Aadichal li u gee na. Bijab yoor bipiib bi dooni ŋiwaa na.

Nkahm 23:9

Maah si ŋitakpal fɔfɔŋ ŋee pu na, m waa bi; maah si ŋigongon ŋee pu na, m waa bi. Bi ye linibol li kaa di libaa ŋmal biken ponn ni na la. Bi nyi ke bi kan tinyoor jer ŋinibol ŋiken.

Nkahm 25:6

Buyoonn Moses ni Israel yaab biken nan si wii Uwumbɔr Aabool aabisamɔb chee na, le Israel aanii ubaa yoor ni Moab yaab aapii ubaa, ki di koo waadiik ni, Moses ni biken aanimbil ni.

Ikaal 18:9

“Ni yaa ti fuu kitiŋ ki Nidindaan Uwumbɔr ban u di ki tii nimi na ni kan, ni taa dii ŋitimbol ŋi ka nima na aasanbir i bi dii na.

Ikaal 23:8

Baamaal ni, ki nya yaabisɔsɔk tatar mɔmɔk ga ŋmaa kpaan ni chee ki doon Uwumbɔr.

Ikaal 7:1

“Nidindaan Uwumbɔr le ga di nimi koon kitiŋ ki ni cha ni ti gaa ki na ponn ni. Le ni yaa tur koo ki ponn ni kan, u ga jenn nyan ŋinibol pam. U ga jenn nyan Hef yaab, ni Girgas yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab. Ŋinibol ŋilole ngbaan wiir, ki kpa mpɔɔn jer nimi.

Josua 23:12

Ni yaa kaa si chob aan ki di nibaa kpaan ŋinibol ŋi gur na chee ki yoor bibisatiib kan,