Esra 8:36 - Uwumbɔr aagbaŋ

³⁶ Bi nan ki nyan ubɔrkpaan ngbaan aah nan tii bi kigbaŋ ki na ki di tii Yufrates Aamɔɔl aawilir aapepel aayidaan ni waaninkpiib, le bi nan tii bi nterm, ni Uwumbɔr Aadichal ni aadoon aaterm.

Esra 8:36 ပူးပေါင်းရင်းမြစ်များ

Esra 6:13

Le uyidaan Tatenai, ni Setar Bosenai, ni biŋeen aatɔtiib ŋa ubɔrkpaan ngbaan aah siin pu na.

Nehemia 2:7

Le m ki gaŋ u ke u tii mi tigbann m ti tii biyidam bi bi Yufrates aamɔɔl aawilir wɔb aapepel na ke bi tii mi nsan m ti fuu Juda aatiŋ pu.

Esta 3:12

Kina pu na, njan aaŋmal aawiin kipiik ni itaa daal le Hamann nan yin ubɔr aagbaŋmeeb le ki cha bi ŋmee tibɔr ti u ban na, nnaan ngbaan aaliin mɔmɔk ni, ni iliin ngbaan aaŋmeen ni, ke u tii bitinjoob mɔmɔk, ni biyidam mɔmɔk, ni nnaan aaninkpiib mɔmɔk. U nan ŋmee ti Ubɔrkpaan Sekes aayimbil pu la, ki di waabɔmbik nyii tibɔr ngbaan pu.

Esta 9:3

Ibamɔn, nnaan ngbaan aapepel mɔmɔk aaninkpiib, ni biyidam, ni nnaan aanib, ni ŋaaninkpiib mɔmɔk nan kpee Juu yaab pu la; ba pu? bi mɔmɔk nan san Modekai ijawaan la.

Ŋiyataŋak 16:7

Uwumbɔr aasui yaa piin aa pu kan, saadim ga kpaln aajɔtiib la.

Lituln 18:27

Tɔ, Apolos nan ban ke u buen Akaya aatim ni. Le Yesu aanib bi bi Efesus aatiŋ ni na ter u, ke u buen, le ki ŋmee kigbaŋ tii u ke u ti tii Yesu aanib bi bi Akaya aatim ni na, ke bi chann u tichann. Waah ti fuu nima na, le Juu yaab bi bi nima na nan kpak u kinikpakpak. Le u len tibɔr nyaŋ bi, ki mɔk bi binib aanimbil ni ke Uwumbɔr Aagbaŋ len ke Yesu sil ye Kristo u gaa binib lii na. Apolos aah ŋa kina na, u nan ter binib bi kan Uwumbɔr aanimbaasaln ki gaa Yesu ki kii na.

Tibɔkpiirkaan 12:16

Le kitiŋ ter upii ngbaan, ki waar kimɔb ki di nnyun mu nyan kipeewanbiik ngbaan aamɔb ni na nab, le mu aa ki pii upii ngbaan.