Esra 8:22 - Uwumbɔr aagbaŋ

²² M yaa ba nan ti bui ubɔrkpaan ngbaan ke u tii timi bijab bi ga li kii timi bidim chee timi aasachuln ngbaan ni na kan, m ba ga nan jinn mbaa inimɔɔn, ba pu? m nan puen bui u ke timi Aawumbɔr ŋani waanyoor ŋani unii umɔk tii u naadii na pu, le ki nan ki kpaan dar unii umɔk yii waamɔb ki fenn upuwɔb tii u na aatafal.

Esra 8:22 ပူးပေါင်းရင်းမြစ်များ

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

2 Bibɔrb Aabɔr 15:2

le u buen ki ti tooh Ubɔr Asa nsan pu. U nan teen ki len ke, “Ubɔr Asa, ni Juda, ni Benjaminn aanib bee mɔmɔk, n‑yoonn mumɔk ni bi Uwumbɔr chee na, u mu bi ni chee. Ni yaa ban u kan, u ga cha ni kan u, le ni yaa fenn nipuwɔb tii u kan, u ga di nimi lii.

2 Bibɔrb Aabɔr 16:9

Uwumbɔr aanimbil waa dulnyaa wee mɔmɔk, le ki tii binib bi aasui bi u ni na mpɔɔn. Aa tun kijɔrk aatuln la, kina pu na, ki nyan n‑yoonn mue ki joo cha, aa ni butɔb le ga li bi.”

Esra 7:28

Uwumbɔr aageehn pu le ubɔrkpaan ngbaan, ni waasusurb, ni waaninkpiib bi kpa mpɔɔn sakpen na lik faar mi. Ndindaan Uwumbɔr pɔɔk ntaakpab, le m ŋman ki cha Israel yaab aataŋaal pam aayidam nyan Babiloŋ ki dii mi gir Jerusalem ni.”

Esra 7:6

Esra nan ye ugbanbae la, le ki nyi Israel yaab Aadindaan Uwumbɔr aakaal i u nan di tii Moses na mbamɔm. Esra Aadindaan Uwumbɔr aah nan bi u chee pu na, ubɔrkpaan ngbaan nan tii u tiwan ni mɔmɔk u ban na la. Ataksekes aanaan yoonn aabilolole ni, le Esra, ni Israel yaab bibaa, ni bitotoorb, ni Liifai yaab, ni Uwumbɔr Aadichal ni aawangbaab ni bilahngaab, ni bikikiib, ni bitutum, nan nyan Babiloŋ ki cha Jerusalem.

Esra 8:31

Ti nan nyan Ahafa Aanyunsan ngbaan chee njan aaŋmal aawiin kipiik ni ilee daal, le ki cha Jerusalem. Timi Aawumbɔr nan bi ti chee, le ki kii timi bidim, ni binib bi ga keln timi nsan ni na chee.

Nehemia 2:9

Ubɔrkpaan ngbaan nan cha waajab aaninkpiib ni bitandam bibaa cheen mi, le m buen Yufrates aamɔɔl aawilir wɔb Juda aatiŋ pu. Nima chee le m ti di ubɔrkpaan aagbann ngbaan tii biyidam ngbaan.

Ilahn 20:8

Kina aanib ga gbeer le ki lir, le tima ga fii nyal sil.

Ilahn 34:22

Uwumbɔr ga gaa waanib lii; binib bi chaa u chee ke u li kii bi na ga ŋmar.

Ilahn 90:11

Ŋma kee kan saaŋuul aapɔɔn mbamɔm? Ŋma nyi saaŋuusakpeln aah ga joo ni ijawaan i na.

Inandalahn 3:25

Uwumbɔr kpa tiŋann unii umɔk kii tii u na pu.

Rom Yaab 8:28

Ti nyi ke tiwan nimɔk pii timi na, Uwumbɔr le cha ni mɔmɔk kpaln tiwan ni ŋan na ki tii binib bi gee u na. Waageehn pu le u nan yin bi.

1 Korenti 9:15

M mu kpa nsan m mu li ji kina; le maa ŋa kina. Maah ŋmee pu na, maa ŋmee ke binib ŋa kina ki tii mi. Maah kaa gaal nibaa binib chee na, nima le m kpa kipupuk. Maa ban ke m li kpa kipupuk yɔli.

2 Korenti 7:14

M nan pak nimi u chee, le naa jinn mi inimɔɔn. Taah tuk nimi tibɔr ti na mɔmɔk, ti len mbamɔn la. Kina le taah nan pak nimi Taitus chee pu na, ti len mbamɔn.

Hiibru Yaab 10:38

Uwumbɔr aaninyaam bi gaa u ki kii na ga li kpa limɔfal. Unii ubaa mu yaa gir puwɔb kan, waan piir Uwumbɔr aasui.”

Josua 22:16

Baah nan kpaan ki ye Uwumbɔr aanib aasalolm pu na, le bi bui bi ke, “Ba ŋa ni ŋa titunwanbir timina aaboln timi Israel yaab Aawumbɔr aanimbiin ni? Ni yii Uwumbɔr aamɔb, le ki maa kitork aabimbiln limina tii nibaa, kaa di li tii Uwumbɔr.

Josua 23:16

Ni yaa kaa joo nkaal mu Nidindaan Uwumbɔr bui nimi ke ni li joo mu na, ki yaa dooni ŋiwaa kan, waaŋuul ga fii, le u ga daa nitafal, naan yunn le ni mɔmɔk ubaa kina aan ki gur kitinyaan ki u di tii nimi na ponn ni.”

1 Piita 3:12

ba pu? Tidindaan Uwumbɔr aatafal bi bininyaam ni, ki ŋun baameel n‑yoonn mɔmɔk, le ki yiil binib bi tun titunwanbir na.”