Esra 8:21 - Uwumbɔr aagbaŋ

²¹ Ahafa Aanyunsan ngbaan chee le m nan siin ke ti mɔmɔk lul bumɔb ki sunn tibaa taab, timi Aawumbɔr chee, ki mee u aan u cheen timi lisachuln ngbaan ni, ki li kii timi, ni timi aabim, ni timi aawan mɔmɔk.

Esra 8:21 ပူးပေါင်းရင်းမြစ်များ

2 Bibɔrb Aabɔr 20:3

Ijawaan nan chuu Jehosafat, le u mee Uwumbɔr ki ban nterm, le ki bui ke waatiŋ mɔmɔk aanib lul bumɔb.

2 Bibɔrb Aabɔr 20:4

Binib nan nyan Juda aatim mɔmɔk ni ki buen Jerusalem ni ke bi ti ban Uwumbɔr chee nterm,

Esra 8:15

M nan kuun binib ngbaan mɔmɔk nnyunsan mu aanyun puu cha Ahafa aatiŋ ni na chee, le ti nan doon nima chee iwiin itaa. M nan kan ke bitotoorb bi binib ngbaan ni, le Liifai yaab ma aa bi.

Esra 8:31

Ti nan nyan Ahafa Aanyunsan ngbaan chee njan aaŋmal aawiin kipiik ni ilee daal, le ki cha Jerusalem. Timi Aawumbɔr nan bi ti chee, le ki kii timi bidim, ni binib bi ga keln timi nsan ni na chee.

Nehemia 9:1

Uŋmabaan ngbaan ponn ni aawiin moninko ni inaa daal le Israel yaab nan kuun ke bi lul bumɔb ki mɔk baapombiin baatunwanbir pu. N‑yoonn mue na bi nan yakr biwɔwɔm bi ŋmal bi ponn ni na chee. Bi nan pee tiwanpeenkaan ni saak kuub na, le ki di titan puŋ biyil, bisui aah bii pu na pu. Le bi sil ki kpiir baatunwanbir, ni biyaajatiib mu aatunwanbir pu.

Esta 4:16

“Li cha ki ti kuun Juu yaab bimɔk bi Susa ni do na, ki cha ni mɔmɔk lul bumɔb man ki mee limeel tii mi. Ni taa nyu ki taa ji nwiin pu ni kinyeek ki ti saa iwiin itaa. M ni maanaagbiisapɔm mu ga ŋa kina. Nima aapuwɔb na, m ga buen ubɔr chee, hali ni yaa ye likoobil kan, m ga buen. M yaa ŋa kina, aan ni ye mi nkun kan, m kpo.”

Ilahn 137:1

Babiloŋ aamɔɔ chee le ti nan kal; nima chee le ti nan teer Sionn aabɔr le ki wii.

Ilahn 5:8

Uwumbɔr, m kpa bidim sakpen a. Mɔk mi saageehn, ki cha m bee saalandak ki dii mu.

Ilahn 5:9

Maan kii tii maadim aah len pu na; bi ban bi li bii baanja la. Baamɔliin mɔ le ki joon; le ki tee gbii ŋŋmann mu ga ku na.

Ilahn 8:2

bibilb ni mbipɔm gaa ilahn ki pak si. Saadim mɔmɔk aan ŋmaa ŋa si nibaa; unii umɔk aa keei saamɔb na, aa chur u siin ni libuul ni la.

Ŋiyataŋak 3:6

Teer Uwumbɔr bɔr, saatuln mɔmɔk ni, le u ga mɔk si nsanyaan.

Aisaya 30:21

Ni yaa yenn nsan ki fenn buen ŋŋangii wɔb, bee ŋŋangan wɔb kan, ni ga ŋun waaneel nipuwɔb len ke, “Nsan le na. Dii mu man.”

Aisaya 35:8

Nsanja ga naan nima chee, bi ga li yin mu ke, “Uwumbɔr aasan.” Titunwanbirdam aan chuun mu pu daalbaadaal; bijɔrb aan ŋmaa cha binib bi dii mu na yenn.

Aisaya 42:16

M ga loln maanib bi jɔb na pu isan i ni baa kee dii i na. M ga cha baabɔmbɔɔn kpaln nwiihn ki cha ŋitingbaln ŋi kaa joon na jɔŋ aan bi dii jer. Maah puu tipuur ti na le bi na, le m ga li joo ti, kaan bii ti.

Aisaya 49:10

nkon ni nnyunyuu aan ki chuu bi. Le nwiin, ni nteersakpiin pu aatotoŋ aan ki see bi, ba pu? u gee bi na le ga li joo bi. U ga mɔk bi uyayak aanyunbun chee.

Aisaya 58:3

Binib ngbaan baa ke, “Ba ŋa ti lulni bumɔb, le Uwumbɔr aatafal aa bi ti ni? Ba ŋa ti sunn tibaa taab, le waa pel ti chee?” Uwumbɔr bui bi ke, “Mbamɔn aah ye pu na le ye ke n‑yoonn mu ni lul bumɔb na, le ni bi ban nibaa aageehn le ki muk nimi aatutum.

Aisaya 58:5

Ni yaa lul bumɔb kan, le ni muk nibaa, le ki tiin niyil ke kimook ki yɔl na, ki di tiwan ni saak kuub na aakekeln yar, ki di nfatan yɔk yɔk ŋi pu, ki doon paan. Nimina le ni yin bumɔb aalulm aa? Ni dak ke nima ngbaan ga piir nsui ii?

Jeremia 10:23

Uwumbɔr, m nyi ke unii ubaa aa ye ubaa aabimbin aaninkpel; ubaa aa kpa waamɔfal aapɔɔn;

Jeremia 42:3

Mee Tidindaan Uwumbɔr ke u mɔk timi nin chee ti ga buen na, ni tiwan ni ti ga ŋa na.”

Daniel 9:3

Le m nan mee ki gaŋ Tidindaan Uwumbɔr linimaln, ki lulni bumɔb, ki peeni tiwan ni saak kuub na, ki kaa nfatan ni tibɔr ngbaan pu.

Joel 1:14

Cha binib mɔmɔk lul bumɔb man; yin binib mɔmɔk aan bi kuun ni. Kuun binib bimɔk ye bisalolm na, ni Juda aatiŋ aanib mɔmɔk aan bi mɔmɔk dan Nidindaan Uwumbɔr Aadichal ni ki nan wii yin u.

Liifai Yaab 16:29

Ni li dii ikaal imina ki cha n‑yoonn mu choo na mɔmɔk. Ŋmalole aawinpiik daal kan, Israel yaab, ni biwɔwɔm mɔmɔk bi koo bi chee na kpaan ki lul bumɔb, ki taa tun lituln libaa liyaadaal ngbaan.

Liifai Yaab 16:31

Liyaadaal ngbaan ye chain chain aawiin la. Ni lul bumɔb liyaadaal ngbaan, ki taa tun lituln libaa. Ni li joo ikaal ngbaan ki cha n‑yoonn mɔmɔk.

Liifai Yaab 23:29

Liyaadaal ngbaan, unii u jin tijikaar na kan, waan ki li ye Uwumbɔr aanib ponn ni ubaa.

Jona 3:5

Ninefa aanib nan tii naadii Uwumbɔr aah di tibɔr ti tuk bi na pu, le ki cha unii mɔk lul bumɔb; le binib mɔmɔk, bi ye biwankpadam ni bigiim na mɔmɔk nan peen tiwanpeenkaan ni saak kuub na ki mɔk ke bi kpeln baabimbin la.

Jona 3:7

U nan moon tuk Ninefa aatiŋ aanib ke: “Tibɔr timina nyan ni ubɔr ni waaninkpiib chee la: Ubaa taa ji nibaa, binib mɔmɔk, ni inaa, ni ipiih taa ji nibaa ki taa nyu nibaa mu.

Nkahm 14:3

Ba ŋa Uwumbɔr joo timi cha kitiŋ ngbaan ni? Bi ga ku timi butɔb ni, ki chur tipuutiib ni timi aabim tinaagbiir. Ti yaa ba gir buen Ijipt aatiŋ ni kan, naa ba soor aa?”

Nkahm 14:31

Ni bui ke bi ga chur nimi aabim tinaagbiir; nima le m ga cha bi koo kitiŋ ki ni yii ki na ni, le ki ga li ye baatiŋ, le bi ji kaamɔɔn.

Lituln 2:39

Tidindaan Uwumbɔr nan puu tipuur ke u ga di Waafuur Nyaan tii nimi, ni nimi aabim, ni binib bi bi ni daa na: u ga tii binib bi u ga yin bi na mɔmɔk.”

Bibɔjirb 20:26

Israel aanib mɔmɔk nan ki buen Betel aatiŋ ni ki ti wii ikpowiil. Bi nan ka Uwumbɔr aanimbiin ni, nima chee, kaa jin tijikaar le nwiin ti lir. Bi nan toor kimɔbaan aapiin aatork, ki di tiwakor ngbaan tibaa timɔnn see mmii ni, Uwumbɔr aanimbiin ni.

1 Samuel 7:6

Kina pu le bi mɔmɔk kuun Mispa ni. Bi nan ban nnyun le ki kpir tii Uwumbɔr, le ki lul bumɔb liyaadaal, nwiin ti lir. Bi nan len ke, “Ti tun Uwumbɔr titunwanbir.” Mispa ni, nima chee, le Samuel nan toor Israel yaab bi nan kpa tɔb tibɔr na aakaasisik ni.