Esra 8:20 - Uwumbɔr aagbaŋ

²⁰ Bi nan ki cha Uwumbɔr Aadichal ni aatutum ikui ilee ni moninko, bi aayaajatiib Ubɔr David ni waaninkpiib nan tii bi kina aatuln ke bi li ter Liifai yaab na, mu dan. Bi nan ŋmee bi mɔmɔk aayimbil bil.

Esra 8:20 ပူးပေါင်းရင်းမြစ်များ

1 Bibɔrb Aabɔr 9:2

Binib bi nan loln nsan ki gir ni baatiŋ pu bido bido na nan ye bitotoorb, ni Liifai yaab, ni Uwumbɔr Aadichal ni aatutum, ni Israel yaab biken.

Esra 2:43

Uwumbɔr Aadichal ponn ni aatutum aataŋaal i nan nyan ni tinaagbiir ni ki gir ni na mu sɔ: Siha, ni Hasufa, ni Tabaof, ni Keros, ni Siaha, ni Padonn, ni Lebana, ni Hagaba, ni Akub, ni Hagab, ni Samlai, ni Hanann, ni Gidel, ni Gahar, ni Reaya, ni Resinn, ni Nekoda, ni Gasam, ni Usa, ni Pasea, ni Besai, ni Asna, ni Meunim, ni Nefisim, ni Bakbuk, ni Hakufa, ni Harhur, ni Basluf, ni Mehida, ni Hasa, ni Bakos, ni Sisera, ni Tema, ni Nesia, ni Hatifa.

Esra 8:17

M nan tun bi Ido, u ye binib ngbaan aayidaan na chee, Kasifia aatiŋ ni, ke bi ti bui u ke u ni uŋeen aatɔtiib bi tun Uwumbɔr Aadichal ni aatuln na tii ni timi binib aan bi nan li tun Uwumbɔr aatuln Waadichal ni.

Esra 8:19

Bi nan ki cha Merari aataŋaal ni yaab, Hasabia ni Jesaya, ni baamaal binib moninko mu dan.

Nkahm 3:9

Liifai yaab aah ga tun lituln li na le ye ke bi li tun tii Aaronn ni ujapɔtiib.

Filipi 4:3

Maatutuŋeer bamɔnn, m mee aa mu, ter bipiib ngbaan; ba pu? bi ni Klement ni maatutuŋeerb biken nan tun lituln linimaln m chee, ki ter mi m tuk binib Yesu aabɔnyaan tee. Baayimbil ŋmee limɔfal aagbaŋ ki bi paacham na ni.