Esra 8:1 - Uwumbɔr aagbaŋ

¹ Itaŋaal imina aayidam le nan bi tinaagbiir ni Babiloŋ aatiŋ ni, le ki nan dii min Esra ki gir Jerusalem ni, buyoonn ubɔrkpaan Ataksekes nan ye Pesia aabɔr na:

Esra 8:1 ပူးပေါင်းရင်းမြစ်များ

1 Bibɔrb Aabɔr 24:31

Udichadaan mɔk ni unaatiib ponn ni ubaa le nan too inaan ki gaa baatuln, ke bido yaab bi ye bitotoorb ki ye Aaronn aayaabitiib na aah nan ŋa pu na. Ubɔr David, ni Sadok, ni Ahimelek, ni bitotoorb ni Liifai yaab aadichadam le nan ye biseeraadam.

1 Bibɔrb Aabɔr 26:32

Ubɔr David nan nyan binikpaam ŋichur ŋilee ni ikui ilole Jeria aadichadam ponn ni, le ki cha bi lik Israel aanib bi bi Jɔɔdann Aamɔɔl aawipuul wɔb na Aawumbɔr aasan aadiim, ni ŋitun mɔmɔk aayidam. Ŋipepel ngbaan le yeh Rubenn, ni Gad, ni Manase aageln li bi liwipuul wɔb na.

1 Bibɔrb Aabɔr 4:33

ni ntimbim mu bi gob ki ti saa Baalaf aatiŋ ki bi liwilir aaŋangii wɔb na ni. Baah nan ŋmee baadichal, ni baah nan koo koo ntim mu ponn ni na aabɔr pu na sɔ:

1 Bibɔrb Aabɔr 9:1

Bi nan ŋmee Israel yaab mɔmɔk aayimbil ki dii baadichal, Israel Aabɔrb Aagbaŋ ni la. Juda aanib aatunwanbir pu, le Uwumbɔr nan cha bi chur bi buen Babiloŋ aatiŋ ni, ke u di daa bitafal.

1 Bibɔrb Aabɔr 9:34

Bijab bi aayimbil ŋmee paacham na nan ye Liifai aanibol aadichadam la. Baayimbil dii yaaja yaaja la. Bima le nan ye bisalolm bi koo Jerusalem ponn ni na.

2 Bibɔrb Aabɔr 26:12

Bininkpiib bi nan lik bijab ngbaan na nan ye binib ŋichur ŋilee ni ikui iloob la.

Esra 1:5

Le Juda aamaal yaab, ni Benjaminn aamaal yaab aayidam, ni bitotoorb, ni Liifai yaab, ni unii umɔk Uwumbɔr koo usui ni na, gor ke bi ti gir maa Uwumbɔr Aadichal, Jerusalem ponn ni.

Esra 2:2

Binib bi nan ye baasalolm na le nan ye Serubabel, ni Josua, ni Nehemia, ni Seraya, ni Reelaya, ni Modekai, ni Bilsann, ni Mispar, ni Bigfai, ni Rehum, ni Baana.

Esra 2:3

Israel aamaal yaab aataŋaal i nan nyan ni tinaagbiir ni ki gir ni na aakahm sɔ: Paros aataŋaal—binib ŋichur ŋilee ni nkub ni imonko itaa ni kipiik ni bilee; Sefatia aataŋaal—binib ikui itaa ni imonko itaa ni kipiik ni bilee; Ara aataŋaal—binib ikui ilole ni imonko itaa ni kipiik ni biŋmu; Jesua ni Joab aayaabitiib bi ye Pahaf Moab aataŋaal na—binib ŋichur ŋilee ni ikui iniin ni kipiik ni bilee; Elam aataŋaal—binib lichur ni ikui ilee ni piiŋmu ni binaa; Satu aataŋaal—binib ikui iwae ni imonko ilee ni biŋmu; Sakai aataŋaal—binib ikui ilole ni imonko itaa; Bani aataŋaal—binib ikui iloob ni imonko ilee ni bilee; Bebai aataŋaal—binib ikui iloob ni moninko ni bitaa; Asgad aataŋaal—binib lichur ni ikui ilee ni moninko ni bilee; Adonikam aataŋaal—binib ikui iloob ni imonko itaa ni biloob; Bigfai aataŋaal—binib ŋichur ŋilee ni piiŋmu ni biloob; Adinn aataŋaal—binib ikui inaa ni piiŋmu ni binaa; Ater u bi nan ki yin u ke Hesekia na aataŋaal—binib imonko inaa ni kipiik ni biniin; Besai aataŋaal—binib ikui itaa ni moninko ni bitaa; Jora aataŋaal—binib nkub ni kipiik ni bilee; Hasum aataŋaal—binib ikui ilee ni moninko ni bitaa; Gibar aataŋaal—binib imonko inaa ni kipiik ni biŋmu.

Esra 7:13

“Min le siin ke maanaan mɔmɔk ni aanib bi ye Israel yaab na, ni bitotoorb, ni Liifai yaab, ki ban ke bi gir dii si buen Jerusalem na kpa kina aasan.

Esra 7:28

Uwumbɔr aageehn pu le ubɔrkpaan ngbaan, ni waasusurb, ni waaninkpiib bi kpa mpɔɔn sakpen na lik faar mi. Ndindaan Uwumbɔr pɔɔk ntaakpab, le m ŋman ki cha Israel yaab aataŋaal pam aayidam nyan Babiloŋ ki dii mi gir Jerusalem ni.”

Esra 7:6

Esra nan ye ugbanbae la, le ki nyi Israel yaab Aadindaan Uwumbɔr aakaal i u nan di tii Moses na mbamɔm. Esra Aadindaan Uwumbɔr aah nan bi u chee pu na, ubɔrkpaan ngbaan nan tii u tiwan ni mɔmɔk u ban na la. Ataksekes aanaan yoonn aabilolole ni, le Esra, ni Israel yaab bibaa, ni bitotoorb, ni Liifai yaab, ni Uwumbɔr Aadichal ni aawangbaab ni bilahngaab, ni bikikiib, ni bitutum, nan nyan Babiloŋ ki cha Jerusalem.

Esra 8:2

Fineas aataŋaal ni, Gesom. Itamar aataŋaal ni, Daniel. David aataŋaal ni, Sekania aajapɔɔn Hatus. Paros aataŋaal ni, Sekaria ni bijab nkub ni piiŋmu. Tɔ, biyaajatiib aayimbil aagbaŋ nan bi. Pahaf Moab aataŋaal ni, Serahia aajapɔɔn Eliehoenai, u nan joo bijab ikui ilee la. Satu aataŋaal ni, Jahasiel aajapɔɔn Sekania, ni bijab ikui itaa. Adinn aataŋaal ni, Jonatann aajapɔɔn Ebed, ni bijab piiŋmu. Elam aataŋaal ni, Atalia aajapɔɔn Jesaya, ni bijab imonko itaa ni kipiik. Sefatia aataŋaal ni, Maikel aajapɔɔn Sebadia, ni bijab imonko inaa. Joab aataŋaal ni, Jehiel aajapɔɔn Obadia, ni bijab ikui ilee ni kipiik ni biniin. Bani aataŋaal ni, Josifia aajapɔɔn Selomif, ni bijab nkub ni imonko itaa. Bebai aataŋaal ni, Bebai aajapɔɔn Sekaria ni bijab moninko ni biniin. Asgad aataŋaal ni, Hakatann aajapɔɔn Johanann, ni bijab nkub ni kipiik. Adonikam aataŋaal ni, Elifelet, ni Jewel, ni Semaya, ni bijab imonko itaa. Bimina nan paani puwɔb la. Bigfai aataŋaal ni, Utai, ni Sakur, ni bijab imonko itaa ni kipiik.