Esra 7:6 - Uwumbɔr aagbaŋ

^6-7 Esra nan ye ugbanbae la, le ki nyi Israel yaab Aadindaan Uwumbɔr aakaal i u nan di tii Moses na mbamɔm. Esra Aadindaan Uwumbɔr aah nan bi u chee pu na, ubɔrkpaan ngbaan nan tii u tiwan ni mɔmɔk u ban na la. Ataksekes aanaan yoonn aabilolole ni, le Esra, ni Israel yaab bibaa, ni bitotoorb, ni Liifai yaab, ni Uwumbɔr Aadichal ni aawangbaab ni bilahngaab, ni bikikiib, ni bitutum, nan nyan Babiloŋ ki cha Jerusalem.

Esra 7:6 ပူးပေါင်းရင်းမြစ်များ

Mpiin 32:28

Le ntuun ngbaan bui ke, “Saah mɔn ki nyaŋ Uwumbɔr ni unibɔn na, nima pu na, bi ga li gur yin si ke Israel la, baan ki yin si ke Jakob.”

Esra 5:5

Tɔ, Uwumbɔr nan bi Juu yaab aayidam ngbaan chee, le Pesia aaninkpiib ngbaan aa nan ŋmaa ŋa nibaa, see bi ŋmee kigbaŋ tii ubɔrkpaan Darius, ki ŋun waah ga len pu na waahr.

Esra 6:22

Bi nan di mpopiin jin Boroboro u kaa kpa boroboro aanyɔk na Aajim ki ti saa iwiin ilole. Uwumbɔr aah nan cha Asiria aabɔrkpaan san bi kinimbaak ki ter bi, bi maa bima Israel yaab Aawumbɔr Aadichal na pu, le bi nan kpa mpopiin pam.

Esra 7:21

“M siin Yufrates aamɔɔl aawilir aapepel aaninkpiib bi tun nnaan aamombil aatuln na, ke bi tii Esra, u ye ugbanbae ki nyi Uwumbɔr u bi Paacham na Aakaal mbamɔm na, tiwan ni mɔmɔk u ban na,

Esra 7:28

Uwumbɔr aageehn pu le ubɔrkpaan ngbaan, ni waasusurb, ni waaninkpiib bi kpa mpɔɔn sakpen na lik faar mi. Ndindaan Uwumbɔr pɔɔk ntaakpab, le m ŋman ki cha Israel yaab aataŋaal pam aayidam nyan Babiloŋ ki dii mi gir Jerusalem ni.”

Esra 7:5

Buki aate nan ye Abisua la, le Abisua mu aate nan ye Fineas, le Fineas aate nan ye Eleasar, u aate nan ye utotoorninkpel Aaronn na.

Esra 8:1

Itaŋaal imina aayidam le nan bi tinaagbiir ni Babiloŋ aatiŋ ni, le ki nan dii min Esra ki gir Jerusalem ni, buyoonn ubɔrkpaan Ataksekes nan ye Pesia aabɔr na:

Esra 8:18

Uwumbɔr aageehn pu le bi nan di Liifai aanii u nyi lituln ki nyan ni Mali aataŋaal ni aan bi yin u ke Serebia na tun ni, le ujapɔtiib ni ukpetiib ni unaatiib, binib kipiik ni biniin dii ni u.

Esra 8:22

M yaa ba nan ti bui ubɔrkpaan ngbaan ke u tii timi bijab bi ga li kii timi bidim chee timi aasachuln ngbaan ni na kan, m ba ga nan jinn mbaa inimɔɔn, ba pu? m nan puen bui u ke timi Aawumbɔr ŋani waanyoor ŋani unii umɔk tii u naadii na pu, le ki nan ki kpaan dar unii umɔk yii waamɔb ki fenn upuwɔb tii u na aatafal.

Esra 8:31

Ti nan nyan Ahafa Aanyunsan ngbaan chee njan aaŋmal aawiin kipiik ni ilee daal, le ki cha Jerusalem. Timi Aawumbɔr nan bi ti chee, le ki kii timi bidim, ni binib bi ga keln timi nsan ni na chee.

Nehemia 12:26

Binib bee nan bi limɔfal ni buyoonn Josua aajapɔɔn Joyakim, u aayaaja nan ye Jehosadak na, ni n‑yoonn mu uyidaan Nehemia, ni utotoor Esra, u nan bee Nkaal mbamɔm na, nan laa bi limɔfal ponn ni na la.

Nehemia 12:36

Udo yaab Semaya, ni Asarel, ni Milalai, ni Gilalai, ni Maai, ni Netanel, ni Juda, ni Hanani le nan paa u pu; bi mɔmɔk nan joo tiwangbaakaan ni bi ke tiwangbaakaan ni Uwumbɔr aanii Ubɔrkpaan David nan gbaa na. Le Esra u nyi Uwumbɔr aakaal mbamɔm na nan loln ligetekr ngbaan pu nsan.

Nehemia 2:12

kaa bui unii ubaa Uwumbɔr aah bui mi ke m nan tun pu ki tii Jerusalem aatiŋ na. Le m nan fii kinyeek kibaa kitaasiik, ki ban njɔtiib siib kpee mbaa pu. Maah nan dik ubon u pu na baanja le nan ye kiwakork ki dii timi na.

Nehemia 2:18

Le m bui bi Uwumbɔr aah bi m chee ki ter mi pu na, ni ubɔrkpaan na mu aah bui mi pu na. Le bi kii ke, “Cha ti piin ki li maa man.” Le bi gor bibaa ke bi piin lituln ngbaan.

Nehemia 2:8

M nan ki bui u ke u tii mi kigbaŋ m ti tii Asaf u kii ubɔr aachook na kigbaŋ ki ga cha u tii mi idɔ m ti toor kidifɔfɔk ki kii Uwumbɔr Aadichal na aajaaleŋ tiib, ni ligoln li mann goln kitiŋ ngbaan na aabisamɔi, ni mbaa aadichal li ponn ni m ga li koo na. Uwumbɔr aaŋaal aah nan paa m pu na, ubɔrkpaan ngbaan nan tii mi maah ban pu na mɔmɔk.

Nehemia 4:15

Timi aadim nan ŋun ke ti ŋun baah bi kpokl ti pu pu na, le bi bee ke Uwumbɔr nyaŋ baalandak. Le ti mɔmɔk gir ti bi maa ligoln ngbaan.

Nehemia 8:1

Ki joo cha ni ŋmalole ponn ni na, Israel aanib mɔmɔk nan kal baatim ponn ni. Uŋmal ngbaan aajan aawiin daal le bi mɔmɔk nan kuun ni Jerusalem ponn ni, mbisamɔb mu bi yin mu ke Nnyun Aabisamɔb na chee. Bi nan bui Esra, u nan ye utotoor ki mu bae Nkaal mu Uwumbɔr nan di tii Moses ke u di tii Israel yaab na, ke u ti yoor ni Nkaal Aagbaŋ ngbaan.

Nehemia 8:13

Kitaak aah ki woln na, le imaal ngbaan aaninkpiib, ni bitotoorb, ni Liifai yaab nan buen Esra chee ke bi ti bae Nkaal aabaem.

Nehemia 8:4

Esra nan si tɔk paangara u bi nan paan u kina aatuln pu na pu la. Bijab bimina le nan si uŋangii wɔb: Matitia, ni Sema, ni Anaya, ni Uria, ni Hilkia, ni Maaseya. Le Pedaya, ni Misael, ni Malkija, ni Hasum, ni Hasbadana, ni Sekaria, ni Mesulam mu si uŋangan wɔb.

Nehemia 8:9

Binib ngbaan aah ŋun Nkaal ngbaan aah ban ke bi ŋa pu na, ni nan muk bi sakpen le bi piin ki bi wii. Kina pu na, Nehemia, u nan ye baayidaan na, ni Esra, u nan ye utotoor ki mu bee Nkaal ngbaan mbamɔm na, ni Liifai yaab bi nan tuk binib ngbaan mu aatataa na bui binib ngbaan ke, “Nwiin mumina ye nwiin mu bi chain ki tii Nidindaan Uwumbɔr na la, kina pu na, ni taa wii, ki taa kpeeni mu.

Nehemia 9:13

Aa nan sunn ni bi chee Sainai Aajool chee; nima chee le aa nan len bi chee tibɔr ki tii bi ikaal i ŋan na, ni mbaem mu kpa ntataa na.

Ilahn 109:27

Cha maadim bee ke sin le gaal mi lir.

Ilahn 147:19

U joo waamɔboln tii waanib Israel yaab, u tii bi waakaal ni waamɔkm.

Ilahn 45:1

Ŋimɔbonyaan le gbii nsui ni, le m naan nlahn mue m tii ubɔr. Nlambil gor ke li di nlahn lii ke ugbaŋmeer nyaan aagbaŋmeemoon aah ga ŋmee pu na.

Ilahn 80:18

Taan ki fenn tipuwɔb tii si daalbaadaal; cha ti li kpa limɔfal aan ki pak si.

Ŋiyataŋak 3:6

Teer Uwumbɔr bɔr, saatuln mɔmɔk ni, le u ga mɔk si nsanyaan.

Aisaya 50:2

Ba nan ŋa maanib yii kaa kii tii mi buyoonn m nan buen m ti gaa bi lii na? Ba nan ŋa baa kii buyoonn m nan yin bi na? Maa ki kpa mpɔɔn m di gaa bi lii la aa? Maamɔliin baanja le ga cha nnyusakpem foor, ki cha ŋimɔɔ mɔmɔk kpaln kitikuun, le ŋaajan kpo nnyunyuu pu.

Aisaya 59:1

Taa dak man ke Uwumbɔr aa kpa mpɔɔn ke u gaa nimi lii, bee u kpaa sakpen, kaan ki ŋun naah yin u pu ki ban nterm na.

Jeremia 8:8

Ni ga ŋa kinye ki bui ke ni kpa nlan ki nyi maakaal? Lik man, bigbaŋmeeb na le di beebee kpeln maakaal.

Matiu 13:52

Le u bui bi, “Unii u tuk binib Uwumbɔr aakaal na yaa dii mi kan, u naahn udichadaan u nyan ni waawankpal ponn ni tiwankpokr ni tiwapɔnn.”

Matiu 23:2

“Uwumbɔr aakaal aamɔmɔkb ni Farisii yaab tuk nimi Moses aakaal aatataa.

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

1 Korenti 1:20

Bilankpalb bi la? Binibiwolm mu bi la? Dandana aanib bi kpak kinikpakpak na mu bi la? Uwumbɔr cha dulnyaa wee aalan ŋa yɔli.

1 Korenti 15:1

Nnaabitiib, m ban m teer nimi maah nan tuk nimi tibɔnyaan ti na la. Ni nan gaa tibɔnyaan ngbaan, ki sil ti pu.

Ikaal 28:1

“Ni yaa kii Nidindaan Uwumbɔr aamɔb, ki joo waakaal i m joo tuk nimi din wee na mbamɔm kan, u ga ŋa nimi litimbokpaan ki jer ŋimɔk bi dulnyaa wee ni na.

Ikaal 4:5

“M di ikaal ngbaan mɔmɔk mɔk nimi, ke Ndindaan Uwumbɔr aah bui mi ke m ŋa pu na. Ni yaa ti gaa kitiŋ ngbaan ki koo nima kan, ni li joo ikaal ngbaan mbamɔm.