Esra 7:28 - Uwumbɔr aagbaŋ

²⁸ Uwumbɔr aageehn pu le ubɔrkpaan ngbaan, ni waasusurb, ni waaninkpiib bi kpa mpɔɔn sakpen na lik faar mi. Ndindaan Uwumbɔr pɔɔk ntaakpab, le m ŋman ki cha Israel yaab aataŋaal pam aayidam nyan Babiloŋ ki dii mi gir Jerusalem ni.”

Esra 7:28 ပူးပေါင်းရင်းမြစ်များ

Mpiin 32:28

Le ntuun ngbaan bui ke, “Saah mɔn ki nyaŋ Uwumbɔr ni unibɔn na, nima pu na, bi ga li gur yin si ke Israel la, baan ki yin si ke Jakob.”

Mpiin 43:14

Uwumbɔr Mpɔɔnsakpiindaan cheen nimi, ki cha uja ngbaan ti san nimi kinimbaak, ki giin Benjaminn ni nikpel uken na mu tii ni nimi. Min kan, ni yaa ye ke m ga kɔŋ maabim le kan, see ni ŋa kina.”

Esra 5:5

Tɔ, Uwumbɔr nan bi Juu yaab aayidam ngbaan chee, le Pesia aaninkpiib ngbaan aa nan ŋmaa ŋa nibaa, see bi ŋmee kigbaŋ tii ubɔrkpaan Darius, ki ŋun waah ga len pu na waahr.

Esra 7:14

Min, ni maasusurb bilole na, le tun si ke ni ti lik ke Jerusalem, ni Juda aatim yaab joo Saawumbɔr Aakaal mu u di ŋa aaŋaal ni na aan baa joo mu.

Esra 7:6

Esra nan ye ugbanbae la, le ki nyi Israel yaab Aadindaan Uwumbɔr aakaal i u nan di tii Moses na mbamɔm. Esra Aadindaan Uwumbɔr aah nan bi u chee pu na, ubɔrkpaan ngbaan nan tii u tiwan ni mɔmɔk u ban na la. Ataksekes aanaan yoonn aabilolole ni, le Esra, ni Israel yaab bibaa, ni bitotoorb, ni Liifai yaab, ni Uwumbɔr Aadichal ni aawangbaab ni bilahngaab, ni bikikiib, ni bitutum, nan nyan Babiloŋ ki cha Jerusalem.

Esra 8:1

Itaŋaal imina aayidam le nan bi tinaagbiir ni Babiloŋ aatiŋ ni, le ki nan dii min Esra ki gir Jerusalem ni, buyoonn ubɔrkpaan Ataksekes nan ye Pesia aabɔr na:

Esra 8:15

M nan kuun binib ngbaan mɔmɔk nnyunsan mu aanyun puu cha Ahafa aatiŋ ni na chee, le ti nan doon nima chee iwiin itaa. M nan kan ke bitotoorb bi binib ngbaan ni, le Liifai yaab ma aa bi.

Esra 8:18

Uwumbɔr aageehn pu le bi nan di Liifai aanii u nyi lituln ki nyan ni Mali aataŋaal ni aan bi yin u ke Serebia na tun ni, le ujapɔtiib ni ukpetiib ni unaatiib, binib kipiik ni biniin dii ni u.

Esra 9:9

Ti nan ye binaagbiib la, le aa nyan timi tinaagbiir ngbaan ni. Aa cha Pesia aatiŋ aabɔrb san timi kinimbaak, ki tii timi nsan ke ti li bi limɔfal ni, ki ki gir maa Saadichal li nan ber na, ki cha ti kan nsuudoon, Jerusalem ni Juda aatim muken ni.

Nehemia 1:11

Li pel maameel, ni saanaagbiib bimɔk ban ke bi nyuŋ si na mu aameen. Tii mi maah ban pu na din wee ki cha ubɔrkpaan ngbaan san mi kinimbaak.” N‑yoonn ngbaan, min le nan ye ubɔrkpaan ngbaan aadaan aaninkpel.

Nehemia 2:8

M nan ki bui u ke u tii mi kigbaŋ m ti tii Asaf u kii ubɔr aachook na kigbaŋ ki ga cha u tii mi idɔ m ti toor kidifɔfɔk ki kii Uwumbɔr Aadichal na aajaaleŋ tiib, ni ligoln li mann goln kitiŋ ngbaan na aabisamɔi, ni mbaa aadichal li ponn ni m ga li koo na. Uwumbɔr aaŋaal aah nan paa m pu na, ubɔrkpaan ngbaan nan tii mi maah ban pu na mɔmɔk.

Ilahn 109:12

Taa cha ubaa li kpa u pu tiŋann, ki taa cha ubaa kpiin waakpobim bi gaar puwɔb na.

Jona 3:7

U nan moon tuk Ninefa aatiŋ aanib ke: “Tibɔr timina nyan ni ubɔr ni waaninkpiib chee la: Ubaa taa ji nibaa, binib mɔmɔk, ni inaa, ni ipiih taa ji nibaa ki taa nyu nibaa mu.