Esra 7:25 - Uwumbɔr aagbaŋ

²⁵ “Le sin Esra, di nlan mu Uwumbɔr tii si na ban binib bi ga li lik ŋitun aabɔŋ na, ni bibɔjirb bi ga li joo Yufrates Aamɔɔl Aawilir aapepel aanib bi mɔmɔk bi Saawumbɔr aakaal ponn ni na. Aa mɔk unii umɔk aa nyi Nkaal ngbaan na.

Esra 7:25 ပူးပေါင်းရင်းမြစ်များ

Mpiin 41:38

le u bui bi ke, “Ti ga ki kan ŋma u li kpa nlan ke Josef u Uwumbɔr di Waafuur Nyaan tii u na?”

Mpiin 41:39

Le ubɔr bui Josef ke, “Uwumbɔr le mɔk si tiwan mɔmɔk, nima pu na, sin le ga li kpa nlan ni nnyim ki jer unii mɔmɔk.

1 Bibɔrb 3:28

Israel aanib aah ŋun Solomonn aah nan siin pu na, le bisui nan gbiin kipak u pu, ba pu? bi nan bee ke Uwumbɔr tii u nlan ke u li joo ji tibɔr ibamɔn ni.

2 Bibɔrb 17:27

Le ubɔrkpaan ngbaan bui ke: “Giin man taah chur bitotoorb bi tinaagbiir na ubaa; cha u gir nima, ki ti li koo nima, aan ki li mɔk binib ngbaan kitiŋ ngbaan Aawumbɔr aakaal.”

1 Bibɔrb Aabɔr 22:12

Tidindaan Uwumbɔr tii si nlan ni mbaem mu aa ga di joo Israel aanib, waakaal aah mɔk pu na.

1 Bibɔrb Aabɔr 23:4

Ubɔr David nan cha bi ponn ni ŋichur moninko ni ŋinaa le ye Uwumbɔr Aadichal ponn ni aatutum, le ŋichur ŋiloob ye bi ŋmee Uwumbɔr Aadichal ponn ni aatuln mɔmɔk aabɔr bilni, ki toor binib bi kpa kijaak na aabɔr,

Esra 10:4

Ni ye sin aatuln le ke aa fii sil. Ti si aachaŋ ni, kina pu na, fii sil ki cha kina ŋa.”

Esra 6:6

Le Darius nan di tibɔr timina tun ke: “Yufrates aamɔɔl aawilir wɔb aapepel aayidaan Tatenai, ni Setar Bosenai, ni niŋeen aatɔtiib, taa ki bɔ Uwumbɔr Aadichal ngbaan aabɔr ni man,

Esra 7:10

Esra nan di ubaa tii Uwumbɔr Aakaal aabaem la, le ki tun yaah len pu na, ki joo i, ni yaah len pu na mɔk Israel aanib.

Esra 7:14

Min, ni maasusurb bilole na, le tun si ke ni ti lik ke Jerusalem, ni Juda aatim yaab joo Saawumbɔr Aakaal mu u di ŋa aaŋaal ni na aan baa joo mu.

Nehemia 9:3

Bi nan karn Bidindaan Uwumbɔr Aakaal tii bi ki ti saa tikur titaa aah ga yunn pu na, ki ki yoor tikur titaa aah ga yunn pu na le ki di kpiir baatunwanbir pu ki doon Bidindaan Uwumbɔr.

Ilahn 19:7

Uwumbɔr aakaal si chob la; le ki tii binib mpɔɔn pɔɔn. Aa ga ŋmaa mak Uwumbɔr aakaal pu, mu tii nlan aah par binib bi na nlan.

Ŋiyataŋak 2:6

Uwumbɔr le tii nlan; uma chee le nlan, ni ichiin, ni tiwan aatataa aabeem nyani.

Ŋiyataŋak 6:23

Baamɔkm ye nwiin mu moor lak lak na la, baasurm ga ŋmaa mɔk si saah ga li bi pu na.

Malakai 2:7

Ni ye bitotoorb aatuln le ke bi mɔk binib Uwumbɔr aah sil ye pu na. Bima chee le binib ga buen ki ti bae maah ban pu na, ba pu? bima le ye min Uwumbɔr Mpɔɔnsakpiindaan aatutum.

Matiu 13:52

Le u bui bi, “Unii u tuk binib Uwumbɔr aakaal na yaa dii mi kan, u naahn udichadaan u nyan ni waawankpal ponn ni tiwankpokr ni tiwapɔnn.”

Tibɔnyaan ti Mak ŋmee ti na 6:34

Yesu aah nan ti fuu nima ki nyan buŋɔb ni na, u kan kinipaak sakpeŋ. Bi nan bi ke ipiih i chuun kaa kpa upihkpaal na. Nima le u san bi kinimbaak, ki tuk bi Uwumbɔr aabɔr pam.

Ikaal 16:18

“Nyan bibɔjirb, ni biyidam kaan ntim mu Nidindaan Uwumbɔr di tii nimi na mɔmɔk ni. Binib ngbaan li ji tibɔr, ki taa li kpa imaagann.

Kolosiya 1:28

Kristo aabɔr ngbaan le ti mooni, ki sur binib mɔmɔk, ki tuk bi waabɔr, waah tii timi nlan pu na. Ti ban ke bi mɔmɔk li kpaan Kristo ni, ki li ye binib bi ŋan doo na. Ti ban ke ti di bi ki mɔk Uwumbɔr la.

Jemisi 1:5

Ni ponn ni ubaa yaa lann nlan kan, cha u mee Uwumbɔr, le u ga tii u; ba pu? Uwumbɔr tii binib mɔmɔk sakpen, kaa jinni ubaa inimɔɔn.