Esra 7:14 - Uwumbɔr aagbaŋ

¹⁴ Min, ni maasusurb bilole na, le tun si ke ni ti lik ke Jerusalem, ni Juda aatim yaab joo Saawumbɔr Aakaal mu u di ŋa aaŋaal ni na aan baa joo mu.

Esra 7:14 ပူးပေါင်းရင်းမြစ်များ

Esra 1:3

Uwumbɔr li bi nimi bi mɔmɔk ye waanib na chee. Ni buen Jerusalem ki ti gir maa lidichal tii Israel yaab Aadindaan Uwumbɔr, u bi dooni u Jerusalem ni na.

Esra 5:8

“Ti ban ke sin mpɔɔndaan li nyi ke ti nan buen Juda aapepel, ki ti kan ke bi kpir ŋitakpasakpiin, le ki di maa Uwumbɔr sakpiin na Aadichal, ki di ŋikpan sakpiin saŋ laagon ponn ni. Bidimaab ngbaan joo nlandiin le maa li, le ni cha mɔb mbamɔm.

Esra 6:12

Uwumbɔr u lee Jerusalem ke bi li dooni u nima chee na, cha ubɔr, bee litimbol li yii nkaal mue ki pɔɔn bibaa ke bi ber uma Uwumbɔr Aadichal ngbaan nima chee na lir. Min Darius le siin nkaal ngbaan. Unii mɔmɔk li joo mu mbamɔm.”

Esra 6:8

M sil do ki siin ke ni ter bi aan bi ki gir maa li. Yufrates aamɔɔl aawilir aapepel aah kani lampoo chee nnaan ponn ni aamombil ŋi na, le ni ga li joo pa lituln ngbaan pu mala mala, aan lituln ngbaan taa ki sil.

Esra 7:15

Aa ga li joo salmaa ni tikunabr aapiin i m ni maasusurb ban ke ti di tii Israel yaab Aawumbɔr, u Waadichal bi Jerusalem ni na.

Esra 7:28

Uwumbɔr aageehn pu le ubɔrkpaan ngbaan, ni waasusurb, ni waaninkpiib bi kpa mpɔɔn sakpen na lik faar mi. Ndindaan Uwumbɔr pɔɔk ntaakpab, le m ŋman ki cha Israel yaab aataŋaal pam aayidam nyan Babiloŋ ki dii mi gir Jerusalem ni.”

Esra 8:25

le ki nan ŋaŋ tikunabr, ni salmaa, ni ŋisambil ŋi ubɔrkpaan ngbaan ni waasusurb, ni waaninkpiib, ni Israel aanib nan tii ke bi ti li joo tun Uwumbɔr Aadichal ponn ni aatuln na, le ki di tii bitotoorb ngbaan.

Esta 1:14

Bijab bi nan ŋmaa sur u n‑yoonn mɔmɔk na, le nan ye Kasena, ni Setar, ni Admata, ni Tasis, ni Meres, ni Masena ni Memukann; Pesia ni Media aaninkpiib bilole bi joo tininkpir ti nyuun nnaan ngbaan ni na le na.

Aisaya 8:20

Le ni ga gar bi ke, “Li pel man Uwumbɔr aah mɔkni nimi pu na. Taa pel man bipɔnijoob aah len pu na. Baah tuk nimi pu na aa kpa tinyoor.”

Daniel 2:47

Ubɔrkpaan nan ki bui ke, “Saawumbɔr le ye Uwumbɔrkpaan ki jer ŋiwaa mɔmɔk, u ye bibɔrb Aadindaan, ki ye u kpiir iwaan aawan mɔk binib na. Saah kpiir iwaan aawan nimina mɔk mi na le cha m bee kina.”

Daniel 6:20

Waah ti fuu nima chee na, le u yin mala ke, “Daniel, Uwumbɔr u kpa limɔfal na aatutunn, Uwumbɔr u aa dii ni ibamɔn na ŋman ki gaa si lii ichinn ngbaan chee ee?”

Daniel 6:26

Min le len ke maanaan mɔmɔk ni, binib mɔmɔk li san ki pak Daniel Aawumbɔr. U ye Uwumbɔr u kpa limɔfal na la, le u ga li joo dulnyaa ki ti saa n‑yoonn mu kaa kpa ndoon na. Ubaa aan ŋmaa bii waanaan, le waapɔɔn mu aan ŋmaa doo.

Sekaria 6:10

U nan bui ke, “Di bikusam bimina, Heldai, ni Tobija, ni Jedaya aah tii ipiin i na, ki buen mala Sefania aajapɔɔn Josia do. Bijab bee mɔmɔk nan nyan ni tinaagbiir ni, Babiloŋ aatiŋ ni, le ki gir ni.