Esra 7:12 - Uwumbɔr aagbaŋ

¹² “Kigbaŋ kee nyan ni ubɔrkpaan Ataksekes chee la, le ki cha Esra u ye utotoor, ni ugbanbae, u nyi Uwumbɔr u bi Paacham na Aakaal na chee.

Esra 7:12 ပူးပေါင်းရင်းမြစ်များ

1 Bibɔrb 20:1

Siria Aabɔr Ben‑Hadad nan kuun waatɔb aajab, le bijojoob piitaa ni bilee biken sil uchaŋ ni, ki joo baataan ni yaatɔroku tiib ki buen ti gob Samaria aatiŋ le ki tak ki.

1 Bibɔrb 4:24

Solomonn le nan joo kitiŋ ki bi Yufrates Aamɔɔl liwilir wɔb na, ki nyan Tifsa aatiŋ ki bi Yufrates aagbaan na, ki ti saa Gasa aatiŋ ki bi liwilir wɔb na. Bibɔrb bi mɔmɔk nan bi Yufrates aawilir wɔb na nan ye waatutum la, le u nan kpa nsuudoon ŋitimbol ŋi mann goln u na chee.

Esra 1:2

“Pesia aanaan aabɔr Sairus le siin nkaal mue. Uwumbɔr u ye Paacham Aadindaan na le ŋa mi dulnyaa wee mɔmɔk aajojoor, le ki tii mi lituln ke m maa lidichal Jerusalem aatiŋ ki bi Juda aatiŋ ni na tii u.

Esra 4:17

Ubɔrkpaan ngbaan aah nan gar pu na sɔ: “M dooni lipepel aayidaan Rehum, ni waagbaŋmeer Simsai, ni biŋeen aatɔtiib bi bi Samaria aatiŋ ni, ni Yufrates aamɔɔl aawilir wɔb na.

Esra 7:1

Nee aapuwɔb, Ataksekes aah nan ye Pesia aabɔrkpaan buyoonn na, le uja ubaa nan bi, bi nan yin u ke Esra. Esra aate le nan ye Seraya, le Seraya mu aate nan ye Asaria, u aate nan ye Hilkia na.

Esra 7:11

Ubɔrkpaan Ataksekes le nan di kigbaŋ kimina tii Esra, u ye utotoor ni ugbanbae, u nyi ikaal i Uwumbɔr nan di tii Israel yaab mbamɔm na ke:

Esra 7:6

Esra nan ye ugbanbae la, le ki nyi Israel yaab Aadindaan Uwumbɔr aakaal i u nan di tii Moses na mbamɔm. Esra Aadindaan Uwumbɔr aah nan bi u chee pu na, ubɔrkpaan ngbaan nan tii u tiwan ni mɔmɔk u ban na la. Ataksekes aanaan yoonn aabilolole ni, le Esra, ni Israel yaab bibaa, ni bitotoorb, ni Liifai yaab, ni Uwumbɔr Aadichal ni aawangbaab ni bilahngaab, ni bikikiib, ni bitutum, nan nyan Babiloŋ ki cha Jerusalem.

Aisaya 10:8

le ki puk kipupuk ke, “Maatɔb aajab aaninkpiib mɔmɔk kpaln bibɔrb la.

Esekiel 26:7

Tidindaan Uwumbɔr ki len ke, “M ga joo ni Babiloŋ aabɔr Nebukadnesar u ye bibɔrb mɔmɔk aabɔrkpaan na, le u nan tak Taya aatiŋ. U ga di butɔb aajab bi wiir na nya ni ŋŋangan wɔb, le bi ga li kpa itaan, ni yaatɔroku tiib, ni bitandam.

Daniel 2:37

Mpɔɔndaan, sin le ye ubɔrkpaan u jer bibɔrb mɔmɔk na. Uwumbɔr u bi paacham na ŋa si ubɔrkpaan ki tii si kipak, ni mpɔɔn, ni liyimbil mu.

Daniel 2:47

Ubɔrkpaan nan ki bui ke, “Saawumbɔr le ye Uwumbɔrkpaan ki jer ŋiwaa mɔmɔk, u ye bibɔrb Aadindaan, ki ye u kpiir iwaan aawan mɔk binib na. Saah kpiir iwaan aawan nimina mɔk mi na le cha m bee kina.”

1 Timoti 6:15

Ni yaa nan ŋeer kan, Uwumbɔr ga cha u gir ni. Uwumbɔr u ti pak u na, uma baanja le ye tiwan mɔmɔk Aayidaan. U ye bibɔrb mɔmɔk Aabɔr, ki ye dindatiib mɔmɔk Aadindaan.

Tibɔkpiirkaan 17:14

Bi ga faa Uwumbɔr Aapihbo butɔb. Le Upihbo ngbaan ga nyaŋ bi; ba pu? u ye dindatiib mɔmɔk Aadindaan, ki ye bibɔrb mɔmɔk Aabɔrkpaan la. Binib bi dii u na le ye waah nyan bi ki yin bi na, le bi si uchaŋ ni.”

Tibɔkpiirkaan 19:16

Liyimbil nan ŋmee waakpalk pu, utaapaln chee ke, “Bibɔrb mɔmɔk Aabɔrkpaan ni dindatiib mɔmɔk Aadindaan.”