Esra 6:3 - Uwumbɔr aagbaŋ

³ “Ubɔrkpaan Sairus aah nan jin nnaan na aajan aabiln ponn ni, le u nan siin nkaal, ke bi ki gir maa Uwumbɔr Aadichal li nan bi Jerusalem ponn ni na, aan bi li toor kitork nima, ki kpee kitork ki bi joo seer mmii ni na mu. Uwumbɔr Aadichal ngbaan aapaacham aafɔfɔk li ye ŋitaa imonko inaa ni kipiik, ki li waa kina mu.

Esra 6:3 ပူးပေါင်းရင်းမြစ်များ

2 Bibɔrb Aabɔr 2:3

Solomonn nan tun Taya aatiŋ aabɔr Hiram chee ki len ke: “M ban ke aa kooh m pu tiwan ke saah nan kooh santina aadɔ tii nte Ubɔr David, buyoonn u nan bi maa waabɔrdichal na.

2 Bibɔrb Aabɔr 2:6

Tɔ, ubaa mu aan sil ŋmaa maa lidichal tii Uwumbɔr, ba pu? paacham aah wiir sakpen pu na aa kpa mpaan ki tii u. Kina pu na, maah ban m maa Uwumbɔr Aadichal li na ga li ye nin chee ti ga li seer tulalee aayon tii Uwumbɔr na baanja la.

2 Bibɔrb Aabɔr 36:22

Sairus aah nan ye Pesia aabɔr pu na aajan aabiln ni, le Uwumbɔr nan cha waabɔnabr Jeremia aah nan len pu na gbiin. U nan cha Ubɔr Sairus siin nkaal mumina ki cha bi ŋmee mu, ki di tun waanaan mɔmɔk ni ke bi karn mu mpɔɔn pu ke:

Esra 1:1

Sairus aah nan ye Pesia aabɔr pu na aajan aabiln ni, le Uwumbɔr nan cha waah nan di waabɔnabr Jeremia len pu na gbiin. U nan cha Sairus siin nkaal mumina, ki cha bi ŋmee mu ki di tun waanaan mɔmɔk ni ke:

Esra 1:2

“Pesia aanaan aabɔr Sairus le siin nkaal mue. Uwumbɔr u ye Paacham Aadindaan na le ŋa mi dulnyaa wee mɔmɔk aajojoor, le ki tii mi lituln ke m maa lidichal Jerusalem aatiŋ ki bi Juda aatiŋ ni na tii u.

Esra 3:7

Binib ngbaan nan tii ŋimombil ke bi di pa binib bi kpii ŋitakpal na, ni binib bi lar ki duur ŋikpan na, ki tii tijikaar, ni ndaan, ni olif aakpan ke bi di tun ti kpeln Taya ni Saidonn yaab chee santina aasui, Lebanonn aatiŋ ni. Le bi ga di kina aasugen di deen ni nnyusakpem ni ki nan saa Jopa aatiŋ mɔk. Pesia aabɔrkpaan Sairus le nan tii nsan ke bi ŋa kina mɔmɔk.

Esra 6:14

Juu yaab aayidam ngbaan nan maa Uwumbɔr Aadichal ngbaan mala, le Hagai ni Sekaria bi nan ye Uwumbɔr aabɔnabr na nan pɔɔk bitaakpab. Israel yaab Aawumbɔr, ni Pesia aabɔrkpaam Sairus, ni Darius, ni Ataksekes aah nan bui bi pu na, bi nan doo Uwumbɔr Aadichal ngbaan aamaam.

Ilahn 122:4

Uwumbɔr aanib choo nima la, ke bi nan doon u, waakaal aah mɔk pu na.

Tibɔkpiirkaan 21:16

Kitiŋ ngbaan nan ye likpakpaln la. Ŋipepel mɔmɔk ŋinaa aah waa pu na ŋak la. Le u di lidabil ngbaan ŋaŋ ki lik kitiŋ ngbaan aah wiir pu na. Le ŋipepel ŋinaa mɔmɔk ye mal lichur libaa ni ikui iŋmu, ki mu fɔk kina la.